للي عندها معلومات او معلومه عن قسمي تربيه خاصه أو رياض أطفال في الاحساء

هلا بنت القمر
بما انك تبين معلومات عن قسم التربيه الخاصه
انا راح اجاوبك بس حبيت اقولك اني انا مو من الاحساء
انا من الطايف
وانا تخصصي تربيه خاصه بس بصراحه قسم روعه اهم شغله
قبل لاتدشينه يكون عندك رغبه داخليه بها القسم لانك ماراح تدرسين باذن الله
طلاب عاديين
وهم بعد اكو مواد علميه عامه مثل الاحياء والفيزياء والكيمياء
وبعدين في خامس مستوي يعني تقريبا في السنه الثالثه تتخصصين
بس هذا اذا مشيتي عدل على حسب الخطه الدراسيه
تخصصين في اي مسار من الاعاقات
عندك اعاقه
حركيه
سمعيه
بصريه
صعوبات تعلم
وموشرط اعاقات عندك
فئة الابتكار والتفوق العقلي ((الموهبين ))
اذا عندك رغبه انا انصحك فيه لان له مستقبل باذن الله
اما عن رياض الاطفال عندنا بالحجاز ماله مستقبل والله اعلم
بنات اعرفهم كثير وما تعينوا
بس اهم شغله اننا نتعلم شي يفيدنا وهذا لازم يكون
هدفك لان الاخلاص اهم شغله
والله يوفقك ويكتبلك اللي فيه الخير
اي خدمه انا حاضره يالغاليه

وانا بعد ودي معلوماات عن هذا القسم

مشكوره عزيزتي (انا قمره)على المعلومات
طيب حبيت اعرف
اقل نسبه قبول للقسم كم؟؟
وهل الدراسه في هالقسم اصعب بكثير من الاقسام العادي؟ مثل ماسمعت
وبكون شاكره لك

السلام عليكم بالنسبه لقسم رياض الأطفال فهو قسم رائع دراسه بس المشكله بالوظيفه المدارس الأهليه رواتبهم قليله والحكوميه إنسي . انا في كلية إعداد المعلمات بالرياض الدراسه بالكليه أصعب من الجامعه بنظري وحشو مواد مالها داعي بس لاأطول عليكي ندرس كل شي انا في السنه الأخيره......يعني الحين الدراسه على وقتكم أفضل لأنهم قللوا المواد.بس أهم شي تفكري زين مازين لأنه يبيله طولة بال عالأطفال.والله يوفقك بالنسبه

يسلموو عزيزتي شوكولا لذيذه
طيب ممكن اعرف شنو بالضبط تدرسون
شنو المواد اللي تدرسونه؟
شنو الموضوعات اللي تدرسونها؟
وبكون شاكره لك
وانتظر اللي عندها معلومات بعد تفيدني

غناتي
بنت القمر
شوفي حبيبتي
حنا عندنا بالجامعه كل شي بالواسطه
يعني كثير من رفيجاتي داشين بواسطه
بس النسب لازم تكون اقل شي 94 عشان تضمنين لك مقعد
بس انا اشوف ان من مدينه لمدينه يختلف
بس اذا كان عندك فيتامين واو ((واسطه ))راح تدشين على طول
بس صدقيني انت شدي حيلك وربي بيحققلك مرادك باذن الله
والقسم والله حلو وماكو هاي الصعوبه اللي صج يقولون عنها
بس هم بعد يعتمد على الاساتذه والدكاتره لان بالجامعه
كل شي بيد الدكاتره اهم اللي يسهلون واهم اللي يصعبون المواد
بس شدي حيلك والله وياك ياقمر
اي خدمه انا حاضره واذا احتجتي شغله
دزيلي على الخاص

يسلمو عزيزتي ( انا قمره)
والله مو عارفه شلون اشكرك
انا كنت خايفه من التخصص كثيير
لاني ماكنت عارفه شنو بالضبط يدرسون
وغير كذا كثير مخوفيني من القسم
يقولون انه صعب كثير
وانا سمعت عندنا انو النسبه ماتقل عن 97 علشان كذا خفت كثيير اني ما اجيبها
ربي يعطيك الف عاافيه ويحقق لك امنياتك
واي وحده عندها مداخله او اضافه تتفضل بها

هلا حبيبتي
قسم تربيه خاصه يقبلون النسب من 97 وفوق
اما رياض الاطفال من 95 وسمعت انه له مستقبل
والدراسه فيه حلوه وسهله
راح اسالك لان وحده من معارفنا تدرس هالقسم بجامعة فيصل

ونسيت اقول هذا القسم للأدبي
وربي يوفقك ويكتب لك الخير ^_^