كروكيت البطاطا بالصور كمان

اول شي رح نحتاج لبطاطا..طبعا ماراح احدد المقادير..كل وحدة تعمل حسب الكمية اللي تحبها..
جبن..انا استعمل كيري ..وجبن مبشور..وموتزاريلا..
بيض..حسب كمية البطاطا..
بقدونس..
فتات الخبز..
ملح وبهار..
طحين ونشا..
ثوم..
كمان بيض..علشان نمرر فيها البطاطا..
نسلق البطاطا...ونهرسها..
بعد ما نهرسها نضيف لها..
الجبن والبقدونس..
وبعدين نحط فيها البيض..
انا حطيت بيضتين..
لا تكثرو البيض..يعني حطو اولا بيضة..وشوفو..علشان ما تطلع البطاطا سايلة وما تقدري تشكليها..
وهي الصورة بعد ما حطيتلها كل المقادير..طبعا لا تنسو البهار..ودوقو الملح..
لازم البطاطا تصير هيك..
بعدها...
شكلي البطاطا على شكل كرات...
ومرريها في الطحين..
حطي الطحين..
وحطي معاه شوي نشاء..ملعقتين اكل او ثلاث...علشان تطلع مقرمشة اكثر...
وهون بعد ما مررتهم كلهم..
بعدين جيبي..كم بيضة..
انا حطيت خمس بيضات..
اضربيهم وحطي معهم شوي فلفل اسود وملح..
ومرري فيها الكرات...
وبعدها جيبي فتات الخبز..
حطي معاه شوية بقدونس..
وابشري معاه حبيتين ثوم..
او ادا حبيتي..ثوم مطحون انا ماكان عندي..
وكامن فلفل اسود...
وحطي معاها شوي جبن مبشور..
بعدين من البيض..حطي الكرات بالخبز..
وهي بعد مامررتهم كلهم..
وهي بعد ما قليتهم..
قدموهم مع سلطة ..
ولحم مشوي بالفرن..او دجاج بالفرن...
اتمنى حبيباتي تجربوها..
اسفة الصور مش طالعة كثيير حلوة لاني صورت بموبايلي..
وما بدي منكم شكر بس..
بدي تجربوها وتعطوني رايكم..
وانا متأكدة لما تجربوها..ما رح تستغنو عنها..
ورح تبقو تعملوها دايما..
كمان ممكن تجهزوخا قبل بيوم وتحطوها بالثلاجة..ادا عندكم ضيوف مثلا..
وبعدين طلعوها ن الثلاجة واقلوها مباشرة...
اتمنالكم التوفيق..
واتمنى كثير تعجبكم..
دمتم بود..