كيف تقضون يوم العيد مع أزواجكم

الصبح انزل اعايد اهله
وبعدها اروح اتجمع مع اهلي وخواتي
ونرجع ننام وبعدها يروح للدوام الى الصبح
لاكن ارجع بيت اهلي لاني اطفش بلحالي
الحمدلله مافي شي يقهرني يوم العيد

حلو ماشاء الله
والحمدالله مافي شي يقهرك .. الله لايجيب القهر والزعل
ثانكس على المرور

ليلة العيد غير عن كل ليله يعني اللي بكرا العيد اسوي ليله رمانسيه حيل والبس واستشور شعري عند مشغل علشان الصبح مو لازم استشور واقوم على صلاة الفجر والبس واكشخ وانزل اسلم على اهله ويكون فيه عمامي موجودين والساعه 11 اروح لخوالي ويكون اهلي هناك ويوديني لهم بس ويروح وهو حر بكيفه وارجع العصر وانام لين الساعه7 واروح بيت اهلي ومن بكرا عمامي الباقين
وليه انقهر هذا عيد وعيد سعيد مقدما قموره

هلا وغلا مس ديور
اي والله مثل ماقلتي هذا عيد
وعيد سعيد للكل

انااصحاالصبح ازين قهوة وصير شلريه حلاواجهزه له اذاجاء من الصلاة يروح لحالة يعايد على اهله بعدين يجي ونتقهو جميع بعدين الظهر اروح لامه والعصر اروح لاهلي وبس وينزل يسلم على ابوي ب ليش يعايد عماتك وخالاتك مو مهمات اهم شي امك وابوك

طبعا ليلة العيد تكون رومانسية
والصبح نطلع لصلاة العيد بعد مانجي اروح لامه وابوة اعايدهم بعدين يوديني لاهلي يعايد امي وابوي ويروح لاصدقائه ويمرني المغرب ونروح لبيتنا طبعا خوالي وخالاتي وعماني وعماتي القاهم بيت اهلي لان خالاتي ماخذين عماني وعماتي ماخذين خوالي بس لتوضيح
وكل عام وانتم بخير
عيد سعيد

أحرص إني أنام بدري ليلة العيد علشان يوم العيد راح يكون متعب أجهز ملابسي وملابس زوجي والأولاد و استشور شعري قبل النوم على طول أقوم أصلي الفجر وأريح شوي بعدين اقوم زوجي قبل صلاة العيد علشان يتغسل ويتعطر وياكل 3 تمرات ويروح يصلي أنا ماأقدر أصلي علشان ما عندي أحد احط الولاد عنده بعدين أبداء اتجهز ولما يجي من الصلاة أكون جاهزه أعايده وأعطيه هديته بس هو مايهديني وننزل لأهله اسلم عليهم وانا بعبايتي ونروح نسلم على أمي وابوي وإخواني وكثير ماالاقي أبوي وإخواني لأنهم يكونون بعيد الحاره بعدها ياخذني ويوديني لإستراحة يتجمع فيها خالاتي وخوالي وللأسف أعمامي وعمتي نادراً ماأعايدهم إلا رابع العيد إذا حصل أطلع من الإستراحه بعد الظهر أروح انام واصحى قبل المغرب أتجهز من جديد وأروح لإجتماع أعمام زوجي أسلم عليهم وأرجع ثانيه على خالاتي ونسهر مع بعض لين الساعه1 من الليل ومن بكرى إن شاء الله نتجمع حنا وخالاتي وخوالي مره ثانيه بس نكون صايمين ونفطر في الإستراحه سوى ونتعشى ونتفرق ونرجع مثل ايام أول نجتمع بالبيوت والمزارع,,,,
&&&&&&&&عادت حليمه لعادتها القديمه&&&&&&&&

اما انا يوم العيد البس واكشخ وطبعا زوجى يلبس ويكشخ بعدين يروح يصلى العيد ويلقانى جاهزه نروح
نعايد على اهله كلهم تشوفينى من بيت لبيت (تعب والله ) قولوا اطلع اعايد على اهله من الساعه 8 الى الساعه 11صباح بعدين يودينى عند اهلى وانا اتغدا بيت اهلى وهو يتغدا بيبت اهله
ونرجع الشقه بعد الغدا ونام الى قبل المغرب بعدين ارجع والبس مره ثانيه وهو يجلس عند ربعه الى الساعه 8العشاء بعدين نطلع ونروح مطعم اوالحديقه او نجلس على البحر وبكذا خلص يوم العيد
وثانى يوم عيد اروح عند اصدقائى

أما أنا كسولة حيل من تزوجت مامرّة جاني من الصلاة وشافني جاهزة فهو يروح لأهله واذا خلصت اكلمه يجيني واروح اسلم على اهله وبعدين اقعد عندهم الى قبل الغدا وبعدها اروح اسلم على اهلي وبالعادة يكون عيد الفطر أتغدا عند أهلي وعيد الأضحى أتغدا عند أهل زوجي أو العكس عشان نرضي الطرفين وبعد كذا نروح للشقة وأنام وأقعد قبل المغرب وأطلع أعايد أهلي وأهله اللي ماشفناهم الصبح وبعدها أقرر وين أسهر عند أهلي أو أهله وبعد كذا أرجع الشقة وأنام
عيد سعيد مقدما لكل الفراشات