لمحترفين المعجنات ادخلوا ضروري

السلام عليكم
أأسعد الله صبآحكم ::: مسآكم ::: فرأشات
المهم
انا من فترره بديت اتعلم الطبخ وتعلمت بسرعه والحمد لله بس في شي ابي اتعلم له ولاعرفت
الاوهي المعجنات او العجينه نفسها مدري في المقادير او اني مااعرف اعجن
ومره سويت فيها سنعه وقلت بسوي لزوجي بيتزا عشاء وسويت عجينة العشر دقائق وعجنت وعجنت
وعجنت وعجنت وعجنت............
لين تعبت قلت خلاص كذا كفايه <<< من كيفها
واخليها عشر دقائق واقوم ابي افردها عيت لاتنفرد تصير فيها فراغات واحسها باقي ماتجانست مضبوط
واخبص فيها لين بالغصب فردتها واشيل واحط طبقات فوق بعض عشان ماتطلع فراغات <<< لاتضحكون ههه
واروح اسوي خلطة البيتزا وادهنا وادخلها للفرن ومستنيه متى يخلص عشانا اللذيذ الي تعبت فيه
اول شي طلعت حاليه مع اني حطيت نفس المقادير
ثانيا ماطلعت كانها معجنات طلعت كانها خبز دقيق مانتفخت
المهم اكلناها انا وزوجي المصوون بس مااحس انها عجبته مدري ليه<<< بتتصفق
سؤالي موجه لمحترفات المعجنات
وشو احسن طريقه للمعجنات الذهبيه الي فيها زبادي ولبن ولاالعشر دقائق الي فيها حليب واي وحده تطلع
حلوه ومضبوطه ومثل القطن ولينه
وكيف طريقتها بالتفصيل الممل وكيف اعرف اني اكتفيت عجن وكم المده تقريبا للعجن
ودمتم بود