مادةا لرياضيات

موضوع مهم كان ودي أساعدك بس ماعندي فكرة إن شاء الله البنات يفيدونا

مشكورة حبيبتي (دلوعة) على مرورك بس يكفي انك مريتي وقراتي موضوعي

انا معلمة رياضيات لتسع سنوات صفوف اولية ودائما تشتكي الامهات مثل شكواك فاتبعت معهن طريقة رائعه
جعلت كل من الام والطفلة محبة للرياضيات
مثلا جهزتي السفرة نادي ولدك او بنتك قولي كم عدد اخوانك ؟ يقولك فلان وفلان وفلان طبعا خليه يعدهم
على اصابعه
قولي له طيب يالله طلع كاسات لهم على عددهم كلهم سواء الحاضرين او الغايبين يستخرج ولدك من الدرج
الكاسات قولي له يالله عد الكاسات ..؟
يقولك عددها سبعه .. قولي طيب مين ناقص اليوم مو حاضر معنا الغداء ؟
يقولك مثلا اخوي احمد .. واختي فلانة المتزوجين مثلا .. قولي طيب كم انقص انا من الكاسات ؟
يقولك انقص كاسة احمد وفاطمة .. يعني 7 اطرح منها 2 يبقى 5
او بالملاعق .. او خليه يجلس يعد الفواكه مثلا قولي له طلع لي 5 تفاح و 6 موز ويالله اجمعهم مع بعض كم يساوي
؟
او مثلا اذا الولد بصف ثاني او ثالث علميه القسمة والضرب بهذي الطريقة
كم عدد اخوانك ؟ يقولك 9
طيب هذي 5 تفاحات لازم اطلع لكل واحد من اخوانك خمس تفاحات .. يالله طلعهن يجلس يعد الولد ويعد
قولي له غلط مانعد انت كبير ودرست الضرب ؟ اضرب 5 × 9 يعني التفاحات الخمسة تتكرر 9 مرات لاان عدد
اخوانك تسعه .. ويضربها ويطلع لك الناتج 0
والقسمة قولي له مثلا عندنا عشر موزات نبغى نقسمها على عدد اخوانك العشرة .. كل واحد كم ياخذ موزة ؟
يجلس يفكر ويفكر قولي يالله وزعها على اخوانك وشوف كل واحد كم اخذ حبة موزة ؟
وهكذا ..
بكل شي بالبيت اربطي الرياضيات حتى بالعابهم خليهم يعدونها مثلا .. يوزعونها يضربونها خلي
حياتهم تعتمد على الرياضيات وصدقيني كل شوي بتلاحظين الفرق فيهم
واي سؤال انا حاضرة واعذريني تو اللي شفت موضوعك واتمنى اني قدمت الفائدة ..
...

جزاك الله خيرا اختي شموخ القلب على اهتمامك ......وبصراحة فرحتيني بانك مدرسة رياضيات الله يفرح قلبك دوم ...وفكرتك حلوة اني اربط الرياضيات بكل شي في البيت.وهذي الطريقة نفعت معاي وياهم يوم كانوا اول وثاني وثالث ابتدائي ,و صرت بعد اخليهم يروحون التموينات ومعاهم فلوس زيادة عشان يحسبون الزايد والناقص......ونفس الشي لما نروح الملاهي كل واحد معاه فلوسه عشان يحسب كم لعبة لعبها وكم بقى معاه.الحين هم سادس وصارت السالفة انهم يخربطون في الفاصلات وانتقالاتها من اليمين واليسار في الضرب والقسمة, يكون فاهم بس ينسى يودي الفاصلة اي اتجاه ....ونفس المشكلة في عمليات التحويل من الصغير للكبير والعكس... هو فاهم ومافيه شي صعب بس المشكلة انهم ينسون او يلخبطون بالامتحان -مش عارفة- مثلا يضرب عادي ويطلع الجواب صح وبعدين اذا جا يحط الفاصلة يعد المنازل ويتجه لليمين مش لليسار....ونفس الشي في التحويل بدل مايضرب عشان يحول المتر الى السنتيمتر يقوم يقسم ونفس الشي اذا بغى يحول الهللة للريال يضرب بدل مايقسم....ودي اعرف طريقة اعلمهم فيها عشان مايلخبطون ويستفيدون علطول ...وعلشان هالمشكلة ..تروح الدرجات عليهم ...واخاف مستقبلا تتطور السالفة ويكرهون الرياضيات ولا اقدر اعالجها... .ولا اخبي عليك حبيبتي اني حاسة بتأنيب الضمير انهم احتاجوا مني معلومة وما وصلتها لهم صح
ومشكورة مشكورة مشكورة مرة ثانية على الافادة.... واذا قدرتي- طلب لاأمر- تطلعيني على طريقة اعالج فيها هالمشكلة (انتي او اي اخت فاضلةقرأت الموضوع ) اكون لك من الشاكرين وماراح انسى هالمعروف ابدا....