الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
فراشة المشاكسة
16-10-2022 - 02:42 am
* إذا اتصل فيكِ ردي عليه و قولي له هالكلمتين ( ألو ... دقيقة دقيقة بس معي صاحبي الثاني يدق علي خلك معاي على الخط ) و عطيه تعليق و خليه يسمع صوت نغمة التعليق الين ينطق قهر و يسكر
- إذا طلبتي منه طلب أو قلتي له سالفة و ما استوعب طلبك أو ما استوعب سالفتك قولي له ( إنت وش فيك ما تفهم ... انت ما تفهم ؟ لازم اجيب لك مدرّس يشرح لك ؟ اصلاً حتى لو اجيب لك مدرّس ما ينفع التدريس مع اللي ما يفهمون )
- اذا شفتيه مبسوط و هذا أحلى وقت قولي له ( و انت فرحان بوجهك كذا توزع ابتسامات مبسوط على خيبتك بدال ما تروح تجيب لي هدية ولا حاجة تنفعنا ؟ أصلاً هذا انتوا يالرجال بس أكل و ضحك و نوم ما منكم فايدة لكن الشرهة علينا البنات معطينكم وجه )
- اذا كان عصبي و تنرفز من شيء قدامك تعالي و افطسي عليه ضحك بكل ما أوتيتي من قوة حتى لو تنسدحين من الضحك عادي
- اذا كان راعي طلعات و لعب بلوت و بلاي ستيشن خليه يطلع يسهر و في وسط السهرة اتصلي على جواله و قولي له و انتي تصرخين ( تعال بسرعة ) ... خليه يخاف و يجيك ماشي 260كلم / الساعة و اذا وصل عندك افتحي الباب و انتي بكل برود قولي هلا و غلا بس حبيت تجلس معاي لأني طفشت
- اذا كان متضايق و حسيتي عليه الضيقة قولي له ( وش فيك يا بعدهم عسى خير اليوم مو على بعضك عاد هو طبعاً يمكن يكب عشاه و يبدأ يفضفض بعد ما يبدأ و يفضفض قولي له بس بس خلاص أسكت ناقصتك انا ) ولو تغنين له أغنية عبد المجيد عبد الله ( والله فاضي جاي تحكي لي همومك و انتَ تحسبني انا من الهم فاضي ) و قولي له ( بعد انت انسان تطّفش و تجيب الهم و اصلاً ما شفت منك غير الهم هذا اللي ماخذته منك )
- اذا مرة اشتقتي له واعديه في سوق و لما يتزبط و يتهندل و يصير مهتم بنفسه و يوصل السوق و يتصل بك قولي له ( معليش والله يا بعدهم انا رجعت البيت طفشت من السوق )
- إذا قمتي الصباح حاولي إنك تزعجينه بأي طريقة ممكنة اذا كان عندك مكنسة كهربائية لا تقصرين في النظافة
- إذا صرخ و قال ( طفي المكنسة ) صرخي و قولي ( ما أسمعك وش تقول أرفع صوتك )
- إذا قام يغسل و شفتيه يحلق إقطعي الموية
- إذا طلب الفطور قولي ( أوه نسينا نجيب خبز !!! )
- إذا جاء يلبس و ما لقى ثوب نظيف قولي له الغسالة خربانة من أمس
- إذا قالك اليوم بتأخر لأن عندي إجتماع مهم قولي له ( أجل من بيوصلني لبيت أهلي اليوم ؟ )
- إذا قالك ماقدر أوصلك لان الإجتماع مهم قولي له ( اللي تشوفه يا حبيبي و ابتسمي ابتسامة عريضة )
- لما تتأكدي ان الإجتماع بدأ لا تقصرين في الإتصالات على المكتب و على الموبايل
- إذا دخل البيت و هو تعبان و طفشان و زهقان خليه يلاقك في أحلى شكل و أحلى زينة و أحلى لبس ( و قولي له معليش يا حبيبي أنا معزومة
- إذا جيتي من برا و لقيته قاعد يتابع مباراة مهمة خذي الريموت و قولي ( يوه المسلسل اللي اتابعه لي شهر اليوم الحلقة الأخيرة )
- إذا حاول يأخذ كاس من المطبخ و انكسر قولي له ( يا الله ما تشوف زين )
- إذا قعدتوا تتفرجوا على التلفزيون و شفتوا راغب علامة قولي لنفسك و بصوت عالي ( يا شين الإستعجال )
- إذا جاء وقت النوم و كان يبي يسولف وياك قولي له ( أنا عندي دوام بكرة و تعبانة )
- إذا أصر و قام يسولف قولي له ( يوه هالسالفة عدتها اكثر من مرة )
- إذا حصل و ابتسم في وجهك لأي سبب قولي له ( بسم الله عليك وش فيك فاك خشتك أنت ويا وجهك )
- اذا كان متابع مباراة اصرخي فجأة و قولي ( يو نسيت الكيك في الفرن ) و انقزي من مكانك ثم اركضي باتجاه المطبخ و حاولي انك اثناء الركض تفصلين سلك التلفزيون برجلك
- إذا كان يشخر نكدي عليه نومه ... ادخلي عليه كل اطفالكم و أطفال جيرانكم بعد و صكي عليهم الباب و سيبي الباقي عليهم ما يقصرون
- إذا كان مستغرق في النوم تعالي و بدون مقدمات و إرجفيه رجفة تخليه جالس و قولي له بكل برود ( انت نمت يا حبيبي ؟ )
- إذا جاء يوم و براسك شر و عاوزة تتخانقي انتي و ياه لازم تجهزين نفسك من كل ناحية : مفتاح الغرفة جهزيه الإحتياط واجب
- إذا بدأت المعركة حطي راسك براسه و لا تبينين له إنك خايفة و حمري عيونك فيه و قولي له ( ايه انت مش فاكر اني ممكن ادافع عن نفسي يا روحي ؟ ) و بالرسية و أعطيه بوكس على عيونه الثنتين علشان ما يشوف الدرب و خدي ديلك في سنانك و على طول لغرفتك اللي مجهزة مفتاحها من قبل و اقفلي عليك
- اذا كان يوم عيد ميلاده لا تقولين كل عام و انت بخير ... قولي ( والله كبرت و شاب راسك ) ... تحطيم نفسي ولا أروع
- اذا كنتوا طالعين أوقفي ساعة قدام المرايا
- اذا جاكي إتصال على الموبايل إطلعي من الغرفة و خليه يحترق غيرة عليكي
- اذا كنتي قاعدة على الكمبيوتر و جاء يقعد جنبك سدي الشاشة
التعليقات (9)
اكيد انتي ناوية شر من موضوعك لو سويت كذا رماني ولاعاد سال فيني
بس بعضها حلوة ههه
بس بعضها حلوة ههه
الله يسلم يدك والله لو اسويه عطول بيت اهلي بيقول محتاجبنك اهللك
تسلم يدك ههه
تسلم يدك ههه
ههه شكلك ناويه تزيدي حالات الطلاق اكثر ماهي زايده بنسويها بس بشرط تضمني لكل وحده عريس على ذوقها.......
اضحك معك...يقولون ارضى ........لايجيك ..........منه
اضحك معك...يقولون ارضى ........لايجيك ..........منه
ابغى حل بسرعة→