كل من صبغت في مشاغل جده

انا شفت صحبتي في الجامعه صبغت على زواجها تقريبا طول شعرها تحت كتفها بشوي ب400 ريال صبغه وبلياج بس اش هذيك الصبغه مره روعه وهي اصلا سمراء جايبين لها درجه تناسب لون بشرتها ويفتحها هذا عند مشغل اسمه ساره
وفي كمان نفس الموقف صار لصحبه ثانيه ليا عند مشغل بجد صبغتهم حلوه وراعو لونها وعملو لها درجه تفتحها وتحليها ب 500ريال اعتقد ونفس طول الشعر هذا عند مشغل اسمه الازياء الحديثه وتراه من زمان وهو\معروف في القص والصبغات
اتمنى اكون افدتك

انا في صبغ وقص الشعر ماروح الا لجمالك
لانه بصراحه شغلهم مره روعه
عندهم وحده اسمها عبله ماشاء الله عليها

روحي عند جاك صبغاتهم روعهوما تعدم الشعر زي با قي الصبغات

باتشي الوتشي وصالون ريما وجاك ديسانج افضل محلات على مستوى المملكة بس الله يعينك على المبلغ..شيلي 700 احتياط

700 ريال تسوي لك احلى صبغة عند جمالك هذا شعرك لاتغامري في مكان ماجربتيه ادفعي وارتاحي انتي عروسة والكل عيونه عليك ربي يوفقك ياعسل

انا اسوي شعري عند جمالك وعبله احسن وحده فيهم اخلاق وذوق

حبايبي كم اسعار جمالك للهاي لايت للشعرر الطويل ومين احسن وحده تسويه

انا عن نفسي جمالك مايعجبني لان شغلهم الحبشيات هم الي يسووه بس الكوفيرا تخلط الالوان وتعطيها الحبشيات الي في المحل وهما يصبغو..وغير كذا شغلهم مو مميز يعني بتلاقي كثير نفس صبغتك وعلى طول حيسألوكي الناس انتي اكيد صابغة عند جمالك..عشان كذا اقولك اذا تبغي التمييز روحي باتشي الوتشي وهذا معروف في لبنان ودبي هم الي يسوو لنانسي وميريم فارس ومروه و اغلب فنانات لبنان وغير كذا شغلهم انا مجربته من زمان وانا اروحلهم..بس السعر غالي لكن يستاهل
ونفس الشي لصالون ريما وجاك ديسانج فظيعين وشغلهم غير مو منتشر زي جمالك..
والناس اذواق وشوفي انتي ايش يعجبك..موفقه

شانيل
كلامك صح ما ادري ليش الناس طايحين على جمالك
والله احرقولي شعري السنه الي راحت بسبب الزحمة والعاملات بصراحه حبشيات اي كلام
انا ارتحت لبثينه الي بالتحلية عند وحده اسمها هيفاء
حتى المشط معقم تطلعه من محلول
وطبعا السعر مرتفع بس يستاهلون