بنت الفهد ياقلبي .. كل سنه وانتي طيبه وان شالله يكون أحلى عيد يقضوه عندك ..
والفطور أحلى شي في العيد..
بقولك كيف فطورنا .. إحنا نتجمع عند جدتي ..وكل عيله تجيب معاه شي غير اللي بيحطوه بيت جده ...
يعني هما عليهم النواشف بأشكالها وانواعها ..
واللي جيب الشعيريه ..ولي يجيب الحريره ..واللي يجيب الدبيازه ...وزي كده ..طبعا كل واحد على كيفو ..إحنا دايما ناخد البانكيك ..سهل ولزيز .... بالمختصر ..لاتشيلي همو ..
جيبي نواشف شكلي فيها وجيبي الشي اللي ينأكل ..لايغرك الشكل ويقعد في التلاجه .... وسوي شعريه بيض وبانكيك وفطاير اللي تعجبك ... وفي شي حلو لو تحطيه الكورني فليكس مره رهيب إحنا لازم نحطو في السفره بزات لصغار حيعجبهم .. غير حليب ساده وشكولاته ونصيحه لاتسوي جيبيها بودره واللي يحب يحط بنفسو عشان ما ينلعب بالباقي فاهمتني ..وجيبي نسكافيه ونفس الشي لا تسويه جيبي حليب ومويه حاره لليبغا نسكافه ساده واللي يبغاه بحليب .. وغير الشاي طبعا .. ونفس الشي النعناع خليه برى ..ولاتسويلي دلع وتبزير براد بنعناع وبراد بدون نعناع ..براد بسكر وبراد بدون سكر ... ريحي نفسك وسوي زي البوفيهات أكيد قد روحتي فطور في فندق ..شوفتي كيف يسوو سوي نفس حركاتهم .. إحنا في الفترى الأخيره بطلنا شغل السفره والحوسه والتبزير واللعب بالنعمه ..سوينها طاوله وصحون كبيره فيها كل شي ..وصحون غرف وكل واحد ياخد صحن ويغرف اللي ياكلو .. والشي دا ريحنا كتير وشوفي أنتي سوي زيها وحتعجب أهل زوجك حيحسو أنها خدمه فندقيه ..... طولت عليك أكيد ... بس حبيت اساعدك من جد ..أي شي تبغا أساعدك فيه أنا في الخدمه ..والله لو نفس مدينتي كان جبتلك البانكيك لأننا حنسوي في كل الأحوال ..
عموما الله يوفقك ويكون فطوركم أحلى فطور
تحياتي لك ..

محل حلويات بجده←
اطلبي اي وصفه او اكله وانا اجيبه بسررعه ان شاء الله→