كيف تكون ردة فعلك اذا جابلك زوجك زي هذي الهديه

سلام يا فراشات
قبل ايام جابلي زوجي هديه في مناسبه خاصه...
المهم فضل كم يوم قبلها يقوللي انا اشتريتلك هديه.. وانا كل ما يقول اتحمسس واقول شكلها من انواع الهدايا اللي كانت تجيني ايام الملكه .. واللي كان يغلفها عند احسن المحلات و ما يجيبها من غير ورده وكرت ياخد العقل
وفي الاخير لمن جا يعطيني هي تخيلوا ايش كان
اولا الهديه في كيس المحل اللي اشتراها منه ما كلف نفسه يحطها في كيس هدايا
ثانيا لمن فتحت الكيس لقيت عطر قد جابه ليه قبل كدا والمشكله انه مهو داري يعني ما تعمد يجيبلي عطر بعينه
ثالثا السعر موجود على العطر وكمان الفاتوره جوة الكيس
رابعا واخير اعطاني الكرت وقاللي وهو يتتريق اكتبي فيه اللي تبغي
انا مني عارفه هم الرجال يستخفوا بمشاعرنا زي كده ليه
انا عارفه انه بركه منه انه جابلي هديه بس الادمي كان رومنسي جدا يعني عنده افكار
وهو عارف ان الاشياء هدي تعني لي كتير فليش انا دايما احاول اسوي الاشياء اللي يحبها و ابعد عن الاشياء اللي تضايقه وهو ما يهتم؟؟؟؟
عارفه انه موضوع بسيط بس ابغاكم تضحكوا معايه وتقولوي ايش رأيكم في زوجي العزيز
شر البليه ما يضحك والحمدلله
في انتظاركم