لبنات الرياض اللي عنهم خبرة في المشاغل

عزيزتي مرام ... هلا وغلا فيك في الرياض ...
وانا اقول الرياض منور هاليومين اثاريك عندنا ...
تبين مشغل خياطتهم روعه ... وسعرهم معقول ... ابشري
فيه مشغل اسمه (( ست دانات )) في طريق الامير عبدالله ... بس ماعرف اوصفه لك بالضبط ... بجيب لك الوصف مضبوط وارجع لك ثاني ..
المهم المشغل من جوا مو ذاك الزود ... بس الخياطه اسمها (( بيرسي)) خياطتها ماعليها كلام .. لدرجة انها تخيط لأميرات عندنا بالرياض .. وسعرها معقول .. بس بعد انتي فاصلي في السعر وهي بتنزل لك .. يعني اذا قالت لك المبلغ كذا لا تسكتين وتقولين طيب ... قولي لها ابغى بكذا _يعني اقل _
وانشالله اذا حبيتي اجيب لك الوصف المضبوط ردي علي عشان اجيبه لك اليوم انشالله ...
اتمنى لك التوفيق في طلبك

نورتي اختي فيه سوق المتنبي صحيح شوي قديم لكن فيه كذا مشغل
الخياطين فلبينيين يصممون لك الموديل مع القماش والخياط كله من 1000 الى 2000 بس
واشياء مره حلوه يخلونك تاخذين المقاسات عند مشغل وتودينها لهم
واي شي تحتاجينه انا بالخدمه
موفقه ان شاء الله

واللي يعافيكم حتى انا ابي اعرف عن المشاغل المميزه والحلوه اللي في الرياض
صح اني فيه بس خبرتي قليله في المشاغل لاني ما افصل الا نادر
وابي اعرف احسن مشغل يفصل ويكون شغله مضبوط سمعت من كذا بنت وشفت بنات مفصلين في مشغل المتنبي وشغلهم مره جنونان واسعارهم من 1000 وفوق
بس ابي اعرف فيه مشاغل غير المتنبي تفصل شيء حلو وشيك
وللمعلوميه التفصيل راح يكون لوحده ملكتها في الصيف وسالتني وحابه والله اساعدها
عشان كذا سالتكم

حبيبتي اميرة الفراشات الرياض منور بوجود هالوجة الحلو .
انتي بس قولي لي محل اومقهى مميز حولة اذا كان على الشارع مباشرة وان شاء الله ادل المشغل والله يسعد ايامك وينور دربك يارب ........
حبيبتي نوني الف شكر لك على ردك .والله يخليك ويسعدك يارب ........