كيف ابتدت لحظة غلا وكيف انتهت بيد الممات

بسم الله الرحمن الرحيم
السلام عليكم ورحمة الله وبركاته
كيفكم ياحلوين ؟؟
إن شاء الله تمام ..
هذي قصة سعودية من خيالي احم احم.. وأنا كاتبتها
(( كيف ابتدت لحظة غلا وكيف انتهت بيد الممات ))
أول شيء بعرفكم على شخصيات القصة..
فهد (( أبو زياد ))
متزوج وعنده ولد وبنت الشغل مآخذ كل وقته .. لدرجة إنه مايعرف أي شيء عن أولاده..
يعني يدخل البيت يأكل ينام ويطلع ..
هو غني ومعيش أولاده أحسن حيات لكن الأولاد فاقدين الحب والحنان من أمهم وأبوهم..
سامية (( أم زياد ))
زوجة أبو زياد .. طبعاً الطلعات والروحات والعزايم مآخذه كل وقته.. وهي صغيرة بالسن متزوجه وهي صغيره .. فالحين جا الوقت الي تهتم بنفسها ..
بنته وولده ماتعرف عنهم غير أسمائهم..
وما تحب أحد يعلمها الصح والغلط ..
زياد
الولد الأكبر لأبو زياد .. الولد هذا وسيم ماشاء الله عليه .. طويل لكن مو كثير وأسمر.. هو الحين بسنة 4 جامعة عايش حياته .. طبعاً مايعرف شيء.. أصلاً من طلعته من بطن أمه وهو ماشاف لا أبوه ولا أمه ..
ولد طموح وعاش المراهقة بأصعب حالاتها لأنه ماوجد أحد يسانده وياقف معاه ويفهمه ..
رندا
البنت الثانية لأبو زياد .. البنت هذي مره حلوه بمعنى الكلمة ودلوعة مره وجميلة ماشاء الله طالعه على أمها ..
وطولها عادي مايل للقصر وسمراء السمار الحلو ..
هي الحين بثالث ثانوي طبعاً بسن المراهقة ..
حالتها الدراسية مو كويسه بسبب السن اللي تمر فيه ,, وحالتها النفسية مره تعبانه .. خصوصاً إن هالعمر لازم يكون فيه شخص يساعده فيه وياقف معاها والمفروض الأم تقوم بهالدور لكن الله يهديهم..
(( نروح لجهة ثانية ))
سالم (( أبو رياض ))
سالم هذا إنسان جدي حازم متزوج وهو يكون أخو فهد (( أبو زياد )) لكن بينهم خصومات خلتهم يتفارقوا ..
سالم عنده ولدين وبنت متزوجه ومره علاقتهم مع بعض حلوه ومتفاهم معهم ومو مهملهم .. هو بنفسه اللي رباهم وخلاهم رجال.. وهو بعد غني ..
منى (( أم رياض ))
زوجة أبو رياض .. الحرمة مره تعبانه الله يشفيها المسكينة .. وتحب أولادها مره وعايشه معهم أحلى حيات مع إنها مريضه.. لكنها عكس سامية زوجة أبو زياد..
هند
بنت أبو رياض متزوجه وعايشه مع زوجها أحلى حيات وعندها ولدين وبنت وحده ..
رياض
الولد الثاني لأبو رياض .. إنسان متفهم بار .. طويل وأبيض ووسيم يشبه أبوه..
رومانسي مره وطالع على أبوه بالجديه..
يشتغل مع أبوه يعني يساعده .. عندهم 3 محلات أثاث ومعرض سيارات فخم .. الولد مسئول عن معرض السيارات لأنه هو صاحب فكرت المعرض ..
طلال
أصغر ولد عند أبو رياض .. إنسان مرح ووسيم وجميل .. وطوله متوسط وأسمر .. مره حلو يطيح البنات بشكله..مره جنان ماشاء الله ..هو الحين بثالث جامعه..
ويحب التغيير لدرجة إنه كل شهر معاه سيارة وجوال غير ..من حقه بعد جمال ومال وش ناقصه ..
وأهله عندهم معرض سيارات فإيش تبونه يسوي ..
ولي باك إن شااء الله بس بعد ماأشوف الردود
وأنا كد كتبتها بموقع ألم الإمارات والكل عجبتهم بس نقدوني بشي وهو إني قالبه الموضوع كوره ههه وداخله فيها الرياضه