ما هي افضل طريقة لمواجهة الزوج الخائن اعطونا آرائكم وتجاربك يافراشات

السلام عليكم ورحمة الله وبركاته
لن اطيل عليكم الموضوع
اريد حلاً لموضوع صديقتي لأني ما قدرت اساعدها بالقدر الكافي
تقول :
اكتشفت أن زوجي عنده ارقام بنات في جواله مخزنها باسماء رجال .. وفي الفيس بوك بنات .. وفي الآيفون يدردش مع بنات .. أنا ما اعرف طبيعة العلاقة بينهم .. بس اللي اعرفه انه يكلمهم وينبسط معاهم ..
هو تعامله معاي طيب ومحترم .. لكن ملول جداً وكل ما حاولت اتكلم معاه او امزح معاه ما يعطيني ذاك الاهتمام اللي يفرحني !!
إلى الآن أنا ماسكه اعصابي ولسى ما واجهته ولا كلمته .. وهو على باله اني مو عارفه شي عن اللي بيسويه
مره فتحت معاه الموضوع بس على اني اتكلم عن ناس ثانيين .. قلت المفروض الواحد قبل لا يسوي شي يفكر ان كما تدين تدان وان الواحد يفكر في بناته واخواته وهكذا .. ما رد .. يقول اكيد ان الواحد يغلط في حياته !! قلت طيب ليش يكرر الغلط وهو عارف ؟
بعدين مره قلت له أنا اليوم طفشانه ومتضايقه ابغا اخرج من البيت او اي شي .. طنشني ما رد
رحت دخلت عليه باسم بنت ثانيه في الفيس بوك .. قلت انا طفشانه ومتضايقه .. رد على طول : ليه ياقلبو الدنيا ما تستاهل الضيقه ................ مو لو قال هذي الكلمة لي كان هون عليه شوي كانت زي البلسم .. لكن مهملني
اش احسن طريقه للمواجهه ؟
علماً بأني مو مقصره معاه في لا في نفسي ولابيتي وهو بنفسه قال هذا الكلام ..