كيف طريقة تسجيل اختبارات القدرات

رووح الخاله

25-05-2022 - 08:13 pm

السلام عليكم ورحمة الله وبركاته ......
انا اخت ( روح الخاله )
تخرجت من الثانويه العامه عام 1428ه
وجلست سنتين ماسجلت بالجامعه
والحين بسجل مع بداية العام الدراسي.بس مافهم في نظامهم اللي هو اختبارات القدرات
يعني انا رحت للبنك وحولت حساب وعطوني ورقه ولا ادري وش اسوي .وفتحت موقع اختبار القياس وسجلت .
وارسلولي على الجوال رقم اشتراك بس ماجاني وين مكان الاختبار وموعده .؟
يعني انا وش اسوي بهالورقه اللي معي..مع العلم إني من الرياض
ياليت اللي تعرف او لها اخت نفس سالفتي تقول لي وش سوت ..؟؟؟؟
وششاكره لكن.. مقدما ً

التعليقات (7)

Mفراوله M

25-05-2022 - 11:30 pm

ياقلبي انتي بس فتحتي ملف والورقه اللي عطوك البنك فيها رقم الايصال افتحي الموقع مره ثانيه وافتحي ملفك اللي قبل طبعا لازم علشان تفتحين ملفك السابق يكون معاك رقم الاشتراك ورقم السجل المدني دخليهم ويفتح ملفك وبعدها ادخلي سجلك المالي ودخلي رقم الايصال واكدي الموعد وراح يقول لك انه تاكد ويرسلون لك على الجوال
ملاحظه ... اذا انتي مسجله من زمان اظن قالوا لك لك فرصه خلال يومين تسددين ولا يلغون الموعد واذا فاتت عليك هاليومين لازم تسجلين من جديد
بس اللي اعرفه انه خلص التجسيل من تاريخ 27\5 بس تاكدي
بالتوفيق يالغلا
ادعي لي بتحقيق اللي في بالي

ملكة التربة

26-05-2022 - 12:31 am

السلام
انتي اللحيين تفتحين الموقع و تكتبين رقم السجل المدني ورقم الاشتراك
وسجلي اختاري اليوم والمكان واحفظي رمز الموعد وبعدين روحي سددي البنك وبيعطونك ورقه ايصال
حافظي عليها زي اسمك لانك بتأخذينها معاك لما تروحين المكان اللي بتسجلين فيه
وبعدين روحي عند سداد واكتبي رقم الايصال اللي في الورقه
ولما يسير تسجيلك مؤكد بتجيك رساله على الجوال انه تم تأكيد تسجيلك وبس
الله يوفقك ،،
دعواتك لي ,,
واذا ما فهمتي او تبغي اي حاجه انا في الخدمه يا حلوة ,,,

رووح الخاله

26-05-2022 - 01:32 am

جزاك الله خير اختي فرواله ..
والله يحقق اللي في بالك عاجلا غير آجل.. ويجعل لك من كل ضيق مخرجا

رووح الخاله

26-05-2022 - 02:33 am

ملكة التربه ...
لبى قلبك يالغلا... الله يجزاك خير
والله لولا الله ثم انتم وربي يفوتني التسسجيل ..
الحين فهمت الطريقه وكل شي وسجلت والحمدلله ..
بس طلع لي :
حالة الاختبار : يجب دفع مقابل مالي 50 ريال ..
يعني ادفع ثاني مره غير ال100 ريال اول وحده ...
...؟؟؟؟؟؟؟؟؟؟؟...

Mفراوله M

26-05-2022 - 03:35 am

حالة الاختبار : يجب دفع مقابل مالي 50 ريال ..
يعني ادفع ثاني مره غير ال100 ريال اول وحده ...
ياقلبي يمكن علشان تاخرتي فادفعي بسرعه قبل لايفوتك

ملكة التربة

26-05-2022 - 04:36 am

ايوة تدفعين 50 لا ن انتي مسجلة متأخر انا اعرف التسجيل المبكر 100
التسجيل المتأخر 150
بس لازم تدفعين بسرعه عشان المكان اللي سجلتي فيه مايروح عليك وبتجيك رساله تم تسجيلك ..
وبس
موفقه يالغلا

مبدعات دائما

26-05-2022 - 05:37 am

بالتوفيق يارب..................................

صيدله وعلاج طبيعي←
ينات كلية التربية تكفون ابغى حل سريع→