كيف تسولفين مع زوجك قولي لي

اهلين يالغاليات خلونا نسولف وندردش ونفضفض
وكل وحده بتفش خلقها للثانيه
وهذي القصه فضفضتها احد الاخوات وانا اذكرها لكم
السلام عليكم ورحمة الله
معروف ان تركيبة وشخصية الرجل تختلف عن المراءه..
وانا اجد صعوبه في الحوار مع زوجي..الله العالم كيف اعاني
من زمان كنت اسولف واضحك...وافرفش
في المقابل مو كل الكلام يتقبله..ومو كله يسمعه..
مررات كثيره..مو معي نهائي ..لاهي بجريده..بتلفزيون ..ببنته..بالتليفون..
ولا يناظر فيني وانا اتكلم..واذا قلت انت مو معي يعصب ..يقول معاك بس مالازم اناظر في المتكلم انا كذا طبعي
المهم..احسن مكان يسمعني فيه السياره على الطريق
وكلامي لازم يكوون محدد
لا لسواليف الي تضيق الصدر..فلانه تعبانه..فلانه صاارله موقف شين..فلان ماشاالله زاد دخله او بنى فله..ولا سالفه فيها سوء فهم..يقول لي انتي نكديه
اي سالفه نتحااور فيها ..يقول انتي تدورين نكد..
جالسين مرتاحين ليه تفتحين موضوع نتحاور فيه ..لاجا وقتها ساعتها نتهااوش؟؟؟
لا تقولين سامنه ولا ناحفه.. ما يجاوبني عن سؤال عن مبلغ سلفته اياه..وان رجعت سالته ..قاال كم مره تفتحين الموضوع انتي نكديه..هو ما يرد من الاساس
لا تسولفين عن اهلك؟؟؟ يعني ابوي شرا ؟.امي سوت..اخوي سافر..<<يميل خشته يعني من زينهم احسن مني
لا ولا ولا ولا ..قائمه من المحظورات .. بس الجنس لا سولفت معااه كله اذان صاغيه ..
فصرت ما اسولف حفاظا على كراامتي. ومت من الطفش والملل ..وهو عادي بس لاحظته يدق على اهله واصدقائه كثير..ويسولف عن احوالهم
واحيان اغلط واسولف..اموت من الزمله..اشيل هم السالفه معه..واحيان اقول خلصت السالفه..بسرعه
على ان الناس ماخذين مقلب انه برباره ويحب الجمعه والسواليف ..وهو معي لا والفف لا
اتمنى كل وحده تذكر تجربتها .. كيف تسولف مع زوجها..وهل زوجي طبيعي ولا انا مو طبيعيه