كوكيزات وليد ويوسف عساها بالعافيه سهله وسريعه

السلام عليكم ورحمة الله وبركاته
هلا بالفراشات
يسعد مساكم والصباح
يوم الاحد كنت مسويه كوكيز لوليد واصحابه
فحبيت انزل لكم المقادير والطريقه وهو سهل وما ياخذ من وقتك غير نصف ساعه
عموما من علامات الكوكيز الناجح انه من برا قاسي ومن جوه طري ويذوب بالفم
والكوكيز اللي سويته شوكلت
طبعا سخنت الفرن على ال190وبديت بالكوكيز اللي
كانت هذي مقاديره
اصبع زبده طريه بدرجة حرارة الغرفه
وثلاث ارباع الكوب سكر اسمر
وممكن ابيض سكر الاسره ماتفرق لانه تشوكلت
وبيضه وحده
وكوب طحين معه+ ملعقتين كبار شوكلاته بودره وملعقة صغيره بيكنج باودر ورشة ملح
وممكن فانيلا شيئ بسيط اذا كانت سائله
وثلاث ارباع الكوب حبيبات هيرشي نصف محلاه عشان الكوكيزالت ما تطلع حاليه مره
ونضيف المكسرات بندق او جوز بقان او فول سوداني غير مملح حسب الرغبه وممكن الاستغناء عنه
انا هنا استغنيت عنه خفت يطلع ولد عنده حساسيه من مكسرات او شيئ
الطريقه
نضرب السكر مع الزبده ونطول حتى تبيض ويتغير لونها وتتجانس تماما
ثم نضيف البيضه ونخفق
ومن ثم نضيف الطحين المنخول والشوكلت والبيكنج باودر
ونطول بالخلط وهنا سر طراوة الكوكيز
ومن ثم نضيف حبيبات الهيرشي
ونخلط
وبعد كذا نوزعها في صينية الخبز
وتكون على شكل كور نوعا ما عشان رح تنفرد في الصينيه فيطلع حجمها حلو
ووليد كورها
ونجيب حبيبات الام امز
وتتوزع على الكوكيزات انا هنا اشتغل يوسف بتوزيع الام امز
ومن ثم تدخل لفرن حرارته 190 في الرف الوسطاني لمدة 10 دقايق فقط
وبعد كذا نخرجها من الفرن رح تكون طريه بس نتركها تبرد وتقسى
هالكميه تكفي ل30 حبة كوكيز
وبالعافيه
اضغطوا على الصوره لو حبيتوه