كلو لوش

1. ياما كنت اشكي لكم واقولكم ان زوجي هادي وطول الوقت ساكت وحياتنا ممله


2. حلو مره فيه ادعيه تنفع بإذن الله.


3. وصبر وقعلا بديت الخطه ........

السلام عليكم..
كيفكم؟
كلو لوش صارت حياتي افضل بفضل ربي..

ياما كنت اشكي لكم واقولكم ان زوجي هادي وطول الوقت ساكت وحياتنا ممله

وكنت اسألكم وش اسوي لاني عجزت افهمه واقولكم اني تعبت وصرت ما انا م الا بحبوب مهدئه ومنومه بس الحين خلاص تغير الوضع والحمدلله.....
وش سويت طبعا انا مليت وقلت اذا هو بارد وانا سويت كل شي عشان اخلي حياتنا حلوه بس هو مايساعدني ولا يهتم ليش انا اهتم وخليت الايام تمشي مثل ماهي وبعد فتره دقت وحده من صديقاتي وسألتني كيف وضعي وقلت لها بالحال وقلت خلاص تعودت وكنت اضحك وعيوني مليانه دموع وعبرتي خانقتني وهزئتني وقالت وش الي تعودتي لا مايصلح كذا انتوا توكم في بداية الطريق بكره بيجيكم بزران كيف بتسون وانتوا كذا ....؟!!
قلت وش اسوي كل شي سويته ومالقيت اي تفاعل او مقابل قالت لا تستسلمين وانا اخوي كان كذا وزود بس لما تزوج زوجته غيرته واعطته كتاب فيه كيف يتعامل مع الزوجه ؟وسوت له المستحيل وتغير قلت لها يلا على يدك قالت طيب
في البدايه تصارحينه بانه مقصر معك في تعامله واسلوبه وانه بعيد عنك وتعلمينه انك تعانين من هالشي ( انا احترت بس قلت بقول وبشوف وش بيصير) وفعلا قلت له واستغرب قال كل هذا انا اسويه ليش تتحملين و ليش ماقلتي من زمان ياعمري تعبانه وانا الي متعبك لا انا مارضى ..
وقالت:
اول شي تسوينه: انك تصلين الليل وتدعين له ان الله يسخره لك ويحنن قلبه عليك (طبعا انا كنت اصلي الليل كل يوم عند اهلي بس لما تزوجت صرت ماصليها)
وثاني شي : فيه كتيب اسمه

حلو مره فيه ادعيه تنفع بإذن الله.

ثالث شي: الكتاب الي فيه كيف يتعامل الزوج مع زوجة والاشياء الي محتاجتها في تعامله واسلوبه معها.
رابع شي اهتمامك له وحنانك وخوفك عليه وحبك له ولازم يعرف انك تحبينه وماتبين تزعلينه ولاتضايقينه وان سعادته عندك بالدنيا كلها....( المشكله انه يعرف ويسوي اي شي من وراي ولما اسأله يقول انتي تحبيني يعني مرح تزعلين علي ..!!
وقلت يلا مع اني سويت كذا من قبل بس برجع اعيد وباصرار وحماس هالمره

وصبر وقعلا بديت الخطه ........

والحمدلله كل شي تغير صاير يحكي معي ويسولف ويهتم فيني وياخذ رايي وتعامله واسلوبه صاير مثل العسل وبس راح استمر لان باقي شغله الي هي السوق
السوق مايحبه لانه يتعب في الدوران وانا ابي ملابس للجامعه وللعيد وملابس مناسبات حد السوق مسوي دسكاونت وفستان لان فيه زواج بحضره وابي شوية تحف للبيت لاننا تونا ساكنين وكل ماقوله يقول بعدين بس لمتى بعدين بنشب له وراه وراه والزمن طويل راح اسوي الي اقدر عليه عشان اغير من طعبه لانه كسول لدرجة انه فصل لي كنب حلو وانا خترته عشانه هادي وبسيط بس سعره مره غالي كله عشان مايروح يدور شي ارخص ومتواضع لان المجلس مو كبير وانا مابي اتكلف لان مارح احد يزورني الا خواتي واهله وحريم اخوانه بس ..