قولو لي اطلب الطلاق ولا لا

بسم الله الرحمن الرحيم
بدخل بالموضوع بدون مقدمات لاني والله بحيره مدري وش اسوي
وابي مشورتكم بصراحه لاني اعتبركم زي خواتي
انا متزوجه من سنه وكم شهر ولسى جايبه بيبي من شهرين زي القمر ربي يخليه لي
زوجي اكبر مني ب 23سنه يعني عمره 53
وكان متزوج قبلي وطلق وعنده 3 بنات و3 عيال عياله كلهم كبار بالجامعه
المهم انا قبل ما اتزوجه كنت ارمله وعندي بنت باولى ابتدائي الحين
ربي يحفظها ويحميها وكل بنات المسلمين يارب
المهم مابي اطول عليكم ... بعد سنه من زواجي اكتشفت ان زوجي يحشش والاكبر من ههذا وقبلها كان يشرب
عن الشراب كلمته اكثر من مره بالين وبهدوء ووعندني انه مايشرب
او على الاقل مايجي للبيت وهو سكران
اما عن الحشيش انا ماقلتله اني اعرف سويت اني ما ادري عن شي
خفت يتمادى ويحشش قدامي قلت يابنت بلاش يكفي الشرب
للمعلوميه هو زين بس هالعيب الي فيه
بس امس صار موقف وابي مشورتكم للحين انا مصدومه يابنات مدري وش اسوي
جاني الرجال سكران والكاس بيده وعادي جدا
بقولكم الموقف بالتفصيل
اول شي اتصل علي وبدا يخربط بالكلام قلت الله يستر شكله سكران وجلست ادعي ربي يكفيني شره
وقلت البنتي اول مايدخل روحي على طول غرفتك قالت طيب
متعوده على هالمواقف
اول مادخل كان جايب فلافل معاه ورماه بوجهي انهبلت وش فيه هذا
وجا ومسك ولده مسكه غريبه تخوف وجلس يناظره نظرات غريبه قلت ربي يستر على ولدي
وجلس يخربط بالكلام ويصبخ بالبيبان وراح وجاب كاس وثلج من المطبخ
قلت الا هذي
واروح واشوف وش يسوي
الا الاخ جايب الشراب وحاطه بالكاس
وانفعل مره واجلس ابكي
وقلت له والله العظيم ان شربت هنا لايكون اخر مابيني وبينك
رد قال انتي ليه مكبره السالفه عادي
واخذ الكاس واكسره بالجدار والشراب
واكبه بالمغسه
جلس يهاوش ودفني بالصاله وجر شعري وجره بقوه
ورماني خفت
دخلت انا وبنتي غرفتي وقفلت علينا الباب وطول الليل وانا ادعي
وجلس يطق الباب بقوه وانا ساكته مارديت
وراح
وجا الفجر وطق مره ثانيهوفتحت له ودخل ونام ونامت بنتي بغرفتها
صحيت على الظهر لاني كل امس مانمت وانا ماني مستوعبه الصدمه
وقام ابو الشباب على الساعه 2 ونص وجلس ينادي ولارديت
وطلع من الغرفه
تدرون وش طلب؟؟؟؟؟؟؟؟؟؟؟؟؟ظ
قال ؟؟ ابي عصير منقى بالثلج ؟؟؟ والله قهر كانه ماصار شي
قلت له ما اعرف اسوي
قال يعني منتي مسويه قلت لا
ولثاله عصير من امس بالثلاجه وشربه ورمى باقي العصير
وقال انا اعرف اربيك ورجع ونام
وهذي كل الي صار
محتاره اقول لمي واهلي ولا لا
ماودي اتطلق وبنفس الوقت احس خلاص مافيه امان معاه
وصعبه كل يوم لي رجال ومن كل رجال لي طفل
والي يقولي اهلك
اهلي ظروفهم بالحيل صعبه ماصدقو اني تزوجت
وعندي اخو العن من الي عندي
يشرب ويحشش وكل شي يسويه
وكلن داري عنه
بس محد قادر عليه وموريني قبل ما اتزوج نجوم اليل بعز النهار
يعني جت الحزينه بتفرح ما لقت له مطرح
والي يقولي ابوك وينه اقولكم الوالد بعالم ثاني
متزوج سوريه له 15 سنه ومدرى عن اهلي يدري عني
قولو لي الحين الحل برايكم اسكت واصبر ولا ارجع لهلي رغم ان اخوي العن منه وموريني الليا كل شي سواه فيني ضرب وحبس وشكك فيني اهلي تخيلو يقول اشوف بغرفتها رجال؟؟؟