لا و الف لا لرجل المتزوج

1. وتترك المجال لغيرها

سلام يافرشات كلا بسمها
قبل كم ساعه كتبت رد على وحده تسال تقول توافق على المتزوج ولا لا
وانا رديت عليها وقلت لها لا لا والف لا لرجل المتزوج
وقالت لي ليش لا وان اقول لها ولكل بنت ليش لا
اقروا هذا الموضوع وهو تشبيه حالة الزواج بالمطعم
وان شاء الله اكون وضحت اسباب الرفض ووفقت في التشبيه
وهذي اول مشاركاتي وابغى رأيكم يافراشات
في يوم من الايام دخلتي مطعم و ماكان صدفه دخولك لازم في سن محدده تدخلين غصب عنك هذا هو نظام في تلك المدينه
المهم داخله المطعم ومعك طبق فيه وجبتك ودخلتي لانه لازم تدخلين هذا المطعم وتحجزين لك طاوله حصلتي طاولات كثيره جدا
وكل طاوله عندها رجل فقط و طاوله عليه رجل وامراه واخرى عليها رجل و طفل واخرى عليها رجل و امراه واطفال
وقدامهم وجبه على حسب عددهم
وشكل هذي الطاولات يختلف على حسب اذا كان شخص تحصلين الطاوله جميله ومرتبه نوعا ما لكنها خاليه من المسه الانثويه
وباقي ماكل من وجبته ينتظر شريكه تشاركه الاكل
وطاوله اخرى حولها رجل وزوجته واطفال وحالت الطاوله حاله منثر الرز في كل مكان والعصير مكبوب و كاسات طارت كل وحده في ديره
والدجاجه نتفوها تنتيف ومابقي في الطبق الا الفتات
واول مدخلتي المطعم طبعا راح تلحقك عيون عيون الشخص الوحيد اللي ينتظر شريكه وكمان عيون المتزوج عليك وعلى طبقك
وفيه طاوله طويله تفصل بينك وبينهم وفوق هذي الطاوله كروت الحجز وقدامك طابور فيه بنات كبار وصغار وكل وحده تسحب كرت وتشوف الرقم
وتدور على الطاوله اللي مكتوب عليها نفس الرقم و هي مخيره ممكن تقبل بجلوس على الطاوله اللي طلعلها رقمها في كرت الحجز وممكن ترفض

وتترك المجال لغيرها

والبنات كثيرات وومدته انتظارهم في الطابور مختلفه فيه اللي لها سنين وما يآسئت حاطه عينها على طاوله وتنتظر يحالفه الحظ ويطيح كرت حجزها في يدها يوم من الايام وفيه اللي توها داخله وجت قبلك وقبل غيرك وسحبت قبلكم وراحت لطاولتها حظوظ
وجاء دورك عند طاولة كروت الحجز وسحبتي الكرت وشفتي الرقم ودرتي بعيونك يمين يسار تدورين الطاوله وشفتي طاوله عليها شخص واحد بس ابتسمتي وتمنيتى يكون نفس رقم كرتك وشفتي رقم كرتك
و طلع للاسف مو نفس الرقم رجعتي تدورين مره ثانيه وحصلتي الطاوله وتطالعين في الرقم وتتاكدين هو نفس الرقم طالعتي مره مرتين طلع هو نفسه وكانت الطاوله لشخص متزوج عنده زوجه وطفلين وكما وصفت كانت الطاوله حالاتها حاله
و الان القرار لك ياتقبلين وتروحين تجلسين معهم ولا ترفضين وترجعين في الطابور وتنتظر كرت حجز طاوله افضل
فكرتي وفكرتي وقرارتي انك تروحين واول ماوصلتي عندهم صاحب الطاوله رحب وسهل اما زوجته ابتسمت لك ابتسامه صفراء وسمعتي كلام وحده طاولاتها بجنب طاولتك قالت ماحصلتي الا سورت فلانه يعني على (بقاي اكل فلانه وعياله)
مره ميته من الجوع ما حصلت طاوله افضل منها
انت جديده عليهم مالك حق في انك ترتبين الطاوله على كيفك او حتى تنظفينها ولو حصل اعطاك الرجل كامل الحق اكيد زوجته ام عياله راح تزعل ومن حقها انت ادخيله عليهم
وكمان راح تتفاجاين من اهتمامها وشطارتها و جنونها بطاولاتها وبزوجها وعيالها وانت من قبل كنت تشوفينهم وتسمعين عنهم انها مهمله وغير مهتمه وماتحبه لكن بعد ماشرفتي على طاولتها طلعت كل مواهبها المدفونه
ولما تحاولين تطلبن شي جديد راح تعرضين صاحب الطاوله للحراج ان اعطاك ومعطاهم ظلم وانت اعطاكم كلكم ماعنده استطاعه ففي اغلب الاحيان تطرين انك تشترين وتطلبين بفلوسك
ولو حاول انه يقرب كرسيه منك راحت عينه يمين يشوف شافته زوجته او حست فيه او زعلت ولا لا واذا طنشها وسحب عليها صار ظالم وتكونين شريكته في الظلم لان مكان يسوي معها كذا واذا حاول انه مايحرك الكريس بس يميل شوي لك
سمعتي شكواه من العموده الفقري ولا من رقبته وماعاد الصحه مثل اول وصارت شغلتك على هذي الطاوله ممرضه مره تكبسينه ومره تدهنينه بزيت ومره تذكرينه بدواه اللي قبل الاكل وللي بعده
و في يوم وانت جالسه معاهم راحت عينك واذنك على طاوله قريبه منك مره كان عليها شخص واحد ينتظر ولكن اليوم صار عليها اثنين صاحب الطاوله ووحده وكانت تمزح معه وتضحك وتاكل مما تشتهي اكل طازج نظيف ماحد لعب فيه او اكل منه واعطاه اللي بقي
وكان صاحب الطاوله يبادلها المزح والضحك مو مهتم او خايف ان احد يشوفه او يزعل منه وكانت شريكته ترتب الطاوله وتنظفها على مزاجها صارت شريكة صاحب الطاوله ولها كامل الحقوق في كل شي
ولما دققتي النظر فيها عرفتيها هذي كانت بنت جيرانكم وهي اكبر منك بخمس سنين ولحظتها قولتي في نفسك صبرت ونالت هي وهو بس مو مثلي صمت صمت وافطرت على بصله
خلاص يافراشاتي خلص موضوعي وللي في المطعم وباقي ماحصلت حجز طاوله الخيار قدامك اي طاوله تختارين؟؟؟؟
(ملاحظه مهمة
لقد اكتشفت أن هناك من قام بنقل موضوعي
وهو من مجهودي دون ذكر المصدر
ولذاك ارجوا من أخواتي اللاتي يردنا نقل الموضوع
ذكر المصدر أو كلمة منقول على الأقل
وشكرا)