كيف احل المشكلة

هلا والله ب(دنيا) مافكرتي انك تكلمينه وتصارحينه بأنك تشتاقين له ناقشيه وحاولي الله يوفقك ويوفق الجميع

اذا انتي وحده ذكية راح تخلين زوجك مو يقعد في البيت الا ينشبلك والطريقة انك تتبعين طرق الدلع والحركات والكلام الحلو اللي في هالمنتدى وصارحيه بحبك له وشوقك ترى الصراحه حلوة

انا اقول لازم تسوي اشياء تجبره انه يجلس في البيت مثلاً :
يوم الي تشتاقين له كثير مره وتحسي انه بيطلع مع اخوته
جهزي له مفاجأه مثلاً اعدي له مائده تحتوي على عشاء يحبه وبعض الشموع
واجواء رومنسية والبسي وتكشخي كمايحب .. وذلك يكون في غرفة مقفله ولما تجهزي
وهو يسئلك وش بتسوين او وين بتروحين قولي له بعدين بتعرف ..
او مثلاً
العبي معاه بعض الألعاب والرابح يكون له هديه من الثاني
حتى لو كانت رسالة .. مساج .. عطر .. الخ
اشغلي وقته بما يحب ... دلليه .. كأم تحب ولدها .. تخاف عليه ..
عبري له عن مدى اشتياقك له في غيابه وحسسيه بإنك تفتقديه وتشعرين بالوحده
هذا ولكِ كل الود

اشكركم على الرد
الرغم من انكم(الله يسامحكم) جبتم حلول صعبة
أنا متعودة هو يدللني وهو يفاجأني بحركات رومانسية وكروت وشموع وقلوب
ويدخلني البيت بعد مايحوس غرفة النوم
لكن حكاية اني انا اللي اسويها تحتاج تفكير ووقت
بصراحة صعب

وشو اللي صعب الله يهديك يحقله يخرج ويهج بعد
اسمعي الكلام وأثيري يه
تفهمي وش تثيريه
ألبسي لبس مو طبيعي لبس يناديه يقوله تعا اال
ولو تخجلي أكتبي ورقة فيها كلام مثلا تعال بوسني حبيبي وضمني تعال انت بس سوي اللي قلت وأنا أكمل الباقي بتلقيه نسي أبو الجماعة اللي مستنينه

يا عيوني لاتتمللي من طلعاته والله احسن لك عشان يوم يرجع كأنك عروس جديدة والدليل انك دايما مشتاقه له وصدقيني لا يمكن تغيرين فيه شي بحاجة يحبها وخاصة انه يتأثر في اللي حواليه لانه دايم معاهم لاتخسريه لصاره زين معاكي صدقيني لو قعد عندك تكثر المشاكل وتملو من بعض كذا احسن والدليل انك مشتاقة له الله يخليكم البعض

مايصير يالغاليه اكيد بيمل انه هو اللي يدلعك دائما لانه حتى يبغى احد يدلله وبعدين الافكار اللي قالوها مو صعبه اضمن لك انها بتعجبه كثير ولو استمريت عليها بيرابط عندك دائما ولا يطلع فجربي انك في احدى طلعاته تكتبين له رساله حلوه وتفاجاينه اذا رجع

بدايه الحياه كذا خليه يروح و بيمل اذا ما حس بمضايقه منك
لان الممنوع مرغوب
و انتي انتهزي هذي الفرصه بالتغيير و زياره الاهل و التسوق عادي عيشي حياتك
احسن لك والله بدال ما يلزق كل يوم بوجهك
وكمان تقولين هو يفاجئك يعني مشتاق لك
الله يستر عليكم و يهنيكم
ماعندك مشكله يا حلوه حياتكم سمن على عسل بس حاربي الفراغ
باشياء مفيده

ان شاء مافية مشاكل بس هي مشكلة الطلعات
لأنها مو سهرة والسلام
لا يبات معهم بعد
اول مرة طلع على بالة يمهد (مابات برا يعني)
تخيلو طلع من الفجر ومارجع الا العشاء
وطوال طلعتة ماارد على اتصالاتة ولميت ملابسي ورحت بيت اهلي
ولما رجع ماحصلني بالبيت وراح بيت اهلي
وكلمتة امي وفهمتة وجبرتني اروح معة البيت لأني كنت رافضة اروح معة
بس هي ماتبغى اخواني يعرفون اني زعلانة
وبدل مايرضيني على بالة هو الي زعلان
يقول لية تروحين لأهلك وأنا قلت انا بأوديك لهم ورفضتي
ولية تقولين لأمك
واني انا (تخيلو) سيئة ظن لأنة (حسب كلامة) ترك اصحابة وراح
يدور هدية لي
وأعطاني حتى بدون نفس. الله يسامحة.
لكن انا حاولت اني اراضية بالرغم من انة هو الغلطان ووعدتة ماأعلم اهلي شي
والحين بعد مانسيت السالفة يبغى يطلع ويبات يومين برا يعني يبغى يعودني
وقال وافقي وأنا أعوضك بدلها طلعة لدبي
ويوم رفضت قال انا بأسافر هذي حياتي
واحتد النقاش وانتهى بأنه طلع وتركني (صدق الرجال مايستاهلوا شي)
لأني قلت له
اذا متعود على العزوبية ارجع لها انت اصلا مو قد المسئولية ومو قد بيت وزوجة