كيف تتعاملين مع التمييز من أهل الزوج

1. صبحكم / مساكم بالرضاء والعافية ،


2. جمعنا الله وأياكم على ما يحب ويرضى ومافيه فائدة لي ولكم ،

السلام عليكم ورحمة الله وبركاتة .

صبحكم / مساكم بالرضاء والعافية ،

جمعنا الله وأياكم على ما يحب ويرضى ومافيه فائدة لي ولكم ،

سؤالي يالغاليات كيف تتعاملون مع التمييز في المعاملة من أهل الزوج وخاصة أمه ( الله يهديها) والمقارنات بيني وبين سلايفي ومدحهم والأستأثار بهم في المشاويير والرايحة والجاية لاتقولون أنتي فاهمة غلط بالعكس مع أني حساسة لكن ما أبين ولا أشكي لأمي لأن أم زوجي خالتي (الله يهديها ) ولا ودي احط بينها وبين أمي شيء لكن كله يرجع على نفسي وعلى حياتي أنا وزوجي (حسبي الله ونعم الوكيل) وعلى نفسيتي ، وخالتي تبغاني أتحمل شغلات وأهل زوجي عموما كأنهم يطالبوني بالكمال لأن والحمد لله بنت عز وأبوي الله يطول بعمره ركن للجماعة ويحل مشاكلهم وأمي الله يحفظها كانو كل حريم جماعتنا يحسبون لها حساب وفاتحة صدرها وبيتها لهن ، وأنا أحب الجمعات والوناسة وفي نفس الوقت نظامية ومنظمة عشان عيالي وعمل زوجي فصرت أروح لهم وأسلم وأرجع أنا وعيالي وفيه سبب ثاني وأحس أنه أساس المشكلة أنه بيني وبين حرمة ولدهم الكبير سوء تفاهم قديم وخالتي تفضلها والصراحة هي قوية مرة ومتحكمة في البيت ولاتحب أني أجيهم أوأكل معهم أو أدري عن اللي عندهم وخالتي على ماتبي ولاتكره خاطرها بالعكس تقول هي اللي تبي الناس وتحب سلايفها الثانيات وأنا أشوف العكس والحقيقة ما أظلم بنات الحلال طيبات معي لكن ماعندهم شخصيات بالمرة وإذا جو من بيوتهم وشافو خالتي وحرمة الكبير طالعين مشوار أورايحة تودي عيالها ملاهي أوتزور أحد يروحون معها على طول لو ماقالت لهم والله يابنات بينما أنا لا لي شخصيتي في بيتي ومع زوجي ومع عيالي ولا أروح لعزايمهم من الباب للطاقة إلا إذا عزموني بس خالتي والله العظيم أني أروح لها وأحس بالذنب أذا جلست يومين ما رحت لها لكن مع ذلك يابنات أسمع التمييز والمدح والتسميع بالكلام أنهم ياحليلهم يروحون مع الناس ويجونهم كل يوم ويسهرون عندهم وأزواجهم ما يجونه الإ الساعة وحدة ونصف ثنتين الله لايبلانا وعلى هالحالة طول الأسبوع ، طولت عليكم يافراشات بس تكفون اللي قاعدة أسويه صح وإذاكانت خطأ وش أسوي تكفون يابنات ردوا علي أنا في حاجة أرائكم النيرة ، الله يفرج همي وهمكم وكل مسلمة يارب العالمين .