لو سمحتي ياخاله

1. مرحبا بنات والشهر عليكم مبارك


2. ( قصتي مع الريجيم )

مرحبا بنات والشهر عليكم مبارك

( قصتي مع الريجيم )

كنت مسافره وكنت مبسوطه جدا في رحلتي وكل يوم اكل فطور طبعا فطور الفنادق انا ما افوته حتى لو اكون سهرانه للفجر او ميته من الدوخه المهم اول ماوصلنا جنيف طقنا الجوع الا اخوي قال فيه مطعم لبناني في الفندق يالله نروح نتعشى فيه قلنا يالله من الوناسه كل شي بناكله المهم نزلنا تحت في المطعم وانا رازه روحي ماكاني تعبانه ولا كاني توني واصله طلبنا والا وانا اشوف واحد يمر من بعيد مقبل علينا قلت له اهلين انت الشيف قال يا اهلا وسهلا فيكم ايوه انا الشيف اللبناني جاي هنا بالاوتيل فترة شهر وراجع باريس قلت له ياهلا وسهلا قالو طلبتو؟ قلنا ايوه قال والا اطلب على زوئي قلت انا اطلب على زوئك مادرينا الا جاب الدنيا كلها صف الطاوله من اولها لاخرها وكل شوي نسف ( انا الملقوفه اللي رحت اقول له جب على زوئك ) تقولون عندنا عزيمه والا الفاتوره الا جت ضربه واخوي يناظرني بطرف عين يقول انتي وش لقفك خلينا على طلبنا الاول طلعت الفاتوره حدود 2000 ريال والاكل حليو هذي الليله الاولى مليت البطن ونمت وانقز الساعه ثمانيه الصباح يالله قومو الفطور تقولون لي اسبوع ما اكلت وقمنا ولبسنا ورحنا الفطور واكل من الكروسان يمكن 3 حبات ومره حليب تقولون حليب هايدي انا ما اشرب حليب في بيتنا هناك اشربه وياليته واحد لا مره حليب ساده ومره حليب بالشوكلاته وكل شوي رايحه المكينه ومعبيه الكوب ههه
واطالع الاوربيين يمين ويسار ياصحن صغير فواكه او زبادي وانا معبيه الصحن وكل شوي رايحه وجايه ............... المهم وكل ما انتقلنا في بلد انفتحت الشهيه اكثر غير القهوه اللي معنا والتمر والشوكلاته السويسريه والا يسكريمات ولا نوقف ولا نقول شبعنا واذا قلت خلاص شبعت وجانا شي ما اقول لا وعلى ان احنا نمشي كثير لكن للاسف ما استفدت ابدا من كثر الاكل طبعا 3 وجبات فطور وغدا وعشا وقهوه شي مو طبيعي وانا امشي اشوف الاجسام اللي تاخذ العقل اجسام منحوته نحت استحي اوقف جنبها وانا اتدربى بشحومي واناظر وتطقني الحسره (انا وشفيني صايره كني بقره عندهم وهم غزلان يمشون جنبي ) والله قهر المهم كنت اشوف واتسائل وانا ادربي بالاكل ماعندي مشكله في الاكل الا وجا هذاك اليوم كنت شاريه اغراض من باريس وراجعه سويسرا في زيورخ وكنت في السوق اسال راعي التاكس عن الاغراض اللي شاريتها من باريس يقبلونها مطار سويسرا او لا لان روحتنا ورجعتنا من زيورخ واحنا رايحين لباريس عن طريق القطار وانا اساله مافهم علي كان فيه واحد سعودي قال لي امري ياخاله تبين تسالين عن شي قلت في نفسي خاله ؟؟؟؟؟؟؟ لها الدرجه باين فيني لها الدرجه صرت سمينه وكبيره ( صحيح انا كبيره بس مو لها الدرجه ) واطق من الحسره وانقهرت مره مره صراحه تحطيم ليته قال اختي اهون شي بس خاله اشوى انه اخر يوم لي في الرحله ونرجع والا كان علوم خلصنا االاجراءات وانا في الطياره جلست اسولف مع المضيفه جسمها يجنن قلت لها انتي وش تسوين جسمك يهبل طبعا خلاص جتني الحاله قالت ابدا بس ما احب اكل رز وخبز قلت لها ان الله احياني اني اول ما اوصل بيتنا اقطع شي اسمه اكل واغير خطة برنامجي واول ماوصلنا السعوديه على المغرب الا واختي جايبها لنا عشاء احتفاء بالعوده ( ماصبرت نروق مافيه وقت ) قلت اسمعو كلكم انا ماراح اكل من اليوم وطالع ولو سمحتو انسوني وخصوصا انتي يا امي الغاليه ( حشا بسافر بعثه ) وفعلا من يوم جيت الى الان وقت موضوعي نقصت 8 كيلو في خلال 3 اسابيع وابغى انقص 10 كيلو واعرفو وش السر ؟ اللي خلاني انقص 8 كيلو في ثلاث اسابيع بس ما اقول الا احب اشكر اللي قال لي خاله هو اللي عطاني الدافع الاكبر للريجيم (يمكن لو يشوفني بعد شهر او نقول شهرين يقول وش تحبين تسالين عنه يا اختي ههه