لفلفي شعرك بدون الفير خطوه خطوه

1. بعد كدا تلفي كل قطعه تبرميه يعني تسير زي المسطره بس بشكل رفيع ..

لفلفي شعرك بدون الفير ( خطوه ... خطوه )لفلفي شعرك بدون الفير ( خطوه ... خطوه )لفلفي شعرك بدون الفير ( خطوه ... خطوه )السلام عليكم ورحمة الله ..
مساء التماسي والفل والورد لا حلى البنات ..
جايب لكم معي احلى الطرق واجملها حتى تلفلفي شعرك بشكل لولبي .. اكيد انكم فاهمني طبعا ..
يالله معي ..
الادوات ...
رغوة الشعر ..+ قصدير
طبعا اول شي يكون شعرك مستشور او عامله له حوايه طبعا عارفين ايش هي الحوايه وهي افضل من الاستشوار بس لازم تكوني عاملته من بدري بعد فردك لشعرك زي ماقلنا ..
تجيبي القصدير وتقصيه قطع مربعه او مستطيله على حسب طول شعرك كل ماكان اطول تكون القطعه كمان اطول شويه ..

بعد كدا تلفي كل قطعه تبرميه يعني تسير زي المسطره بس بشكل رفيع ..

تقسمي الشعر بالترتيب من تحت يعني من عند الرقبه وتاخدي خصله على حسب ماتبغي اذا تبغي اللف صغير تاخدي خصل صغيره واذا تبغي اللفات كبيره تاخدي خصل اكبر يعني انتي وحرافتك ..
تاخدي الخصله وتحطي شوي من الرغوه بس مو كل الخصله يعني زي ماتحبي اذا كانت اللفلفه كل الشعر او اطرافه والافضل الاطراف تطلع احلى وخاصه الشعر الطويل .. وابدأي لفي الخصلة على القصدير بعناية وترتيب وتنظيم فائق الى الحد الذي ترغبين في لفه واللف يكون الى الداخل والافضل عندك لفك للخصله انها كون لاعلى شوي حتى تسير متساويه
بعد كدا تلفي القصدير يعني تضميه لبعض حتى مايفتح وهكذا خصله خصله الين ماتخلصي ..
طبعا بعد مايجف الشعر تماما يعني ساعتين تلاته او اكثر حسب استجابة شعرك للف
وبعدين تبدئي تفكي القصدير بحيث انك ماتسحبيها سحب حتى ماتخرب الخصله فكيها بشكل لولبي ....
شوفي النتيجه رح يطلع شعر ولا احلى وتستغني عن الفير واضراره وكمان تستغني عن الصالونات لان الفير سعره غالي مره ...رح تلاقين شعر في منتهى الحيوية والتألق والجمال
لاهو لاصق في رقبتك ولا فيه تطعيجات ولا شي شعر حيوي نهايته ملفوف واوله ناعم وجميل جدا ..
اتمنى انها عجبتكم هالطريقه وفهمتوا عليه ..