متاهات الدرووب قصة واقعيه الم وعجايب الزمن

البارت الثاني
من بيت غازي
فوز: خلود ابي عطر لجل تفوق هايدي بشرعه لو سمحتي
خلود: هذا العطر
فوز تبخ العطر على وجه هايدي الى امتلى عطر
هايدي قامت تشاهق وبكا مستمر ولاحركه
خلود :امي كانها فاقت شوي
فوز : بسم الله وش فيك كلميني
وش اكلتي ولا ما اكلتي شي ؟؟ وش تحسين فيه ؟؟
ردي على ؟؟؟؟
هايدي : يزيد صوت بكاها ونحيبها
امها: كلي يا بنتي الله يرحم والديك
هايدي: تهز راسها بالنفي وتبكي
خلود: امي ما تبي تاكل يمكن ما تقدر
فوز: هاتي لها ملابس ببدل لها ملابسها
غرقت مويه والمكيف مقابلها
خلود: طيب يا امي
فوز : بدت تبدل ملابس هايدي وهايدي ماهي بقادره تفتح عيونها ابدا والبكا مستمر بطريقه تقطع القلب
خلود: رفيف وش فيك انتى وراكان؟
رفيف وجها اصفر مفزوعه وراكان ينتفض: خلود وش فيها هايدي؟؟
خلود : مدري لكن امي عندها ان شاء الله تكون بخير
رفيف :ابي اتصل على ابوي!!
خلود: كسرنا جواله ما يرد علينا كا العاده
راكان: خلود هايدي بتموت؟؟ ويبكي
خلود فتحت عيونها فيه وصرخت: لا اعوذ بالله من فالك 00فالك ما قبلناه
راكان: خلود ابي اشوفها
خلود: لا خليها تنام
رفيف جلست ومازال وجها اصفر: وقالت ياربي رحمتك
من الجامعه
غازي انتهى من محاضرته ورفع جواله شاف 20 اتصال من خلود
وهو ما سك الجوال الا يدق بيده
غازي يطال الجوال ويحوله صامت ويمشي للمبنى الثاني
خلود: معقوله جواله صامت
ما انتبه لى اتصالاتي؟؟ ياربي وش اسوي؟؟
من بيت مظلم بحي شعبي
بيت الى يدخله بنقبض قلبه بقوه
تسلم فوزيه على نوره فوزيه : كيفك وكيف العيال وزوجك؟
نوره : الحمدلله
فوزيه : الحمدلله
نوره : يلا يا فوزيه دورنا
فوزيه : يلا
من بيت غالب:
شوق : امي والله طفشنا من ها الحي والله وكرهنا البيوت الشعبيه
لولوه: امي ودي اعرف ليه ابوي هو الوحيد الى بيته كذا من اخوانه؟؟
موضي: لجل حظي التعبان والله ما تعرفين (انه ماترضى بالهم الا بنت العم)
لولوه: امي ابوي ماهوب هم لكنه طيب ومتساهل
شوق: هذا الى يقهرني والله
لولوه: سمعتي وش يقول ولد عمي غازي حمد؟؟؟
شوق : وش يقول؟؟
لولوه: يقول انه ما يركب وينيت العيال يضحكون عليه؟؟
يلمح علينا صح؟؟
شوق: هين ان ركب وانيت والله لا احطه بحوض الوانيت ماهو بركب به!!
لولوه :ههه ه
موضي: ههه ههه
الله يلعن ابليسك يا شوق
شوق: اجل متكبر على وشو؟
موضي: على انه ابوه دكتور وامه مدرسه وفيلتهم وسياراتهم وشغالاتهم
لولوه: وجع لا تذكروني !!يالله بروح اذاكر
شوق: لا احد يسمعك يحسبك الاولى على المنطقه بس
موضي: وانتي قومي بعد ذاكري
وقاموا البنات
من بيت سعود:
سعود يكلم زوجته ميساء : ميساء تصدقين اخوي غازي شاري له ارض كبيره بموقع حلو بنص مليون
ميساء: ما شاء الله وين
سعود : عن المزرعه الفلانيه والله تقولين انه نايم على كنز ما يخلص؟؟
ميساء: ماشاء الله تبارك الله
سعود: والله الظاهر انه يلعب بحلال امي
امي معطيته الخيط والمخيط
ميساء: حرام لا تتهم بدون بينه
سعود: اسكتي انتى من طلب رايك اصلن والله لا اتاكد بطريقتي الخاصه
ميساء: الله يعينك على تفكيرك
سعود: نعم
ميساء : اقول تبي عشاء
سعود: تشاورين بعد (من شاور ما عشى9 قومي سوي لى العشاء وانتي ساكته
ميساء : طيب
من بيت عوااض (ابو جوانا)
اريام: عواض ودي اروح دبي ؟ انت رحتها كم مره
عواض: بحول الله يا اريام
لكن لا احد يدري حتى اهلك
ما ابي احد يدري عنا ابدا
ونبي نقولهم مسافرين للبحر بمدينه 0000 مدينه تبعد 200 كيلو عن المدينه الى يسكنون بها
اريام: ولا يهمك بس انت دور لنا حجز اوكي
عواض اوكيه
بيت جميله زوجة سالم
جميله : شفتي كيف الناس تطالع هايدي واخواتها بالعرس
تقولين انهم من الطبقه الاستقراطيه وحنا من الهيلق
ندى: اي يا امي اموت واعرف ليه يطالعون لهم كيذا
هند: طيب ليه جلستم معهم بنفس الطاوله
عبير: كيفنا لانه حنا وياهم واحد وهم عيال خالي يعني ما يفرقون عنا بشي
نوال: انتم عرفتم اخبار منهم
ندى: لا مدري وش فيهم بهم شي ماهو طبيعي
عبير: والله يا اني سالت وسالت لكن ما اخذت اجابه
ندى :شفتي عمتى عمى العدو
عبير: اسكتي لا ترفعين ضغطي
ندى: اشوفها تدور حول بنات خالي غازي
هند: جد والله ما انتبهت
نوال : انا وياك ملتهين بعيالنا وين ننتبه
عبير: وش تتوقيعين يمه
جميله : والله مدري لكن الموضوع به سالفه
اشوف ابوك يمكن يدري
هند: وانا يتتقطس عن الاحوال
وارد لكم خبر
نوال: والله ماني بفاضيه لكم ياخبر بفلوس بكرا ببلاش
ندى : يالله القهوه صدعت راسي
البنات مشوا يتقهوون
من بيت جده هايدي لامها(حسناء)
حسناءاتصلت تسأل عن حال بنتها: كيفك يافوز اخبارك؟ وكيف بناتك وعيالك؟
فوز: الحمدلله على كل حال يمه
حسناء: وش به صوتك مب عاجبني؟
فوز: لا ياامي مافيه شي ,بس تعبانه شوي
حسناء: متاكده !!!
فوز: كيف اخواتي وعيالهم واخواني؟
حسناء: لا تغيري الموضوع؟ الحمدلله كلهم طيبين ويسلمون عليك
فوز: الحمدلله
حسناء: زوجك مزعلك؟؟ ولا بس تعب جسدي؟؟
فوز: الشكوى لله يا امي , من يوم ما تزوج على وانا ما عرفت الا طعم الزعل غير التعب الجسدي
حسناء: يامي بناتك وعيالك محتاجين لك
وش يسون لا تركتيهم ؟؟
وعندهم زوجة اب ظالمه وماتخاف الله واب مسمى اب الحمدلله على كل حال
فوز: والله يا امي صعب تكوني الاب والام بنفس الوقت وهو محسوب عليك رجال؟؟
حسناء: اجل يصيرون ايتام لا اب ولا ام؟ لو تركتيهم؟؟
فوز: ياربي يسعد لي البنات لجل يكون لى تصرف اخر
وهايدي يا امي مدري وش فيها
بس تطيح علينا؟؟ ويغمى عليها وابوها ولاهو هنا!!
اظن بيوديها المستشفى لا ماتت
حسناء: لاحول ولاقوة الا بالله
قستم لها الضعط والسكر؟؟
فوز: من وين لنا يا امي ؟؟ من وين؟؟
حسناء: هاتي هايدي اكلمها
فوز: ماهي عندي وهي مغمى عليها والله اعطيها من الادويه الى عندي اتططب بها, قلبي ماهو معطيني اشوفها كذا واسكت
حسناء: الله يشافيها يا بنتي
فوز: آآمين ويصبرني على ما بلاني ويعجل بفرج من عنده يارب
من بيت الجده عيده (ام جابر)
حيا الله ولدي هاشم (عيده): كيفك وكيف الخفاره معك؟؟
هاشم : تمام يا جدتي
اخبارك يا جده ؟ من جاك ؟؟ وش العلوم؟؟
عيده: الحمدلله , ما عينت الا ابو حمد اخذ له فنجانين قهوه وتيسر على الجامعه الله يوفقه ويكفى شر الطريق يارب
تفضل تقهوى توه حاره وش زينها
هاشم: اكيد ياجده كود اصحى من النوم الى ذابحني
عيده: اي خل عنك السهر وتقوم مصحصح بدون قهوه
هاشم: اي سهر ياجده ؟؟؟
عيده: مدري عنك ؟؟ انت ابخص؟؟
هاشم: تدرين يا جده , امي تقولي تبي تخطب لي؟؟
عيده : على البركه يا وليدي
لكن اوصيك اوصيك واحلفك بالله ما تاخذ الا من قبيلتك وفخذك والله تراني ماني براضيه؟
هاشم ابتسم ابتسامة انتصار لانه هذا الى يبيه وجدته اكفته عناء التمهيد للموضوع بكلامها ذا: ياجده ما تبي بعد من بنات عمي؟؟؟
عيده:الا والله وهذي الساعه المباركه (لحمنا لنا)
(وسمننا بمكبتنا) بس من تبي؟
وش رايك ببنات عمك غلاب او غالب؟؟
هاشم: لا ياجدتي الله يسامحك ذولي اطفال مراهقات صغار علي؟؟
ماهو المفروض ما اتزوج بزر تهبلبي؟؟
عيده: والله المفروض تكون اصغر منك هذا المعروف؟؟
ولا ناوي تاخذ كبرك؟؟
هاشم: اي اهم شي عاقله ولا ابيها تدرس؟؟
مافيني ودني للكليه ودني للمدرسه؟
ابي اجي من دوامي وانتي تعرفين الخفارات
الاقي احد ببيتي اكلي زاهب وعيالي به احد حولهم ماهو الشغالات ولا عند امي ولا امها؟؟
عيده: على كلامك ذا يا ولدي ما بقى غير ندى وخلود وهايدي؟؟
هم المخلصات جامعه وجالسات بالبيت!!
هاشم: والله مدري ياجده
بس انتى وش ترشحين لى منهم
هاشم ابتسم ابتسامة نصر لانه ما توقع الموضوع بيمر بها السهوله وانه جدته تدعمه وتسهل عليه الموضوع كذا (خصوصا للفرق الاجتماعي والمادي الكبير الى بين عايلة غازي وجابر)
عيده: اجل ارشح لك خلود
هاشم عصب وتغيرت ملامح وجهه وزاد زجهه سواد على سمرته:قالها يا جده ييسرها الله ييسرها الله
عن أذنك يا جده دوامي ابتدا
انتهى البارت الثاني وانتظر ردودكم اكمل ولا لا؟؟؟
الظاهر لا!!!!!!!!!!!!!!!