كيكة دلع النوري بالصور يم يمي لوقت الازمات

الله حيهم هالبنيات
بما اني اول مره احط شي في هالقسم
حبيت اني اوريكم شغل ايدي واهم شي
ابيكم تحطونه في بالكم ان مو راعية
مطبخ يعني بالعربي مبتدئه فلا تخجلوني
اليوم حسيت اني متملله ومو عارفه وش
اسوي قلت خليني اقوم اشوف المطبخ وش
فيه من محتويات وعليها انتج ههه
اول درج فتحته لقيت بوجهي كيك بيتي
كويكر قلت في نفسي ( هو ده )
هذا شكلها بعد التقطيع ..
ونبدأ على بركة الله ..
المقادير ..
1/ كيك بيتي كويكر بالشكلاته .
2/3 بيضات .
3/كوب ماء وربع .
4/ ربع كوب زيت
ملاحظه : على بال ماانتي تقومين بالطريقه سخني الفرن على درجه متوسطه
الطريقه ..
نكسر ال 3 بيضات ونحطهم بالقدر الخاص للخلط << تبع الكيك .
ونحط فوقه الزيت ونجلس نخلط فيه الين
يطلع له رغوه وينتفخ شويآت
بعدين ناخذ مغلف الكيك ونحطه كله مره وحده
ثم تاخذين كوب وربع الماء وتصبينه فوق الخليط وتبدئين بالخلط جيدا
الين تشوفين فقاعات الهوى عشان نضمن
ان الكيكه تنتفخ بالشكل المطلوب ثم خذي من الخلطه نص كوب وخليه على جنب
يجي دور انك تاخذين الخليط وتضعينه في الصينيه تبع الكيك وتدخلينه الفرن
وتقصرين عليه شوي بس وتخلينه الى مايستوي ..
طبعا الى هنا وادري بتقولون وش الجديد طيب من انخلقنا وهذا طريقة
الكيك ..
اوكي صح انا معكم مافي شي جديد بطريقة الكيك بس الزينه عطت الكيك
طعم وشكل خيالي ..
التزيين :
المقادير..
ربع كوب الخليط المتبقي سابقا.
امغلف دريم ويب .
املعقه كبيره حليب مركز ( محلى)
ا ملعقة فانيلا
املعقةهيرشي << شوي بس .
نص ملعقة نسكافيه << لاتكثرون شوي بس
الطريقه ..
نخلطهم مع بعض باليد ونخليهم بالثلاجه الى وقت خروج الكيكه ومن ثم نتركها تبرد شوي ونزينها بالكريمه ..
بعدين ناخذ حليب محلى وهيرشي ونعمل فيها خطوط وهميه .. ندخلها الثلاجه حتى تبرد .
هني وعافيه وصحتين على ألبكون
بنوتات مابي منكم الا الدعاء حتى اذا ماعجبكم شغلي المتواضع ولا تبون تردون علي ادعوا لي بظهر الغيب ان ربي ييسر لي اموري ويهديني ويوفقني ويصلح لي اموري ويزوجني انا وبنات المسلمين اجمعين اللهم آمين ..
اختكم في الله ...دلع النوري
بنات اللي ماطلعت لها الصور تشوف الرابط وان شاء الله يزبط معكم .. 1635---1634---1635-.jpg مركز تحميل طق طق 1635---1634---1636-.jpg مركز تحميل طق طق
بعد التقطيع
.html