لبس الجآمعه البنآت المستجدآت

1. وبالنسبه للالوان اي شي *البلايز*


2. هلا وغلا أختي


3. حبيبتى اول يوم روحى وشوفى الوضع .. ولا تخلين العين عليك ..


4. .. والنظاره كل ترم اغيرها


5. التنورة :


6. بالنسبة لي اشتري تنورتي من “المجد” ..في ناس يشترونها من “طيبة” ..

لبس الجامعه ..~
استفسآرات البنآت..~
السلام عليكم ورحمه الله وبركاته
يابنات ياليت تساعدوني لاني مستجده اول يوم بالكليه ادوم باي لبس تنوره سودا وقميص ابيض ولا اي لون؟؟
بليز ساعدوني
ادري ان سؤالي سابق للأوانه بس ابغى اعرف قبل لااروح للسوق
كيف نظام اللبس في جامعة الأميره نوره؟؟
التنوره؟؟
البلوزه؟؟
الجوال بكام؟؟
الخروج من الجامعه؟؟
ادري اني كثرة عليكم الأسئله بس معليش تحملوني شوي
شسوي ماعندي احد اسئله
السلام عليكم بنات ..
ان شاءالله منيحين ..
انا الحمدلله قبلوني بجامعة الاميره نوره
ابغى اعرف لبس الجامعه كيف ؟؟؟
متشددين عاللبس ولا عادي الالوان وهكذا ...
و ايش تنصحوني اشتري للجامعه من شنطه وجزمه وتنوره و .... و ....الخ ؟؟؟؟؟
وشكرا لكم .. :ق1:
الآجآبه ..~
لاعادي البسي تنوره سوودا وبلوزه اي شي بس كم طويل
ومايكون مفتووح من الصدر اوكذاا

وبالنسبه للالوان اي شي *البلايز*

هلا وغلا أختي

بالنسبة لجامعة الأميرة نورة بنت خالتي فيها تقول بالبداية يشددون من ناحية النص كم بعدها عادي تلبسينه يعني.. والجوال الكاميرا ممنوع ,,, التنوره اكيد لازم تكون طويله بس اكيد الألوان عادي يعني المتعارف عليها جنز اسود بني والخروج من الجامعه كويس خروجها مدري متى بالضبط
لافي حاجات ممنوعه
فيه الوان ممنوعه
احمر بنفسجي عنابي
هذي الاشياء
بس انتي كثير ابيض واسود
مافي الى كذا
ولاتاخذين من السوق الحين
الاسعار مرتفعه عشان العيد
يمديك ياقلبو لاتسبقين الاحداث
وان شاءالله تنقبلين باللي تبين
بس كلية الامام
لاغيير
لازم تنوره سودا وبلوزه بيضاء
اسمها جامعة الامام
ومين قالك انها ابيض واسود بس
اذا كنتي في جامعه الامام البسي اي لون تبين ماعدا الفسفوريه هذا بالنسبه للبلايز اما التنوره اسود بس
موفقه عزيزتي
مثل ماقالوا البنات اول يوم تنوره سوداء مايكون فيها فتحات
وبلوزه كم طويل اي لون
اول يووم عاادي وبعدين بتلاقين الاعلانات ماليه الكليه وش الممنوع ووش المسمووح <<< متعقده من الاعلاناات
والله يوفقك ,,,,,,,

حبيبتى اول يوم روحى وشوفى الوضع .. ولا تخلين العين عليك ..

انا ما اذكر عمرى التزمت باللبس ... وكانوا دايم بيلاحقونى .. ومتسلطين على بالرغم من ان الجامعه متروسه مخالفات بس حطونى ببالهم ...
اول شى البسى تنوره سودا طويله .. وارشح لك الجرسيه بقوه لو كان جسمك حلو ... وخوذي لك قميص ابيض مرتب .. كم طويل ووما يكون شفاف .. وابعدى عن مانجو... والله مره بالقاعه 7 بنات نفس البلوزه تقولين صبابات ...
وبعدها انتى شوفى الجو والبسى ... يعنى عادى المخالفه .. متشددين مره !!
وافضل انك ما تغيرين بالبس كثير خليك على لبستين ثلاث خصصيهم للجامعه ... وربى بتكونين اكشخ واحلى من اللى تبدل كل يوم ..
لاتلبسين لون ابيض اول يوم <تصيرين نظاميه ويعرفونك مستجده <<ويحشون فيك خلق الله
ومن جامعه لجامعه يفرق
عندنا عادي تي شيرت نص كم .. و اي لون صور .. بس اهم شي التنوره سودا
وانا اشوف بنات لبسهم ذوق ومرتب من زارا وطقتها بس يلبسوون شنطه ماركه والنظاره والشوز <اهم شي شنطه ماركه ونظاره الملابس موشرط
وانا
ما احب دكني احس الوحده اذا بغت تكشخ تاخذ دكني ومكتوب عالتيشيرت دكني بخط تشوفينه بااخر الجامعه وانا ما احب اللي كذا احسها تقول شوفو وعلى فكره دكني مو ذاك الغلا زي مستوى قس تيشرتات 400
وعادي انا اشتري من زارا بلايزه وتيشرتاته تجنن تحتارين من كثر ماهي حلوه مو زي دكني قسم بالله ماشفت شي يفتح العين بس الشوزات والجاكيتات حلوه وقت التخفيض الماركات اشتري جست كفالي .. بيريري<تشيرت400ريال
جورجيو ارماني قميص <<300 _دلوتشي اند قبانا تيشيرت 250 طبعا بعد التخفيض من رباعيات .. ومس سكستي تي شيرت طريق العليا و3 تيشرتات من زارا وقميص من جينفر <يعني انا البس كذا وكذا مو شرط لبسك كله غالي
والشنطه اشتري كل سنه شنطه ماركه لاني ماشترها اقل من 3000 .. والين اللحين ماشريت

.. والنظاره كل ترم اغيرها

والبنسبه للتغير الملابس احب .. اغير ملابسي يعني ملابس السنه اللي فاتت الصيفيه ما احب البسها غير القمصان الرسيمه و الشتاء الجاكيتات والبلوفرات البسها وهو يختلف من بنت لبنت <وفي بنات اعرف عادي يلبسون وما اشوف فيها شي
وشوزرات السنه اللي فاتت بالبسها هالسنه لآنها غاليه وشريت كم واحد
والتنانير الجرسيه دراجه وتكون فوق كعب الرجل لاتكون طويله تكنسين الأرض
وبقولك شي مو شرط ولازم عشان تصيرين كشخه تلبسين كل شي ماركه في بنات مايلبسون لاشنط ولا جزم ولا ملابس ومميزين بلبسهم
اول يوم البسي لبس هادي وبسيط بس بعدي عن البلايز او القمصان البيضاء
لانه بيبان عليك من اول يوم انك جديده وبعض البنات ما يرحمون يا بنت الثنوي ومن هالكلام
اقترح عليك اول يوم تنوره سوداء واي قميص ساده بنفسج غامق او كحلي او ممكن بني او
رصاصي
القمصان الرصاصيه مره رايقه مع الاسود وممكن تكسرين اللون بحلق او سلسال طويل سماوي اوبدي او اي لون
يمشي مع الرصاصي ممكن اكسسوار اصفر وشنطه وجزمه اسود تكون الشنطه كبيره شوي
وحطي قلوس وكحل داخل العين اذا يناسبك
ولاتشيلين هم اول يوم من ناحية المخالفه
وبعد ما تداومين اول يوم تقدرين تاخذين افكار من اللي تشوفينه
وسلامتك
اتمنى اكون افدتك
البسوا ساتر اهم شي باي جامعه او كليه وانتم مستجدات يعني ماحد بيلومكم لو تجون بتنوره صفراء اول يوم محد بيقولكم شي
الين تعرفون النظام وتشوفون العالم كيف لان في جامعات النظام ع الورق شئ والواقع شئ ثاني
الله يوفقكم ويعينكم
لاتنسون تخصصون مبلغ تتصدقون من مكافائتكم لو بسيط عشان ربي يبارك لكم ويوفقكم
احلى شي للجامعه القمصان الخفيفة الراقية خذي لك ابيض و اسود و شي مطبوع بذهبي و شي مقلم و خذي رمادي و اسود > مرة احب الاسود .. و الشيرتات لابد منها ...
انا احب الشنط الكبيرة و الحين الشنط في المحلات العادية مانجو الدو سيتي بلازا و ناين ويست اشكالها تجنن و حلوة مو لازم تاخذين شي غالي ... و الساعة من الاساسيات عندي خذي ساعة جلد حلوة و الا ثنتين احسها تخلي الوحه عملية مرة
بحاول احط نقاط معينة لطريقة ملابسنا في الجامعة..
بما اني خبرة 4 سنوات وداخلين في السنة الخامسة في الجامعة ..
عارفة وش نلبس وايش ما نلبس ..
وأتمنى تقتنعون في كلامي:-

التنورة :

إلبسي تنورة سوداء ومافيها ولاشيء ..يفضل تكون وسيعة عليكي شوي ..يعني لا تصير شادة من منطقة معينة ..
واهم شي تكون شوي وسيعة من تحت مو معناته انه تكون فضفاضة !! لأ انتبهي ..معناته في مجال انك تاخذين راحتك في المشي .. ويفضل تكون ستريتش شوي ..يعني منظرها زي الكريب وناعمة وفي نفس الوقت ستريتش شوي ..مدري كيف اشرح لكم اياها ..ترى سعر تنورة الجامعة ما يتعدى 40 ريال..احيانا توصل ل 20 ريال عادي جدا ..

بالنسبة لي اشتري تنورتي من “المجد” ..في ناس يشترونها من “طيبة” ..

ادري السوقين ذول مو حلوين ..بس التنورة السوداء بجد بجد ..هذا سعرها ومن هناك اغلب البنات ياخذونها ..
مو حلو تشترين تنورة فيها جيوب ..لأن بيطلع لك جوانب بايخة من ع الجنبين ..او تشترين تنورة جينز ..! ..افضل 100% انه ما نلبس تنورة جينز ..بجد ..لا تقولين حلوة وكذا ..التنورة الجينز حلوة لما تكون قصيرة بس ..مو حلوة وهي طويلة ..بمعنى اوضح ..اذا تبين تصيرين كشخة لا تلبسين تنورة جينز ..!!! تنورة سوداء وبس ..هي نفس التنورة اللي إشتريتها ..
كل بنات الجامعة يسوون كذا .. الذوق يجي في الأشياء اللي بعد التنورة ..
التوب : هنا تبدأ الكشخة ..في كذا نوع من البنات ..
في اللي تحب تلبس أبيض وسكري بس ..هو حلو ستايلهم ..بس بعد فترة يصير ممل ..
في أصحاب “الستر والأخلاق الرفيعة” ..ذكرتهم في ستايلك شين ..! أسلوب الترقيع..يعني نص كم وتحته بلوزة وتحت النص كم شيء ثاني وهكذا …
في بنات يتبعون لوك السبور ..! يعني تي شيرتات سبور ولوك بسيط للجامعة ..احب ستايلهم ومرة حلو ..
في ستايل شوفوني ..فاقع في فاقع ..اوكي حلو ..بس ع فترات يعني ما ينفع يصير لوك حق كل يوم ..
وكمان في ستايل الاناقة ..هذول يجهزون ملابسهم من اليوم اللي قبله .. ما تكرر ملابسها مرتين ابدا ..
حلو والله يعينها لأنو الواحد ما يطيق نفسه في الصباح .. وطبعا يكونون ملفتين للنظر بين البنات ..
في تي شيرتات بنوتية وحلوة .. زهري ..وابيض ..و ازرق وكذا ..حلو تلبسينها ..
طبعا نظام الجامعة مو واضح بالضبط ودايم يخلون الواحد يحتار ..الترم اللي فات ..كان مسموح لنا نلبس اي شيء ..
فنلبس تي شيرتات و التنانير نخليها مو طويلة مرة يعني اقصر من التنورة العادية بنص شبر ..! وممكن تحطين سلسال او خلخال (لا يطلع صوت) ..ع رجلك بيكون مرة كول ..!
يتبع,,..~