كيف اسيطر على اعصابي تعبت

انا مرةةة تعبت من نفسي وشخصيتي
انا انسانة اقل شي ممكن يعصبني وينرفزني ويبكيني
ومن بداية رمضان وانا يووميا لما اتكلم بالتليفون مع خطيبي اعصب عليه ع اتفه سبب
زي اليوم مثلا
كنت اكلمه وقال ايش كنتي تسوين قلت اكلم صاحبتي
قال مين قلت فلانة
قال من تحبين اكثر من صاحباتك << هو يعرف مين
انا قلت له بنرفزة اكيد فلالاانة
وسألني طيب من اكثر تحبين فلانة ولا فلانة
نفرت فيه وقلت ايش هالسؤال
انا مو طفل تسألني هالسؤال
هو حس انه سخيف وقال انا كان قصدي ترتبي لي من الافضل عندك من صديقاتك بالترتيب
مو من حقي اعرف ؟
قلت له لا مو من حقك :(
وقال اسف لاتزعلين مني ماكنت ادري
كسر خاطري وحاولت ارقع لنفسي وقلت له قصدي ان هالشي ماله دخل بعلاقتنا مو من ضمن علاقتنا
وانا مدري كيف اتصرف مع نفسي وعصبيتي
هو نام وانا احسه متكدر وحاولت اراضيه واطيب خاطره وهو يقول انا مو زعلان بس انا احسه متكدر
قلت له بوعدك وعد
انا ماراح اعصب بوجهك مرة ثانية واذا عصبت قول لي وين وعدك ؟؟
وانا بنتبه لنفسي
هالشي مرة مضايقني بنفسي بس اعصب على اقل شي يقوله
حتى امي دايم تقولي اضبطي اعصابك وتحكمي فيها وانا ماقدر حاولت
كيف اقدر اساعد نفسي وربي نفسيتي منكسرة ومو عاجبني حالي