لذيذه

هالجاتوه خطير بصراحه كل اللي ذاقه عندي مو مصدق اني انا مسويته
المهم اقولكم المقادير:
خليط كيك بيتي كروكر بالشوكلاته (خليط جاهز)
طبعا هو مكتوب عليه المقادير اللي يحتاجها (بيض = ماء = زيت) انا ازود ربع ملعقه فانيليا
6 اصابع بسكوت مارس او جالكسي (طعم المارس الذ)
قشطه
الطريقه وهنا السر:
مكتوب على علبه الخليط انها كلها مع بعض
لاكن انا اخفق البيض والفانيليا الين مايتضاعف حجمه ويصير مثل الكريمه
احط الزيت شوي شوي والماكينه تخفق البيض ونحط المويه الين مايصير الخليط سايل
ابدء احط خليط الكيك شوي شوي واخليه يخفق 5 دقايق
ينحط بصينيه تيفال ويدخل في فرن هادئ لمده نص ساعه تقريبا
نجيب الحين المارس او الجالكسي ونذوبه في حمام ماثي
نحط القشطه عليه ونحركه اللين ماتذوب كل الشوكلاته ونطفي النار ونخليه
لمن تنضج الكيكه طلعيها من الصينيه وخليها تبرد 10 دقايق بس وابدائي قطعيها
شرائح سماكه اصبع تقريبا ورصيها بطبق وصبي الشوكلاته عليها بشكل خطوط بالطول وقدميها وهي دافيه
جربوها ماراح تنسون طعمها
وهني وعافيه على قلوبكم مقدما