قمة التميز أ خ آ ف ما أ ت ز و ج ت ع ب ت من كلآم النآس

أصال 22

22-10-2022 - 02:17 pm

رزقك عنده محفوظ ماتموتين الا ومآخذه رزقك كآمل ..

ولاتجزع إذا أعسرت يوما
فقد أيسرت في الزمن الطويل
ولا تظن بربك ظن سوء
فان الله أولى بالجميل
وأن العسر يتبعه يسار ٍ
صباح ملئه الطاعه صبآح ملئه الإيمآن ..
مساءكن رضآ من رب الأكوآن ..
وانا اتجول اليوم في ارجاء هذا القسم
لمست الحزن واليأس كيف محتوي حروف مشاركات البعض ..
الخوف من العنوسه ..
أصبح شبح يطآرد البنآت ..
أغتصب منهم أجمل شئ يزين حيآتهم .. بسمتهم وفرحتهم ..
ليه الحزن والخوف يآبنآت ..
اللي خلقك متكفل برزقك انزعي الخوف من قلبك ..
فوقك رزآق سمى نفسه بِ .. الرزآق ..
قال الله تعالى:( إن الله هو الرَّزَّاق ذو القوة المتين )الذاريات(58).

رزقك عنده محفوظ ماتموتين الا ومآخذه رزقك كآمل ..

وروى جابر بن عبدالله عن النبي صلى الله عليه وسلم انه قال :" إن أحدكم لن يموت حتى يستوفي رزقه ، فاتقوا الله وأجملوا في الطلب ، خذوا ما حل ، ودعوا ما حرم "
وقال السعدي : ( الرزاق ): لجميع عباده فما من دابة في الأرض إلا علي الله رزقها , ورزقه لعباده نوعان : -1- ( رزق عام )شمل البر والفاجر , والأولين والآخرين وهو رزق الأبدان.... -2 -( رزق خاص ) وهو رزق القلوب , وتغذيتها بالعلم والإيمان.... والرزق الحلال الذي يعين علي صلاح الدين , وهذا خاص بالمؤمنين علي مراتبهم
زيدي في الطاعات والصبرعشان يكون لك نصيب من هذآ ..
الرزق الخآص أجتهدي وخلّي همك الأكبر مُنصب على
الحصول على الرزق الخآص ..
من ماوده يكون كل شئ له خآص عند ربي ..
مآخصك الا على دليل محبته لك ..
انتِ لمآتخصصين لشخص هديه معينه غير عن هدآيآالكل ..
وش دليل هالتخصيص عندك ..!! ؟
دليل معزتك الخاصه لها الشخص صح ..
لآتحزنين وعندك رب أسمه بصيرعليم سميع مجيب *
بصير بحآلك عالم بما نفسك من أمنيآت وطموح ~
سميع لمنآجآتك له ..
مجيب لدعآئك .. أستشعري معنى مجيب ..
لو تعلمين معنى مجيب لذبتي شوقاً لله ودك ..
طول الوقت لسآنك ييلهج بالدعآء ..
تكوني في شوق للفضفضه لربك ..
إنتِ إذآ كنتِ كآن عندك شخص غالي على قلبك ..
دآيم تشتآقين له صح ..!! ؟
دآيم تحبين تسولفين معه ..
تشكين له ..
صدقيني لو تعمقتي في أسم الله المجيب ..
كذآ بيكون حآلك .. الشؤوؤق لربك مآلي قلبك ..
هذآ الشعور كفيل بطرد حزنك ..
يمدك بتفآئل غريب ..
صدقيني إذآ خليتي أسماء الله ..
الرزآق الفتآح البصير السميع العليم المجيب نصب عينيك ..
مستحيل بتحزنيين أبد ..
بتقولين كيف أحزن وربي.. ؟
عنده رزقي ..!!
كيف بحزن وربي.. ؟
بيفتحها علي ..!!
كيف أحزن وربي.. ؟
بصيربي وشايف حآلي وذلي وإنكسآري ..!!
كيف بحزن وربي.. ؟
سآمع دعآئي ..!!
كيف بحزن وربي.. ؟
مجيب دعآئي !!..
أستشعري هذآ الشعور وربي
إنك بتنسين شئ أسمه حزن بتقولين :
ويني أنآ عن هذي السعآده ويني زمآن عن هذآ الشعور
شعور والله لو اكتب لكم عنه عشرة موآضيع ..~
مآقدرت أوصف ولو جزء بسيط منه ..
جربووه يآبنآت والله العظيم إنّه شئ ممتع فوق فوق فوق ماتتصورون
أنتِ بس إذآ حزنتي أسشتعري معاني هالأسمآء ..
وبعدها بنتسين كل ألم كل جرح كل ضيقه كل هم كل غم كل دمعه
طالعه بسبب حزن ضيق قلبك ..
يقول النبي صلى الله عليه وسلم: ( من فُتح له باب الدعاء فُتح له باب من أبواب الرحمة )
أحدظلمك لآتحزنين قولي فوقي رب بصير عليم ..
عليم إني "مظلومه" لآتخآفين خلي ثقتك بالله كبيره وأنه بينصرك
أدعي دعوة المظلوم مستجآبه ..
ربي قال : وعزتي وجلآلي لأنصرنك ولو بعد حين
ربي بينصرك طآل الزمن أو قصر ..
لآتشيلهين هم وفوقك رب ماهو ظلاّم للعبيد ..
صدقيني حزنك وهمك مآيحل شئ ..
تفآئلي عيشي حيآتك بكَل روح مرحه لآتختلف عن روح مرح الأطفال ..
نآظري في الأشيآء الحلوه حولك ..
عندك أهل أحمدي ربك ، غيرك أنولدت ماتعرف نسبها
ماتعرف وش معنى الأهل تعرف انوا في شئ في الدنيآ أسمه ..
أهل لآكن ماتعرف وش المعنى الحقيقي للأهل ..
عندك أطفال أحمدي ربك غيرك عقيم تتمنى كلمة مآمآ ..
عندك قوت يومك أحمدي ربك ، عندك كسوه تكسيك
صيف وشتا أحمدي ربك غيرك ، تموت جوع ماعندها لقمة
تسد جوعها غيرك تموت ، من البرد ماعندها شئ يدفيها
غيرك يجي الصيف ملآبسها مقطعه وممزقه من كل نآحيه ..
أنتِ عآيشه بعز ودلآل دولآبك مليآن ملآبس فخمه وبأغلى الأسعار ..
وهي تتمنى لو لبس بسيط تتجمل فيه عند الناس ~...
أحمدي ربك أنوا ربي هدآك غيرك ربي ماهدآها وجعلها من أهل
الهدى تتخبط في الظلال والعصيان .. ليل ونهآر ..
عندك نعمة الصحه غيرك في غيبوبه ، او تقضي في المستشفى
أكثر من اللي تقضيه في بيتها ..
عندك نعمة البصراحمدي ربك غيرك تتمنى لو ..
تشوف شكلها ..
وشكل امها وابوها واخوانها ..~
أنّآ مآحسيت بعظم هالنعمه إلالمآ صابني مرض في عيني
بسببه فقدت نعة البصر بعض الأيآم ..
قلت ياالله أنآ كم يوم وماتحملت كيف هم من صغرهم وهم في ظلآم دآمس ..!!؟
والله مايعرف الوآحدقيمة هالنعمه العظيمه الا إذآفقدها ..~
كل شئ حلو في حيآتك مآتعرفي قيمته إلا إذآفقدتيه ..
بعدمآتقرين موضوعي أبي منك تآخذين ورقه وقلم ..
وأكتبي فيها النعم اللي ربي أعطآك إيآها ..!!
وأكتبي النعم اللي ربي حرمك منهآ ..!!
وإذآعجزآنه تجبي لك ورقه افتحي وورد واكتبي فيه واحفظيه عندك ..
وكل مآحسيتي بهم افتحيه وأقرأي النعم اللي ربي وهبها لك ..
واحمدي ربي وأشكريه عليهم ..
( ولئن شكرتم لأزيدنكم )
وشوفي وش أكثر اللي أعطآك وإلا اللي أنحرمتي منه ..
أكتبي ك النعم صغيرها وكبيرها ل ..
وقال رسول الله صلى الله عليه وسلم :" من أصبح منكم آمنًا في سربه، معافًى في جسده، عنده قوت يومه، فكأنما حيزت له الدنيا "
لآتوقفين حيآتك على عشآن الزوآج بس ..
في الحيآه حآجآت ثآنيه حلوه غير الزوآج ..
لآتنكدين على نفسك وعلى اللي حولك بسب الزوآج ..
دآيم مكشره وأخلآقك مقفله وأي أحد يطلب منك
حآجه تسوينها له عطتيه موآل ..{ أنا طفشانه أنا مالي خلق أنا تعبانه نفسياً أنا ..ألخ
لآتحرمين نفسك من ملذآت الدنيآ المبآحه بسب
الزوآج ..
مآأطلع أخاف من كلآم الناس ~
مآأكلم صديقاتي بسب كلآمهم .. *
صدقيني لو بتفتحين أذانك للناس بتتعبين ..
مآيرتاحون الا إذآ جآك مرض خطير بسبب التفكير ..
أو حطوك في قبرك متي من الهم ..!!
حتى إذآ مرضتي بيقولون : مسكينه من كثرماتفكر في الزوآج مرضت ..
أو مسكينه من كثر هم الزوآج ماتت من الهم ..
كلآم الناس دوسي عليه برجلك ( وأنتِ بالكرآمه )
وإذآ وحده ضآيقتك وقالت لك :
ليه مآتزوجتي قولي بكل دلع وثقه وبسمه مزينه وجهك ..
مآبعد يجي اللي يستاهلني ..~
ردي عليها لآتسكتين وتكتمين في صدرك هي تستانس
إنها قهرتك وإنتِ متضايقه لآ وألف لآ وحده ما تستاهل
تضيق صدرك ..
لآتصيرين وحده مغلوبه على أمرها تنجرح وتسكت
لآ ردي على اللي يجرحك بطريقه دبلومآسيه ..
بحث إنك ماتخسرينه في نفس الوقت ماتسكتين له ..
خليك مع النآس جآده في المسآئل الشخصيه ..
مهمآ قرب الأنسآنه لقلبك لآتخلينها تدخل في
مسآئلك الشخصيه اللي لآإنتِ ولآهي ولآغيرها له يد فيها ..
الرزق على رب العبآد العبآد مآلها أي سلطه فيه ..
أنتبهي موإذآ وحده أسألتك ليه مآتزوجتي تقولين لها :
أي والله أنآ ودي بس شسوي مآأحد خطبني .... ألخ
لآ
خليك حآزمه معهآ وأقفلي الموضوع بكل حزم ..
وردي مثل مآقلت لك بطريقه دبلوماسيه تنهي التعمق
في هذآ الموضوع ..
أمور قد يكون التعمق فيهآ تثير عليك أحزآنك
وتنثر الملح على الجروح ..!!
أبتعدي عنها ، لآتعطين أحد الضوء الأخضر ..
إنه يتعدى على حيآتك الخآصه ..
لإنك إذآ إنتِ من النوع الحسآس رآح تتعبين ..
إذآ أعطيتي النآس الضوء الأخضر للتعمق في حيآتك ..
قد يكون تجريهم بِ ، قصد أو بدون قصد ..~
بس من البدآيه أختصري على نفسك الطريق ..
ولآتسمحين لأحد الخوض في عآلمك الذآتي !!
الحروف بين يدآي تجر بعضهآبعض ..
وتقفز بين أصآبعي للتسآبق للوصول لقلوبكن ..~
ولكن خوفي عليكن من ملل القرآءه أنهى المسآبقه ..
أن أصبت فمن الله وإن أخطأت فمن نفسي والشيطآن ..
أختكم في الله
أصآل
عند النقل أرجوا كتآبة منقول
وقول الله أصدق كل قيل
فلو ان العقول تسوق رزقا
لكان المال عند ذوي العقول

التعليقات (8)

كلي أمل برحمت ربي

22-10-2022 - 04:44 pm

كلماتك رائعة تشفي القلب
جزاك الله خير و جعله في موازين حسناتك

مثل نور الشمس

22-10-2022 - 05:45 pm

يا صاحب الهم إن الهم منفرج & أبشر بخير فإن الفارِج الله
اليأس يَقْطَع أحيانا بصاحِبِه & لا تيأسَنّ فإن الكافي الله
الله يحدث بعد العُسْر مَيسرة & لا تجزعنّ فإن الصَّانِع الله
وإذا بُلِيتَ فَثِقْ بالله وارضَ به & إن الذي يَكْشِف البلوى هو الله
والله ما لَك غير اللهِ مِن أحَدٍ & فَحَسْبُك الله .. في كلٍّ لكَ الله
جزاك الله خير كلامك جدا جميل

يآرا التميمي

22-10-2022 - 07:47 pm

جزآك الله ألف خير على هالكلام الرائع
والله يرزق كل بنآت المسلمين بالازواج الصالحين

لمعة ضوء

22-10-2022 - 08:48 pm

لله درك يااصوله
طببتي جروح عجزت في مداواتها السنين
كلماتك خرجت من قلبك فلامست قلوبنا
جعلتينا نبحر معك في عالم مليئ بالنور والامل
حقيقه في حاجات اول مره اسمع فيها بموضوعك
عسى الله لايحرمك الاجر
فعلا الانسان المتفائل كلن يحبه والمتشائم الناس ماتبي تسمع حسه حتى
ياشيخه روحي والقلب داعيلتس
ورب الكعبه اني اموت فيتس

مس معوده

22-10-2022 - 09:49 pm

مشاءالله كلام رائع ربي يجزاك الف خير
ويخليك ربي يالغلا على روعة ماطرح
ربي يعطيك ماتتمنين واكثر
ويرزقنا وياك وبنات المنتدى والمسلمين اجمعين الازواج الصالحين يارب العالمين

almond and nuts **

22-10-2022 - 10:50 pm

أحدظلمك لآتحزنين قولي فوقي رب بصير عليم..
عليم إني "مظلومه" لآتخآفين خلي ثقتك بالله كبيره وأنه بينصرك
أدعي دعوة المظلوم مستجآبه..
ربي قال : وعزتي وجلآلي لأنصرنك ولو بعد حين
ربي بينصرك طآل الزمن أو قصر ..
لآتشيلهين هم وفوقك رب ماهو ظلاّم للعبيد..
آآآآآآآآآآآآآآآآه
آه آه آه
حسبي الله و نعم الوكيل على من ظلمني و حرمني فرحة عمري
الله اني اعوذ بك من دعوة لا يستجاب لها
رائع الله يجعل الفردوس مستقرك

ميآسين..!

22-10-2022 - 11:51 pm

جَزَاك الْمَوْلَى جِنَانِه

Red fllower

23-10-2022 - 12:52 am

مساء الخيرات ^ _ ^
"
يقول الشاعر:
أيها الشاكي ومابك داء...... كن جميلا ترى الوجود جميلا.
"
كلمات أكثر من رائعة خطتها يداك غاليتي أصال 22
فقد ذكرت كل مايدفع بأخواتنا إلى الأمام.
ولم يتبقى لي شيء
سوى أن أقول لكل من تأخر عنها أمر الزواج:
كل تأخيره فيها خيره.
واشتغلي وقتك إلى أن يشاء الله
من بناء لشخصيتك، وتثقيف نفسك
وتعلم أمور دينك
وتعلم كل مايخص الحياة الزوجية.
"
غاليتي:
لك من أعماق قلبي جميل الشكر والعرفان
نظير كلماتك الأكثر من رائعة
وأسأل الله أن يوفقك لكل مايحبه ويرضاه.
محبتكم:
فلوره

إيش الفرق بين المطلقة ةالمتأخرة عن الزواج←
يستحق المشآهدة برحيل شريك حياتي أظلمت الدنيا أمامي→