لصاحبات المشاغل

ماعندي خلفيه للموضوع ان شاء الله البنات مايقصرو معاك . اب لعيونك موفقه

؟؟؟؟؟؟؟؟
لعيونك

1-اجرائات فتح مشغل ...
أ - الوكاله
بالنسبه للوكاله الشرعيه الوكاله مالها شخص معين بس حاولى تكون الوكاله منحصره فقطبالمعاملات الحكوميه و مكاتب الأ ستقدام والبلديه والشغلات هذه لاكن بيع او تصرفبالمال او البنوك احسن انتى اعمليها بنفسك نصيحةاخت مجربه اما بالنسبه للديكوراتوالمستلازمات الخاصه للمشروع برضو على حسب المكان والمساحه وعدد العاملات الى عندكيعنى لو بدأتى بشئ بسيط ممكن اربعين اوخمسين الف ولو عندك مكان في البيت احسن كذاحتكون التكلفه بسيطه ولاتتوسعى كثير فى البدايه ابدئى بماكينه وحده 2000ريالوماكينة التنظيف 1000ريال والشغلات المكمله من الخيوط والورق والكربون المهم شغلاتالخياطه حوالى 3000ريال وطبعا استخراج الرخصه على حسب طول لوحتك فى من 250 ريال الىماشاءالله طبعا عندك ايجار الموقع اواذا كان في بيتك
...................
التوكيل تروحين المحكمة وواياك ابوك او اخوك او ولي امرك اللى انتي مختارتهوكيلك
وتقولين للقاضي انا فلانه بنت فلان اوكل فلان ادمي للقيام بجميعاعمالي الخارجيه من ترخيص محل واستقدام الخ وتوقعين وكذا انتهت اجراءاتالوكيل
الرحخصة عيوني بعد ماتسدديين الغرفة التجاريه تروحين للبلديه وكمان تطلع الدفاعالمدني لمعاينة الموقع ثم تخرج الرخصة لو عندك وكيل بيعرف ايشيسوي
وكمان بالنسبه للسؤالك نعم فيه مكاتب تخليص تقوم بالازم بس اغلبهكذب ونصب خلى ولى امرك يقوم بها الأ اذا انتي مضطره فدوري معقب ابن حلال وهو يقومبالازم
.,,,,,,,,,,,,,,,,,,,,,,,,,,
اي غرفة تجاريه او مكتب تعقيب ما يخدم الأ المنطقه الموجود فيها اوالمحافظات التابعه لها ومنا الين تفتح غرف
تجاريه ومكاتب تعقيب نسائيه في جميعانحاء المملكة
.............................. .............................. ...........................
ب - شروط التقديم
ابغا اعرف الي فتحت مشغل وش هي الشروط الي اشترطوها عليها الجهات الي تخرج منهارخصه؟
1-ان تكوني خريجة معهد مهني
2- ان تكوني سعوديه
3- يكون لديك وكيلشرعي لمراجعة الدوائر الحكوميه
4- يلزم من 3 الى 5 اشهر لإكمال الموضوع بمافيهرخصة المحل
.............................. ..............
اذا انتي من الرياض ما يطلبون شهاده انا شهادتي برمجه كمبيوتر
لاني الحين قاعدهاسوي اجرائات الرخصه
شوفي انا بقولك وش سويت
1 رحت البلديه وعطتني ورقه فيهاالاوراق المطلوبه
وبعدين رحت اجمع الاوراق المطلوبه اخذت ورقه من البلديه فيهاطلب اثبات حاله ورحت الاحوال المدنيه وطلعت اثبات حاله الي هو يثبت اني مو موضفهحكوميه
وبعدين رحت وزاره التجاره عشان اطلع سجل تجاري وبعدين سويت اشتراك لسجلفي الغرفه التجاريه والغرفه التجاريه لهم فرع بنفس الوزاره
وبعدين استاجرت المحل
ويوم خلصت هذي الاوراق رحت البلديه وقدمت الاوراق وقالتلي الموظفه اذا جهزالمشغل علمينا نجي نشوفه عشان نعطيك الرخصه
طبعا اذا سويتي السجل التجاري تسوينالوحه حقت المحل الان من ضمن الاوراق المطلوبه فاتوره الوحه مبين فيها مقاسالوحه
على العموم الول خطوه روحي البلديه وهم راح يعلمونك وينتروحي
,,,,,,,,,,,,,,,,,,,,
بالنسبة للاجراءات شغلتها طويلة انا قدمت سجل تجاري كامل يحمل اسم مؤسسة
مثلاتكون باسمك ويكتب باسمك (مؤسسة هدى عبدالله للتجارة)
الشروط والاوراق الهامه :
1_ ان لاتكون المتقدمة موظفة
2_ الاوراق المطلوبة : 1_ صورة من بطاقةالاحوال او البطاقة الشخصية
2_ صورة من بطاقة ولي الامر مع الاصلمطابقة
3_ وكالة عامه منك لولي امرك مثلا زوجك او والدك
4_ برنت لسجلك منالاحوال
5_ توكيل من الموكل الاول اللي هو ولي امرك لمديرك التجاري
( شخصتثقين به طبعا غير ولي امرك )
ولابد ان يكون المدير التجاري لديه مؤسسة
6_ تعريف من عمل زوجك او ولي الامر الموجود
7_ اختيار النشاط
هذا بالنسبة للسجلالتجاري
بالنسبة للنشاط يعني لما اتضيفي النشاط تحت اسم المؤسسة
الاوراقالمطلوبة :
1_ الورقة الاصل من تسديد الرسوم السنوية ولابد ان يكون تاريخها ساريالمفعول
2_ الاصل من السجل التجاري المستخرج الاول
3_ تعبئة نموذج الطلب ( طبعا من وزارة التجارة طلب اضافة نشاط)
4_ برنت من سجلك من الاحوال
5_ برنتمن سجل الاحوال لمديرك التجاري
6_ الوكالة العامة لولي امرك مع توكيل منه لمديركالتجاري
7_ تسديد رسوم السجلات بعد استلامها ( سجل الجرد _ سجل الشهري _ سجلالاستاذ )
تعليق : سجلات كبر الطاوله والله ماتقدرين اتشيلينها مفروضة عليكي فرضولا مافيه اضافة نشاط رسومها 105 ريال فقط
8_ صورة من بطاقة الاحوال
9_ صورةمن البطاقة الشخصية لولي امرك
( طبعا الافضل انك تعطينها معقب والمعقب يعطيهولي امرك توكيل لانهاء الاجراءات )
,,,,,,,,,,,,,,,,,,,,,,,,,,,,,, ,,,,,
ج- شروط البلديه
رحت للبلديه وطلبوا انى اعمل كل الديكور واللوحه بشرط انه اللوحه تكون باسميالرباعي يعنى اللوحه لاتحمل الى اسمي الرباعي ويعطونى بعدها الاذن بفتح مشغل >>ما ادري هو فسح او رخصه ؟
شروط الرخصه الي اعرفها عقد اجار للمحل الي بتفتحينه صوره من بطاقتك يكون المحل علىالشارع العام المساحه اكثر من 50 متر مربع بس الاخت كرستاله تقول انهم صارو يطلبونشهادة خياطه
التوكيل تروحين المحكمة وواياك ابوك او اخوك او ولي امركاللى انتي مختارته وكيلك
وتقولين للقاضي انا فلانه بنت فلان اوكل فلان ادميللقيام بجميع اعمالي الخارجيه من ترخيص محل واستقدام الخ وتوقعين وكذا انتهتاجراءات الوكيل
الرخصة بعد ماتسدديين الغرفة التجاريه تروحين للبلديه وكمان تطلع الدفاعالمدني لمعاينة الموقع ثم تخرج الرخصة لو عندك وكيل بيعرف ايش يسوي
شوفي وقت اللي فتحت المشغل الوكيلهو اللي تولى كافة الأمور لكن اذكر اني رحت وكلت
الوكيل الشرعي بالمحكمةوبعدها تولى كل الأمور وما اذكر المساحه بالضبط بس اسم المشغل اشترط ان
يكون اسمعربي غير اجنبي وكمان البلديه تشوف الموقع ولايكون هناك باب خلفي ويكون هناك مكانمسجد وتسديد غرفه تجاريه 350 ريال وكشف كمنالفاع المدني
,,,,,,,,,,,,,,,,,,,,,,
اللي اعرفه انه من شروط البلديه انها تكون غير موظفه حكوميه لانهم يبحثون في الحاسباذا كانت موظفه او لا قبل ما يعطونها الترخيص ,وهذه المعلومات عرفتها عند استخراجيلترخيص مشغلي.
مراجعه السجل التجاري لاستخراج السجل و هذا تكلفته لكل سنه 200 ريال و اقصي حد خمسسنوات يعنى 1000 ريال
و طلباتهم فقط برنت احوالاخت اللى بتفتح مشغل بس ... اما ما يخص الاعلان الان اصبح مجانى و ما يحتاجتجيبين عقد اجار
2 - رخصه البلدية تعتمد على المحلباى حي ... يعنى اذا الحي اللى فيه المحل يخدمه فرع البلدية النسائي ما يحتاج لكوكيل شرعي ... بالعربي ..و حسب معرفتى ان اغلب احياء الرياض فيها اقسام بلدية نسائيما عدا الاحياء اللى تخدم بلدية العليا و السليمانية مابعد فتحوا فرع نسائي ... ومن هذى الاحياء .. المصيف .. حي الملك فهد .. العليا ... المروج ... و اللىحولها
3- متطلبات رخصه البلدية الاساسية اللوحه ويعتمد سعر رخصه البلدية على مقاس اللوحه
.............................. .........
كلمت الامانة يقول لازم شهادة خياطة معتمده من الجمعية الخيرية والمشغل يكون علىشارع لا يقل عن 20م ومساحته لاتقل عن 60م وتجيبي رخصة ***** المبنى قبل لاتستاجريعشان يردوا عليك اذا المبنى كويس او لا
,,,,,,,,,,,,,,,,,
النظام في الرياض مايشترط انة يكون عندها شهادة ابدا اهم
شي تكون سعودية وغير موظفة حكومية وبس
--------------------------------------------------------------------------------
د - اسم المشغل
اولا حجز الاسم التجاري ب 900 ريال عن طريق الاعلان فيجريدة ام القرى وجريدة اخرى عامة
ثانيا استخراج السجل التجاري ب 1850ريال
وبعدين حجز موعد البلدية للخروج للموقع ولازم مراعاة تطبيق الشروط اللييبغونها واهمها
.............................. .
مقاسات اللوحة كل متر مربع ب 100ريال
,,,,,,,,,,,,,,,,
طلعت السجل ماطلبوا منى اسمي طلبت اسم للمشغل قالوا ضروري مايكون له اسم مشابه هميبحثون على الكمبيوتر عن اسم اللي تبينه واذا فيه يقولولك دوري على غيرة واذا جبتياسم غريب ضروري يكون له معنى
واذاماشافوا اسم مثله يطلبوا منك تعلني بجريدة وبعد ثلاثين يوم تسجلي الاسم لك وتصير لكماركة ماحد يقدر ياخذه
ومايحتاج تحطي اسمك
والحين موضروري تجيبي مدير مشروع خلص حطيه باسمك اذا جبتي الرخصة منالبلدية
.............................. ...
اذا كنتي بتكتبين اسمك على اللوحة مايحتاج سجل بس لو كنتي بتكتبين اسم تجاري لازمسجل تجاري واعلان قبل عشان مايكون الاسم
..................
بالنسبه للأسم المشغل حاولي يكون اكثر حضاره / سهل الحفظ/ اكتبيها عربي انجليزي/ modern
ولواخترت اسم فيه شئ من التراث الشعبي ماريك فيه على قولهم قديمك نديمك
كلامكصحيح بس لك زمن دولة ورجال اذاكان زمان
عندهم راويه يحكي لهم حكاوى فحنا الآن فيزمن النت
والجوال وعالم صار بيحث عن الشء السريع
والجذاب القدام والتراث علىعيني وراسي بس هذي وجهة نظري
.............................. .........
وهل اقدر افتح خياطه وبعد فتره افتح كاوفير ؟
اعتقد انه لازم يفتح خياطه لأنه لايوجد مسمىكوافير او تجميل وبعد ما ربي يكرمك *****
تضيفين الكوافير ولو حابهتسوين خياطه وكوافير وامكانياتك زينه فتوكلي على الله واذا كان لك واسطه فترىالإجراءات مارح تاخذ وقت
.............................. ..........
بالنسبه للرخص لكل محل رخصه يعني الرخصه للمحل مو لك
حتى لو غيرتي مكانالمحل لازم رخصه جديده
.............................. ............................
اللى سالت عن الرخصه
لاموممنوع عادى تشترين الرخصه والسعرحلووفيه اغلى منجذى
بس لماطلعين انتى رخصه بتطلع ارخص عليج
..............................
يابنات الرياض من وين اسوي دراسةالجدوى
روحيالغرفه التجاريه النسائيه بالرياض
واطلبي منهم يساعدونك واعتقد مارح يقصرواو نزلي موضوعك بالركن العام بعنوان
ارغب بمهندسه مشاريع لدراسى جدوىاقتصادية وعلى من تجد في نفسها الكفاءة تتصل بك عن طريق الخاص او الجوال
انا رحت جده مركز خديجه بنت خويلد وتقول المسؤله
ان يوجد في الفرع الرجاليمهندس مختص لدراسة الجدوى للمشاريع
لو انتي بجدة او فيه احد يقدر ياعدكتوكلي على الله واتمنى لك التوفيق
.............................. ...
فيه وحده تبي تقدم على صندوق المئويه وتستأجر في مشغلي محل لمشروعها هل البلديهتوافق تعطيها رخصه لفتح محل داخل مشغل؟
وهل المئويه توافق تعطيها قرض على مشروعبدون رخصه من البلديه لانه داخل مشغل وانا عندي رخصه لمشغلي؟
مستحيل انا اعرف زينالمئويه اول شرط عندهم الرخصه
............................
هل صندوق المئويه طلعوا لك الترخيص يعني ساعدوك في الترخيص لان انا رافضين البلديهيعطوني ترخيص يحاولون يدورون سبب وفي الاخير قالوا قريب مني مقهى
عزيزتي المقهى جنبك بالمره والا في نفس الشارع والله اول مره اسمع مايعطون ترخيصعشان فيه مقهى كل له مدخله طيب انتي رجعت لمنسق حق صندوق المئويه هذيك الايام قالالمنسق اذا تعكستي في البلديه ارجع ليه عشان اعطيكي ورق معوقات لبلديه
وبعدينانا جنبي بقاله وشقق مفروشه وابدا ما تكلمو في هذا الشي كان همهم الكبير مساحةالمشغل
عزيزتي انتي ارجعي لمنسق حق المئويه وشوفي وش يقولك
.............................. ..........
لاتحطين اي شي يخص التجميل إلابعد حصولك على الترخيص واستحراج فيز تحت مسمى خياطةطبعا وهي في الاصل كوافيرة وبعدين حطي ادوات التجميل والمرايات بشكل يسهل نقله فعندالتفتيش يمكنك اخفاء هذه الاغراض
قبل ماتخلصين الديكور...
جيبي مكينه ...لو مكينة الوالده القديمه وكممكينه من هنا وهنا...طاولة كبيره...وحده أعرفها جابت لوح كبير خشب وحطته على طاولهزغيره يعني طاولة قص!
وخلي أبو الشبابمامور البلديه يجي يشوف..
لا ولازم اللوحه بعد لها شروط...بس بعضهممايدقق..
من غير انك تنزلين اعلان في جريدة أم القرى
.............................. .................
البلدية تعطيك ورقة لدفاع وورقة للهيئة وتروحين لهم عشان يطلعون بعدين لوقعوا علىالاوراق تودينها للبلدية بعدها تطلع الرخصة وعشان تخلصين بسرعة لازم يكون عندكطفاية ولمبة خاصة لطفى الكهرب عشان الدفاع لطلعوا يوقعون بسرعة لان هذا المطلوبعندهم والهيئة لازم يكون عندك ساتر وانترفون عشان يوقعون بسرعة وكل واحد منهم يحددلك وقت لاوديتي الورقة لهم بس اهم شي تسوين الطلابات قبل انا طلعوا الهيئة قبل احطاساتر مع انه كان موجود بس باقي التركيب فرفضوا يوقعون الورقة الا بعد التركيبوحددو موعد ثاني بس طولوا مرة عشان كذا خلي كل شي جاهز والبلدية تطلع مرتين اولعشان المساحة تانيا عشان الوحة وطولها .وانتبهي لاتحطين لوحة قماشية اعلان للافتتاحعلى طول يحطون اللبلدية غرامة اذبحوني بالغرمات حطي احسن البالونات الراقصةاوالمنطاد
.............................
لازم تغطين الحوش حتى تفتكين من المشاكل وتستفيدين من المساحه
لو حطينهاستقبال كبير فيه فترينات وعرض للملابس
اما الشبابيك سكريها بس اهمشئ حطي لك شفاط (هوايه) كبيره في كم محل
المشغل يحتاج تهويه زياده بسببالاستشوار والصبغات تكتم الزباين خاصه في وقتالضغط
اختي.... عندي في المحل الجديد باب على الحوش جات الهيئه تقول ما فيه ترخيص الا اذاسديتوا الباب ......... والشبابيك اذا كانت
على الشارع سكريها بالبلوك واذاعلى حوش خليه خشب يعني استر واأمن ........
.............................. ...
هل مسموح ان افتح مركز تجميل داخل سوق شعبي اي استاجر موقع واعمله مشغل وهلتتوقعون بيكون عليه اقبال
اختي اعتقد انه مسموح انك تفتحي صالون بسوق لأني انا شفت بأسواق مثل هالمحلات وخاصةصالون تجميل يستأجروه من السوق وكمان فيه صالون شفته بأحد الملاهي العائليه ويفتحباليوم النسائي
اما من ناحية الأقبال فهذا على حسب موقع السوق ومدى الأقبالعليه كل ماكان السوق نفسه فيه مرتادين كثير وعليه اقبال اكيد الصالون بيكون نفسالشي فأدرسي هالنقطه كويس وحاولي تشوفي من ايلي سبق وفتح في هالأمكان
..........................
هل ممكن لوحة المشغل اكتب فيها مركز ......... والا لازم اكتب مشغل
البلدية يعطونك اسم مركز اذا المساحة كبيرة متقل عن 400متر وتأكدي من المساحةبضبط
............................
انتي رخصتك مركز نسائي يعني ماهي الخدمات اللي تقدمينها فيه وهل شروطه نفس شروطالمشغل ام لاء
هل له مساحه معينه شرطوها عليكي البلديه لاني ناويه افتح مشغلتجميل وخياطه ومبيعات وتأجير فساتين افراح وكافي شوب صغير وودي الاسم اللي يكون علىاللوحه اسم مركز وليس مشغل لانه شامل بس اخاف مايوافقون على التسميه ويلزمونيبمساحه اكثر من 400 متر ياليت تذكرين تجربتك في استخراج الرخصه ادري ثقلت عليكيكثير بس من زمان ودي القى جواب اكيدبهالموضوع
وشكرا
من ناحية رخصة المركز الموضوع مره بسيطه وشروطهم مره ميسره اهمشروطهم : أن لا تقل المساحه عن 300كم مربع ,,, وما تكونين موظفة حكوميه ,,,,وأنالمركز ما يكون جنب سوق تجاري وأن يكون على شارع تجاري ,,, وبعد ما تلقين المحلالمناسب تروحين لمكتب العقار الي بيأجر لك المحل وتطلبين منه كروكي للمحل وفسخالبناء وبعدين تروحون لبلدية الحي الي أنت فيه القسم النسائي وتعطينهم كروكي المحلوبعدين هم يروحون يشيكون على المكان ويتأكدون انه مناسب ولا لا,,,(( بس أنتبهي لاتستاجرين المحل الا بعد ما تراجعين البلديه ويوافقون على المحل))
.............................. ....
نزل قرار انه يسمح للمشاغل بفتح نادي رياضي صحي نسائي او يكون تابعلمشغل
.............................. ..............
.انا عندي ستديو نسائي وفي مدينة اخرى عندي مشغل وتعبت من التوفيق بينهم في متابعتيلهم والدخل مو جايب حق الرواتب والمصاريف والايجار ففكرت اجمعهم تحت سقف واحد فهلتعتقدون مافيه علي مشاكل من وزارة الاعلام او البلدية وايش الاجرااءات اللي اسويها .ثانيا انا عندي سجلين تجاريين ايش اقدر استفيد منهم .ثالثا سمعت ان اللي عندهاعاملات سعوديات تحصل على نصف راتبها ولكن لاادري من وين هل هو من مكتب العمل او منالتأمينات الاجتماعية اومن وين ؟اللي تعرف لاتبخل علينا بالمعلومات والله يوفقهاويكبر رزقها.
اختي ما تقدرين تجمعين المشغل واستديو التصوير في محل واحد
لاني انالما فتحت المشغل كنت ناويه احط قسم تصوير لكن البلديه قالو ممنوع تجمعين نشاطين فيمكان واحد
وممكن تسالين البلديه راح يفيدونك اكثر
اما بنسبه لرواتب السعودياتتروحين لصندوق تنميه الموارد البشريه هم الي عندهم ها الموضوع حتى انتي يعطونك راتبمده سنتين بس روحي وتعرفين شروطهم بس والله مدري وين موقعهم
والسجلين الي عندكسوى واحد للمشغل وواحد للاستديو وسويهم في محلين جمب بعض
.............................. ....
انا عندي سوال انا طلبت من صاحبت مشغل ان تجرني مكان فضي عنده علشان احط فيه كوفيشوب قالت لزم تجبي رخصه بس المشل لكوفي هلهذصحيح
لا مو صحيح لانها بتاجرلك مكان عندها فيمشغلها الي مطلعه فيه رخصه ومسموح فيها بيع الاكل والشرب
انتي مو راح تفتحين محلجديد عشان يحتاج رخصه
.............................. ..................
ه - جهات الدعم
بنك التسليف---عبداللطيف جميل(باب رزق)—صندوق المؤيه
.............................. ...........
مكانه في الرياض اسمه صندوق المئويه وفروعهم تلقينها تبع الغرفه التجاريه الي في
منطقتكم .............جيبي الشهاده بس وقولي ابي افتح واحد او اي مشروعثاني في بالك او اذا زوجك مو متوظف
يقدر يأخذ منهم .......يعطونك من 50 الى 200 حسب شغلك وطبعا هذا كله حسب دراسه جدوى انتي
تقدمينها .............اياحد معه شهادة خبره تكفي ........ انا ما قلت لهم ابي افتح فرع انا قلت اني تركتمشغل ا
بوي والحين ابي شغل خاص فيني وهم حمسوني زياده لما عرفوا عندي خبره 8سنوات ........... بدوره الي مامعه
شهاده او سجين سابق او من ذويالاحتياجات الخاصه لهم الاولويه وكمان تعاملي طول الوقت يكون مع الفرع النسائي
الي في الريااض ........... ام المده فهي لما كنت حامل في شهري الثالثوجاتالموافقه لما صار عمر ولدي 8
.............................. .............
تروح موقع الصندوق وتعبي الطلب بعدها يوصلك مسج على جوالك انوه تعبي دراسة الجدويالخاصه بالمشروع
وترسليها على الايميل الموضح لك بالمسج وموجود في الموقع ايضا
بعدها يتصلو عليكي ويبلغوكي بالموافقه المبدئيه وانوه لازم تحضري لمقرهم عشانالمقابله الشخصيه
تسوى المقابله البنات هناك قمه بالاخلاق والاحترام بالتعاملتروحي وبعد فتره تتفاوت من شخص لشخص ممكن شهر وممكن سنه يبلغوكي بالقبول او الرفضطبعا الموضوع اخذ معاي شهر الحمدالله
طبعا السداد يتم بعد 6 شهور من تشغيل المشروع على اقساط ميسره
نزلت شيكات المئويه المبدئيه ب85 الف ريال والباقي مع الفواتير الباقيه
وانصدمت انا طلبت من الصندوق 200الف ونزل لي 170 الف ولما رحت استلم الشيكات قالوالازم يكون فيه شيك باسم صندوق
المئويه ب30 الف ريالخدمات يعني ورطوني مانزللي المبلغ الي طلبته و نزل اقل منه وكمان اخذوا منه رسوم وخدمات والله اني
انقهرت على هذي الطريقه ليش ما خبروني من قبل..
.............................. ..............
لازم اللي ماخذ القرض هو اللي رح يكون بأسمه الترخيص علشان يعطونه القرض وايضايعطونه على دفعات
.................
بفتح مشغل خياطة وبقدم ع صندوق المئوية بس عمري 36 والشروط العمر من 18 الى 35تضنون بيوافقون
ما راح يوافقون انا قدمت عليهم يجي 1000مررة ويرفض ولما اتصلت عليهم قالو السبب انكفوق 35اخ قلت ياولد مافيه استثنائات ولا اي طريقة منىولا منى قاللا
.............................. ........
و- اسعار الاجاروالبيع
ياصاحبات المشاغل اناعندي مشغل ابغى ابيعه باللي فيه وش احسن طريقه للاعلانعنه
جريده المبوبه الي في الرياض تتوزع مجانا في كل مكان 500 الف نسخه...... تلفون 2170099تحويله 400
......................
التثمين يجي من موقع المحل وكثرة زباينه وهل عليه شغل او لا واخر شي على الاشياءالي فيه
يعني لو كل اغراضك فخمه ومافيه زباين احمدي ربك لا جاك نص الليخسرتي اما لو عليه شغل حتى لو ادواتك اي كلام يكون سعره فوق
.............................. .. ...................
فيه مشاغل للبيع تجي رخيصه في حدود 30000 الف ريال
.............................. .............................. ..............
انا اخترت موقع للمحل جدا تجاري تقريبا احسن شارع في المدينة لاحتوائه علي اهمالاسواق بس الاجار شوي غالي مساحة المحل 50 متر الدور الاول والثاني 20 متر سعره 30الف ريال الكل يقول غالي بس انا اشوف بالنسبة لمكانه رائع وبصراحة انا خايفه اني مااقدر ادخل 2500 اجار
طبعا ان شاء الله راح اعمل عروض في للخياطة واسعار حلوهوراح اعمل بوتيك اصمم فيه ملابس للمنزل او اطقم للسهرة بسيطه زي البلايز الفخمهوراح اخيط بجامات وقمصان نوم وان شاء الله راح اعمل دعاية قوية
فهل برايكماستمر في هذا التفكير ؟
ثانيا بالنسبة للعمالة الفلبنية هل التعامل معهم صعبوكيف اقدر اسيطر علي مشاكلهم مع العلم اني راح اخليهم ينامو في نفس المحل في الدورالثاني ؟
اتمني منكم تساعدوني جعل الجنة من نصيب من ترد علي ؟
طبعا الاسئلةكثيرة بس خفت اطول عليكم
وشكرا
أما من ناحية الايجاربالعكس يعتير مره رخيص بالمقارنه مع مساحته تصوري انا لقيت محل مساحته 60م وموقعهمو ذاك الزود وبيأجره علي ب 36ألف , وواحد ثاني بيأجرني محل لا بمعنى اصح مخزن وفيعماره قديمه ومره صغير بس موقعه حلو ب 19 الف ,,, فعلشان كذا أنا أحس محلكبالعكس لقطه ماشاء الله تبارك الله ما يتفوت ,,, بس عندي تعقيب على موضوع الخياطهترا الشيخ بن باز حرم خياطة الفساتين العاريه للنساء حتى وأن كانت لن تلبسها عندالرجال بمعنى أصح ممكن مالك يخالط مال حراام وأنا حبيت ابلغك بهذا الشي علشان ابريذمتي ,,

- 3-نصائح+افكار+تجارب
عدوى التقليد وفشل المشروع
التقليد في عالم المنشآت الصغيرة والمتوسطة هو أشبهبعدوى؛ فما أن ترى مشروعا ناجحا حتى يكرره العشرات بنفس المدينة أو الشارع ليسقطالجميع بسبب عمليات حرق الأسعار.
وإذا كان البعض مُصرًّا على التقليد فعليه أنيبدأ، من حيث انتهى الآخرون من تطوير وتحسين، فالسوق لا يرحم، والزبون أذكى منالجميع، ولكن السؤال كيف يمكن لنا توليد واختيار فكرة جيدة للمشروع الصغير؟.
تعتبر الفكرة هي اللبنة الأولى للمشروع، وقد يكون لدى كل منا العديد من الأفكارالتي يمكن أن تؤدي إذا أحسنا دراستها إلى مشروعات ناجحة.
فمهما كان النشاطالذي ستختاره تأكد أنك تحب القيام به، وأن الآخرين على استعداد لدفع الثمن من أجلالحصول على منتجاتك أو خدماتك.
وتأملوا معي الأفكار التالية للمساعدة في الحصولعلى فكرة مناسبة لقدراتك تبدأ من خلالها مشروع صغير.
- حوِّل هوايتك إلى مشروع: فإذا كنت تهوى الصيد افتتح محلا لأدواته.
- وحول حبك للحلوى إلى حب لصناعةالحلوى.
- وعندما تضع نفسك مكان العميل فإنك تزيد من فرصة نجاحك كرجلأعمال.
- وربما لم تكن عند عبد الله الشعالي بطل السباقات البحرية في الإماراتأي فكرة عن المستقبل الذي وصل إليه اليوم؛ فهو يمتلك أحد أهم شركتين لصناعة اليخوتوالقوارب في الشرق الأوسط.
إن جوهر نجاح الشعالي هو شغفه وحبه للبحر وعالمالبحار الذي أعطاه التصميم والإرادة لخوض هذه التجربة. فقد كان بطلا للسباقاتالبحرية في الفئة الأولى، وخاض العديد من البطولات المحلية والعالمية، وحاز علىالعديد من الجوائز،
ومن واقع خبرته بالقوارب التي كان يقودها اكتشف إمكانية أنيضيف ويعدل في السرعة وقلة المقاومة للماء وانسيابية الشكل ومقاومة الهواء والقدرةعلى الاحتمال في ظروف الخليج القاسية من حرارة شديدة ورطوبة عالية، ومن هنا جاءتفكرة منافسة المنتج الأجنبي بالنوعية والتميز والسعر.
أدرك الشعالي أن ابنالمنطقة هو الأقدر على معرفة احتياجاتها وخصوصيتها. ولاقت المنتجات التي قدمتهاشركته نجاحا كبيرا، وهي تملك اليوم علامة تجارية مميزة تنافس بشدة، وهي مطلوبة منقبل خبراء ومقتني اليخوت بكافة أنحاء العالم.
- وفر ما تحتاجه ولا تجده.. هلبحثت عن منتج أو خدمة ولم تجدها في بلدك؟!
- حاول توفير ما كنت تحتاجه ولم تجده؛فإحدى أشهر شركات طبع الأفلام في أوزبكستان بدأها صاحبها عندما لم يجد محلا لطبعأفلامه هناك. واليوم تساوي شركته ما يقرب من 100 مليون دولار.
أما في منطقتناالعربية وفي إحدى الأمسيات، وبينما كان الشيخ سعود بهوان في سلطنة عمان يتفقد أحدمشاريعه المرتبطة بالسيارات، وسأل أحد السائقين: ماذا عساي أن أفعل إذا تعطلتسيارتي وأصبحت في حاجة إلى المساعدة في الليل؟ رد السائق: ليس عليك إلا الانتظارإلى الصباح.
ولم تمر هذه الملاحظة على الشيخ سعود، وقرر ***** مراكز خدمات تعملعلى مدار الساعة وطوال أيام السنة لإرضاء زبائنه. والآن يمتلك إمبراطورية تشتمل علىالآلاف من الموظفين والمئات من الفروع وملايين الأصناف.
- حلول المشاكل.. مشاريعمهمة: عليك أن تفتش عن المشاكل، وتبحث عن الحلول بطريقتك.
اسأل كل من حولك عنالمشاكل اليومية التي تواجههم؛ فقد يشيرون عليك بأفكار جديدة. فالحاجة أم الاختراع؛فاختراع وتسويق أغلب الأدوات المكتبية كان بسبب مشاكل واحتياجات تمس أعمال الموظفيناليومية.
- اختلف عن الآخرين: عندما تقدم شيئا مختلفا عما يقدمهالآخرون سوف تستقطب شريحة من السوق تستهدف هذا الاختلاف.
وهذا يعني أن السلعة أوالخدمة التي تقدمها يجب أن تكون فريدة، وأن تعرفها أنت وتعرِّفهالعملائك.
ونتائج هذه المغامرة لا تعترف بالحلول الوسط؛ فإما أن تنجح نجاحا باهراأو تفشل فشلا ذريعا. فعلى سبيل المثال سلاحف النينجا بدأت بتقليعة، وانتهت إلىصناعة.
- قدم عملا مفيدا: عندما تنظر إلى مجتمعك المحلي وتتلمس احتياجاته يمكنكالوصول إلى فكرة جيدة لمشروعك.
- فالمهندس السعودي صبحي بترجي عندما فكر فيإنجاز حلم والده بتوفير خدمات رعاية صحية لمجتمع جدة من خلال صرح طبي متميز في كلشيء، كانت هذه بداية فكرة ***** مستشفى انطلق من جدة، ثم إلى عسير والرياض والمدينةالمنورة واليمن والقاهرة، وقريبا إلى إثيوبيا ونيجيريا، وحلم المهندس بترجي الحاليهو بناء وتشغيل 30 مستشفى في العالم العربي والإسلامي، وإيجاد 50 ألف وظيفة بحلولعام 2015م.
ابدأ من حيث انتهى الآخرون: يمكنك أن تستفيد من التطورات العالميةمن حولك؛ ففي الوقت الذي كان فيه التجار يوردون أثاث المكاتب وتجهيزات بسيطة أدخلعبد الرحمن الجريسي للسوق السعودية مجال تقنيات المكاتب وتجهيزها، بادئا بمبلغ 40ألف ريال، واختار التركيز في مجال تقنيات المعلومات والشبكات الكومبيوترية.
وقدكان أول من جلب جهاز كومبيوتر للبيع في السوق السعودية، وكان ذلك في بدايةالسبعينيات من القرن العشرين عندما انتشرت أنباء استخدامات الحاسوب في دنياالأعمال.
- ابحث عن الأسواق الناشئة: ابدأ في الأسواق البكر التي لم يلتفتإليها الكبار، ولا تنس أن هؤلاء الكبار بدأوا صغارا.
- حسِّن ما يقدمه الآخرون: يعتبر هذا مدخلا بديلا عن ابتكار أفكار جديدة؛ فشركة سنجر مثلا لم تخترع ماكينةالخياطة، ولكنها أضافت إليها تطوير الحركة الميكانيكية بالرجل بدلا من اليد. - ابتكر أفكارا جديدة: فلا بد أن يكون منتجك يمثل
- ابتكارا جديدا
- أو إضافةللمستهلك
- أو يحل له مشكلة ما
ونصيحتنا لك ألا تقلد أي مشروع.. فابحث عنفكرة مختلفة تخلق معها سوقا لها ولك ولمشروعك.. فما دام مشروعك مختلفا، ويحقق قيمةمضافة عن الأفكار الموجودة في السوق فسيبقى، أما إذا لم تفعل ذلك فالفشل سيكوننصيبه
قراءة في مقال :
** مستشار مركز تنمية المنشآت الصغيرةوالمتوسطة بالغرفة الشرقية – السعودية
أضيف لكم:
معظمنا نفكر نعمل مشاريع بساللي لاحظته إن كلكم تبون نفس المشروع..بختصار
أفكار مشاريع:
1. وكالة سفريات ....نسائية
2. مكتب عقار....نسائي
3. شركة توصيل..خاصة بخدمةالنساء...>هذا روعه قابل للتطوير لأبعد مدى(إذا قرايتو عن شبكة التوصيل النسائيةببريطانيا مرة حلو)
4. شركة تأجير عاملات منزليات مدربات....<هذا كمان(كثيرناس يكرهوا العاملة بالبيت..فإذا كانت تجي 4 ساعات باليوم تخلص شغلها وتروح أحسن+ بحل أزمة التدريب+بحل مشكلة مكاتب الاستقدام+غازي القصيبي بينبسطJ...بس ترىالمشروع شوي صعب يبيله رأس مال جامد"بس مو مشكلة ممكن تلاقي راعي للمشروع"+ دراسةجد+إذا ما كانت الفكرة كاملة "اللي تحب اشرح لها كيف تكون كاملة " تراسلني راح يفشلفشل ذريع..وإذا كانت كاملة أتوقع يكون الانتشار على مستوى دول الخليج وبتلاقي دعمكبير)
5. شركة تنظيم معرض ,حفلات,أمسيات...<مجال مرة حلو وممتع
6. شركةديكور داخلي نسائية..<بنات ديكور ..شدو حيلكم
7. مكتب نشروتوزيع...نسائي....>مفكرة ( اكتب مذكراتي)
8. مكتب توظيف نسائي
9. مقهىنسائي.....
10. تأليف كتب
…………………………
تتعدد أسباب النجاح بأي مؤسسة ما بين التكنولوجياالمتقدمة، ووفرة رأس المال، وتوفر السوق المستهلكة، إلى جانب المهارة الفنيةللعاملين، فكلها من أسباب النجاح إلا أنها ليست وحدها السبب الحقيقي للتفوق؛ فالمالوالتكنولوجيا والأفكار تنساب مثل الزئبق عبر الحدود بين الدول..
ولكن التفوقالحقيقي يرجع إلى..
مؤسسة قادرة على الوفاء باحتياجات العاملين بها
وبالتاليفهي تجتذب الأفضل إليها
وهؤلاء يكونون أكثر حماسًا لإنجاز أعمالهم بشكلممتاز
فهذا النوع من المؤسسات يهتم بفهم دوافع الرغبة في العمل لدى موظفيه، فهيتوجه الثقافة والأنظمة والهيكل التنظيمي للشركة نحو الاهتمام بالعوامل التي منشأنها تحفيز العمل.
وهنا تكون وظيفة المدير ليست أن يقول للموظفين ما الذي يجبأن يفعلوه، بل هو الذي عليه أن يجيب على السؤال التالي: "ما الذي يحفز العاملين؟وما الذي يجعلهم أكثر إنتاجًا وحبًّا للعمل؟"، فالأمر ليس مجرد راتب جيدفحسب.
...................
انا اعتبر مهنة التجميل مهنة راقية فيها فن وذوقوابداع ومافيها غش وخداع لذلك احس انو من واجب الطرفين ان يكونوا صريحين مع بعض منالبداية سواء صاحبة المشغل او الكوافيرة يعني الكوافيرة تقول ماذا لديها من كفاءاتوصاحبة الصالون بعد التاكد من مصداقية كلامها تعطيها حقوقها ولا يتساوى في الاجورمن تقدم خدمتان اوثلاث اواربعة مع وحدة تعرف جميع الخدمات وبارعة بالعمل.... الستمحقة في هذا الطرح؟؟؟؟؟؟؟ وارجو من صاحبات المشاغل اخذه بعين الاعتبار
صاحبة الصالون لازم تكون عارفة للمهنة بكل تفاصيلها يعني لازم تعرف متى تخطأالكوافيرة ومتى لا؟؟؟؟؟؟؟؟ كيف؟؟؟؟؟؟؟؟؟؟ افسر لك:
مرات الزبون يتلكك علكوافيرةوصاحبة الصالون توقف مع الزبون وانا اؤيد (فكرة الزبون على حق لانه مصلحة المحلارضاء الزبون ولكن ليس بعدما يغادر الزبون) مثلا مرات انت تعرضين على صاحبتك اوقريبتك او جارتك انها تجي تعمل عندك خدمة بالصالون وهي لسبب او لاخر( ربما هيمتعودة على صالون معين) لاترغب بالمجئ لصالونك ولكن خجلا منك تاتي لصالونك وبعدحصولها على الخدمة وتكون ممتازة تقوللك مهي مزبوطة هون انت لازم توقفي معاها بس بعدماتروح لا تلومي الكوافيرة لانو شغلها كان صح بس الزبونة مهي رايدة تجي عندك؟؟؟؟؟
لذلك لازم تكوني عارفة للمهنة حتى تعرفي وين الغلط فعلا ووين الصح؟؟؟؟؟؟؟وموعيب اذا صاحبة المشغل تعلمت ووقفت بجانب البنات اللي عندها ايام (الهاي سيزون) رمضان الاجازات؟؟؟؟؟
وبعدين بامكان صاحبة الصالون تتعلم المكياج _تنظيف البشرة _ التسريحات_ وضع الصبغة _ حمام الزيت _فرد الشعر _والخ .....بشرط توفر الرغبةلديها
ترى مهي صعبة ولاعيب بالعكس كما اسلفت هو فن راقي.........وكمان لاتنسينهذا مالك؟؟؟؟؟؟؟؟؟
واكيد الزباين امانة في عنق صاحبة المشغل بس كمان لاتنسي انهمامانة في عنق الكوافيرة ايضا اذا كانت تخاف الله اولا
وتخاف على سمعتها المهنيةثانيا
كمان اقترح على صاحبات المشاغل انهم يفكروا بالبدائل في الفترات اللييكون فيها العمل قليل مثلا عندك قسم خياطة اعملي
شوية عبايات اوشراشف صلاةموديل جديد من تصميمك او اشياء اخرى غير العبايات وبيعهم ارخص من السوق بشوية انتبكدة تكوني شغلت قسم الخياطة .........عندك ركن فاضي تعاملي مع شركات تجميلتعرضيلهم فقط بدون ماتشتري لتتجنبي الخسارة ووتبيعين لهم وانت تاخدي الارباح وهماياخدو فقط سعر الجملة
اعملي خلطات زيوت وخلطات طين وكريمات خاصة للبشرة تكونصحيحة ومدروسة 100% وانت راح تربحي من وراها لانو انت مصدرها الوحيد مابالك لو حصلتعلى رضا الزبون
قدمي لزبونتك الدائمة خدمة مجانية بين فترة واخرى بشرط ان تكونالخدمة ماتستهلك مواد اولية مثلا قص شعر (هي حديد احسن مايعلوه الصدا والكوافيرةترتاح خليهم اثنينهم في حركة) او فتلة عبارة عن مترين من الخيوط ........ او غسيلشعر
او بدكير ومنكير وهكذا
اعملي خاصية الvip لزبوناتك الدائمات واللاتييقمن بعمل خدمات دائمة لديك
اعملي اشتراك شهري و3شهور ونصف سنة وسنوي وقدمي منخلاله عروض على خدماتك المميزة
حاولي جاهدة ان تكوني منسجمة 100% معتيم العملاللي عندك حسسيهم انو ا هما زي اخواتك لو كانوا قريبين من سنك او زي بناتك لوكنتاكبر سنا منهم مع بقاء حاجز الاحترام موجود ولا تلعبي معاهم من البداية عسكروحرامية ......
انا لااقول لك سيبي مالك لهم لا ؟؟ ولكني اقول امنحيهم الثقةترى مو كل الناس بطالة فيهم الكويس وفيهم الخايس الله لا يجعلنا من هؤلاء ولايجمعنا وياهم . اللهم امين
انا شفت انجح شي نظام الاسرة مع الموظفات مادري هايقناعتي الشخصية
,,,,,,,,,,,,,,,,,,,,,,,,,,,,
منقول
وموفقه ان شاء الله
اتمنى تدعي لي بالتوفيق في عملي

يا عمري يا ورده جوريه
ما تقصرين على الموضوع اللي يأخذ العقل
الله يوفقك دنيا و آخره يارب

ولو يا قلبي ما سويت شيء

يسلموو على الافاده

ماشاء الله عليك صراحة الله يعطيك العافية
دخلتي قلبي

الله يوفقها
قرات حتى زغللت عيني
الله يكون بالعون