للعرايس كيف تطلعين سعر جرام الذهب

السلام عليكم
شخبار عرايسنا الحلوات مع الجهاز
الله يوفقكم و يتمم لكم على خير يارب ولا يكسر فرحتكم
حبيت افيدكم باللي اعرفه اللي هو كيف تطلعين سعر جرام الذهب
عشان ما تنخدعون بالمحلات وابي منكم دعوه حلوه الله يوفقني في اختباراتي
ويرزقني الزوج الصالح
ادخلي على موقع من مواقع اللي تطلع لك سعر الذهب اول بأول مو يوم بيومه
زي شبكة الوسم انا ودي احط الرابط بس اخاف ينحذف الموضوع
الطريقه انك تاخذين سعر الأونصه و تقسمينه على 31,1
النتيجه اللي بتطلع لك هي سعر الجرام بالدولار
عشان تطلعينها بالريال اضربي النتيجه في 3,75
بيطلع لك سعر الجرام بالريال
بس ترى السعر اللي بيطلع لك مو ثابت لان الزياده اللي عليه تعتمد على اصحاب المحلات
في تحديده يعني كل محل و مكسبه عموما زيدي على النتيجه اللي تطلع لك 70 مو اقل من كذا
بحط لكم مثال وبطلع فيه سعر الذهب اليوم
طبعا مرتفع مره
اليوم الاونصه 916
1÷ 31,1 = 30,900322 <<<<< طبعا هذا بالدولار
بالريال تاخذين الناتج اللي هو 30,900322 × 3,75 = 115
يعني سعر الجرام 115 ومع زيادة المحلات ماراح تحصلين سعر الجرام اقل من 185
(سعر الاونصه اقسميه على 31,1 الناتج اضربيه في 3,75 يطلع سعر الجرام بالريال)