للي سافر عنها زوجها

وعليكم السلام أختي حنين وألم....
عورتي قلبي وايد عزيزتي،، ذكرتيني بنفسي،، أنا صار سنة وشي متزوجة وما قعدت ويا ريلي غير 7 مادري 8 شهور بس، لأنه كله مسافر...
المهم بقولج،، لازم قبل السفر بيوم ولا يومين تسكرين شناطه خلاص، عشان ما تضيع آخر اللحظات اللي بيقعدها وياج في ترتيب الأغراض،،
وفي يوم السفر لازم تكونين رومانسية وحليوة في تصرفاتج وسوالفج، ولا تقعدين تكدرين عليه وتصيحين وتحنين، لأن الريال ترى يتقطع قلبه لي فارق زوجته بس ما يقول ولا يعبر،،
إذا كانت السفرة فليل، حاولي ما تقومون بدري من السرير حتى لو قمتوا من النوم، تدلعي عليه وهالسوالف، وصدقيني أنج بتسمعين كلام يخلي عينج تدمع من حلاته، ما راح يخلي كلمة حب وشوق إلا بيقولها لج،،
حاولي ما تفارقينه دقيقه وحدة يوم السفر، وقبل ما يطلع من البيت بربع ساعة أو عشر دقايق، دخليه الغرفة أو أي مكان تحبونه أنتوا الاثنين، ولمي عليه بحنان وحطي عينج بعينه وقولي اللي في خاطرج، بس من غير نكد،،وبتشوفين هو شراح يسوي،،
أدري أني طولت عليج بس إن شاء الله أكون أفدتج بهالخصوص،،
أختج قطرية عسل

أبد ما طولتي
إلا كلامش فوق الزين
أتمنى اني أقدر امسك نفسي وما اصيح
صار لي أصلا من دريت كل يوم صياح
الله يجمع بيننا وبينك وبين زوجك ان شاء الله دايما بالحب والسعادة والموفقية
ويساعدك ويقومك بالسلامة يا عسل

ابد انا بعد زوجي مسافر بس اسبوع وادور افكار
طبعا سفرية مع مركز صيفي
وفكرت اسوي لهم فطاير وشاهي وحركات لانهم رايحين بر
وفكرة منها ما تروحي عن بال زوجك ومنها ترفعين راسه قدام اصحابه ومنها بعد تكبرين قدامه ويحبك اكثر
والحركات اللي قالتها اختي الفراشة قطرية عسل بصراحة استفدت منها يعطيها العافية
والسلام عليكم

شكرا اختي عبق الزهور
المشكلة ان سفر زوجي رسمي يعني ما أقدر اسوي حركاتك الحلوة
عموما الله يوفقنا جميعا

ياحياتي حنين الله معاه وانا نصيحتي لج تتصرفين بعفويه معاه والله يصبرج على فرقاه

اهىء اهىء قلبتوا علينا المواجع
انا زوجي صارله مسافر تقريبا شهر بعثة دراسه وانا من اول ماقالي انهم اقبلوه بالبعثه يعني قبل تقريبا 9 شهور من سفرته وانا هلي يادموع حتى امي كانت تضحك علي تقول هذا وهو ماراح وش بتسوين اذا راح وطول هالتسعة شهور وانا ضايق صدري وكل مااتذكر انه بيروح اقعد اصيح واحاول قد مااقدر اني اقضي كل وقتي معه لاني عارفه اني بيجي يوم بشتاقله وبشتاق اسولف معه ولاراح ألقاه اذا سافر بس مع ذلك فاقدته موت ولما سافر قعدت يومين صاكه علي غرفتي وابكي عليه واشوف الصور والفيديو وأوراقه وتعبت نفسيا كثير على بالي بسلي نفسي مادريت اني ازعل نفسي زياده بعدين سجلت بمعهد حاسب آلي ودرست وقمت اقعد مع الناس واشغل نفسي عنه خصوصا انه الحين مشغول عني بدراسته واحاول اتواصل مع صديقاتي وشوي شوي تعودت على فراقه صح اني ماراح اقدر انساه او امنع نفسي من اني اشتاقله او افقده بس على الاقل اخفف شوي من الزعل على فراقه بس الى الان اذا كلمني مقدر امسك نفسي لا ابكي واحاول قد ما اقدر مايحس علي اني ابكي بس احيانا يحس علي ومن اول يوم راح وانا اتخيل كيف بيكون شعوري اول مايوصل بالسلامه احس من الفرحه بيغمى علي واتخيل وصوله لحظه بلحظه من اول ماينزل من الطيارة لين يوقف قدامي .... الله يرجعه لي بالسلامه يارب

مسز كبشينو
الله يرجعه بأسرع وقت ولا يفرقكم اللهم آمين ..