كوني صادقة مع نفسك أولأ نظام واقعي 100

1. همسة لكل فراشة مشتركة :

السلام عليكم ورحمة الله وبركاته
بصراحة لي فترة مسجلة ونسبة المواضيع المعقولة للأسف ماتتجاوز ال 20% مو القصد إن الباقي كذب!! لا أبد بس إحنا بنات ما أتوقع إنه حلوة نعرض نفسنا لخطر العمليات والأعشاب والبلاوي الزرقا !!
هذا النظام راح ينتهي كل 3 شهور واللي حابة تكمل تكمل طبعاً كلن على حسب حاجته للإنقاص
للمشاركة معانا تعالي وقولي رأيك وإذا عندك إعتراض حاضرين للحلوين وحطي وزنك الحالي ووزنك الهدف ( يعني المثالي )<< الحالي = 79 الهدف بإذن الله = 54
على العموم خطتنا ,,,
مزاياها :
واقعية 100%
عيوبها :
تحتاج صبر وفي لحظات ممكن تصابي بإحباط !!!
بس ماعليه اللي يجيها هالإحباط تجي هنا بتلقا دعم إن شاء الله وترجع أحمس من قبل <<جبتي التايهه خ
شرايكم يافراشاتي الحلوات التختوخات نخش في الجامد خلاص ؟؟
اوكي
طبعاً راح نبدأ من السبت وكل خميس بجي احط لكم الاسبوع الثاني
الميزان اليوم وزي اليوم يعني كل خميس اشوفكم محضرين هناا كل إللي خشت معانا
أول أسبوع
راح نمشي على نوعين يعني تختاري احد النموذجين واذا طفشتي أنقلي للي بعده لو تبي ترجعي للأول اوكي نو بروبليم
نموذج ( أ ) << حشا اختبار مو نظام غذائي خ
الفطور
2 توست حب او بر + 1 شريحة جبنة << مو لازم قليل دسم او كامل مافرقت على جبنة
كوب حليب بارد << نفس الشي كامل قليل دسم مو كارثة
5 ملاعق كورن فليكس
الغداء
اي نوع شوربة تفضليه طبعاً يكون مطبوخ بطريقة صحية بعيداً عن الزبدة واللحوم والشحوم
اصابع سمك او نوجت دجاج مطبوخ في الفرن << يعني لا للقلي
صحن صغير خيار وطماطم وخس وجزر << المهم مو أقل من نوعين
ربع رغيف خبز حب او بر
العشاء
شابورة العشرة حبوب للرجيم
زبادي ( يضاف للزبادي كمون + فلفل اسود + زعتر ) وكله حسب الرغبة طبعاً بس لزيز جربوه
نموذج ( ب )
الفطور
فول
ربع تميس بسكوت
ملعقتين لبن زبادي
الغداء
تونه
صحن سلطة ( طماطم , خيار , خس وجز )
ربع رغيف حب او بر
العشاء
تفاحة , برتقالة , كمثرى , يوسف افندي << حسب تواجد الانواع
وسأوافيكم بالاسبوع الثاني في نفس هذا اليوم
وراح أكمل بإذن الله لو وحدة بس سجلت معايا لن أتوقف عن تشجيعها وتشجيع نفسي

همسة لكل فراشة مشتركة :

• الرجيم غير قاسٍ فلا تستغربوا لأن المثل يقول " أول الغيث قطرة " يعني لاتستعجلوا على رزقكم ,
• طبعاً متوسط الانقاص مايقل عن كيلو ومايزيد عن 3 في الأسبوع الأول وكل وحدة وطبيعة جسمها ,
• الرياضة راح نبدأ فيها بعد أسبوع إن شاء الله تعالى ,
• لا للقلي ولا الرز ولا البطاطس ,
• اختاري يوم واحد فقط يكون مفتوح ومفتوح مو يعني تفلي ابوها فل لا يعني تصرحي لنفسك تاكلي رز او بطاطس قطعة شوكليت او جاتوه دون افراط ولاتفريط ,
• كل يوم لابد من شرب 3 اكواب شاي اخضر دون سكر ولا تروبيكانا ولا كاندريل ,
• لا للبيبسي ولا الكولا الدايت ولا الماكس ابد لحد يضحك على نفسه يقول أنا أشرب دايت مايسوي شي تراه ضحك على الدقون ,
• لا وحدة تتشطر وتهري نفسها عشان لاتنفلت يوم ولا احد يقدر يمسكها فالضغط يولد الإنفجار لأن هالرجيم ما هو إلا تصحيح عادات سيئة ترسبت في روتين يومياتنا فلابد من التغير الجذري ولكن هوناً على أنفسنا ,

بإنتظار التفاعل فراشاتي العزيزات !!
خالص تمنياتي لكم بالصحة والعافية وراحة البال ....