متزوجة وانتي صغيره تعالي هوون

انا تزوجت وانا عمري 23 وبعدها تطلقت في السنه الثانيه لانه اكبر منى بالعمر 12 سنه

انا تزوجت وعمري20 وهو23انا طفوليه مره مااحاسب على تصرفاتي وماعندي سوالف بعض الحريم ويوم تزوجت احس ان الدنيا غير اللي كنت عايشتها وفي بيت اهلي ماكنت اسوي شي والحين صرت احس بالمسؤليه بعض الحيان اتمنى ارجع لايام العزوبيه
مع ان زوجي طيب معي ماشاالله بس انا احس اني ودعت حركات الطفوله احس نفسي صرت عجوز وعلى فكره ترى العمر مو دليل بعض الحيان بنت19 افهم من بنت29 هي على البنت نفسها
يع بعض الحيان اشوف بنات صغار ومسوبات انفسهن عجز انقهر ليه مايعيشن حياتهن
اه على ايام قبل انواع القافه

انا تزوجت على نهاية ال16 سنه صغيره مره وماعندي اي فكره عن الزواج الاان رجال يشاركني حياتي وكان قرار اهلي انسان موظف من عيله ومن الاقارب وماكان لي راي ولانه تربى يتيم وفاقد حنان الام وفاقد الشيئ لايعطيه ولانه تربى على يد ناس ماهي اهل للتربيه وبسبب صغر سنه حرمني من حنانه اكبر اخطائي دمعتي الي تنزل على اتفه سبب واكبر اخطائه انه ماعرف يتعامل معي والى الام بينا مشاكل رغم اني فهمته وفهمني لكن الماضي يفرض نفسه والتجارب الخطائه الى الان ندفع ثمنها لكن ورغم كل شي يبقى الرجال الي فتحت عيوني عليه ولايمكن ابدله
كن نصيحه لكم ياخوات لاتزوجون البنت قبل الواحد وعشرين لين تكون قد مسؤلية البيت والزوج وعندها القدره على مواجهة المواقف على فكره زواجي قتل طفولتي ورمراهقتي بالفعل ماحسيت بطعمها

انا تزوجت وعمري 19 زواجي من زوجي علاقة حب الحمدلله فاهمني وفاهمته بس بيني وبينه 10 سنوات ولانختلف باي شي بس بعض الاحيان احس اني ودي ارجع للمراهقه :ق1:
((ربي لاتذرني فردآ وانت خير الوارثين))

من فيكم يا بنات تزوجت وهي صغيره ؟
انا تزوجت وعمري 17
وأيش كان إنطباعها عن الزواج ؟ وأيش الي دفعها عشان تتزوج وهي صغيره ؟
الزواج في أوله حلو خاصة إذا كان الزوج حاب زوجته
اما اللي دفعني للزواج وانا صغيرة هو اهلي خصوصا اني مخطوبه له من زمان
وفرضا انتي عمرك 17 وزوجك 25 .. هل أثر هذا على معاملته لك ؟
اثر بشكل ايجابي
والأهم هل حسيتي انه جزأ من طفولتك ومراهقتك ظاع في الزواج ومسؤولياته
ولا الأمر عادي ؟
اكيد حسيت ان جزء كبير راح خاصة اني ماأكملت دراستي لاني حملت وانجبت بنتي
يعني طفلة واعتني بطفلة
الشئ المؤلم في الموضوع اني تطلقت منه غصب عني وعنه وانا واثقة انه مازال يحبني وانا بعد
لكن وش نقول غير حسبي الله ونعم الوكيل

اهم شي الاخلاق
انا تزوجت وعمري 19 وزوجي عمره 28
الي دفعني ارادة ربي النصيب جاء
يعني احس فيه اختلاف بين انك تاخذي واحد مابنكم الا شي بسيط وبين واحد اكبر منك بكثثير يعني احس جواي اشياء طفوليه ودي اسويها بس احس زوجي كبير عليهاي
بس الحمدلله اهم شي اننا متفاهمين وفيه اشياء تغطي على اشياء

شكرا كلكم للمشاركه ، بالفعل فارق السن يؤثر وحلو انه الوحده تعيش كل مرحله بوقتها
ولكن اكيد مع الصبر والتأقلم والتفاهم من كل الطرفين قدرتو تبنون حياه جيده
وحتى إن كانت انتهت نهاية مؤسفة اكيد الله بيعوض كل احد على قد نيته

انا فعلا ماتزوجت
بس الله يرزقني بزوج صالح يارب التقي والنقي
انا مايهمني العمر اهم شي العقل
لان نفكر بالعقل مو بالعمر
العمر ماتعنيلي اي شي
مدام نحب بعض ونتفاهم والله كل شي بينحل
تسلمي والله الموضوع روعه والاروع صاحبه الموضوع
وربي استفدت منكم الله يخليكم يارب

أنا تزوجت وعمري 18 وزوجي 24
بالعكس مااحس ان على قولتلك مراهقتي ضاعت<<مرجوجه الاخت
بس مسؤليه بمعنى الكلمه خصوصي انه عندي بنوته <<صارت عليها تجارب الدنيا
الي دفعني للزواج النصيب
و بس