متفآئلآت الحلم

1. الشروط :

حكم ترديد آيات او قراءة سوره معينه لحصول امر معين
بسم الله الرحمن الرحيم
السلآم عليكم ورحمة الله وبركاته
عن أبي هريرة -رضي الله عنه- قال: قال النبي -صلى الله عليه وسلم- يقول الله تعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ، ذكرته في
ملأ خير منهم، وإن تقرب إليّ بشبر تقربت إليه ذراعًا، وإن تقرّب إليّ ذراعًا تقربت إليه باعًا، وإن أتاني يمشي أتيته هرولة
من باب حسن الظن ب الله تعالى و الإقبال عليه ب الطاعات
نبدأ تجمعنا إن شاء الله ( تجمع المتفائلآت ب الله خير )
ونحن مؤمنات بأن ما كتبه الله لنا خير و ماصرفه عنا شر هو اعلم به
ف لله الحمد والمنه . اللهم لك الحمد والشكر كما ينبغي لجلال وجهك وعظيم سلطانك
عندنا يقين كبير بأن الله يخبأ لنا قَدر كبير وفرحه عظيمه تشمل جميع امنياتنا
فقدرة ربي و بدعائنا و استغفارنا وصبرنا وتفائلنا سنحقق احلامنا قريبا بإذن الله
مدة التجمع :
شهرين بإذن الله .. ( 60 يوما )
إذا ربي كتب لنا فيها حياة ..
من : 27 / 5 / 1432 هجري - 1 / 5 / 2011 م
الى : 27 / 7 / 1432ه - 29 / 6 /2011 م
برنامجنا :
البرنامج راح يكون شوي مضغوط وشديد .. حبابياتي خلونا نأدب انفسنا ونحبب لها الطاعات بدون تكاسل او تهاون
مافيه اي شغال في الدنيا يشغلك عن صلآه او قرآن . اذا ماعندك وقت خذي من وقت نومك وراحتك .. لا تتهاوني ابد
وهذا مايعني انك تضغطي على نفسك للهلاك . الدين يُسر مو عُسر .. بسم الله :

• ختم القرآن الكريم خلال شهرين ( قرآءة كل يوم 5 صفحات )
• حفظ القرآن الكريم ( كل وحده تختار السوره اللي ودها تحفظها وتحفظ - ممنوع التهاون والتكاسل - انا ما حددت سوره عشان ما اشق على احد - وكل وحده تعلمنا وش بتحفظ )
• صلآة الليل + الوتر + الدعاء لك ولبنات قروبك ( مهم ولا يحق لك التهاون فيه او التكاسل عنه ، كيف تقدرين تنامين وتغمضي وربك الرحيم في السماء الدنيا يناديك )
• صلاة الضحى
• الاستغفار و اذكار الصباح والمساء و الصلاة ع النبي
• صيام 3 ايام من كل شهر ( الأيام البيض )
• العنايه ب الجسم والشعر و الرياضه ( هذ لك الخياره فيه . اهم شيء لا تهملين نفسك انتي عروس )
• راح يكون فيه مواضيع وبرامج تفاعلي معها ( الله يسعدك لا تخاليني اطارد ردك واقول ليه مارديتي على الموضوع ، تجمعنا عشان الفائده )
• كل يومين ان شاء الله راح انزل موضوع . يعني بيكون عندنا إن شاء الله ( 30 موضوع ) ..

الشروط :

• ابي اول شيء تكتبينه كل يوم هو : تكتبين لنا برنامجك يعني وش سويتي اليوم وش قريتي وش حفظتي و كيف العنايه .
• ردي على الردود السابقه للجميع و تفاعلي لا تخلي نفسك كأنك عابر سبيل في المجموعه . حسي بردودهم وخليهم يحسون بردودك . ردي بنفس واستمتعي وانتي تردين .
• سولفي فضفضي صيحي احكي اللي داخلك بس ( بتفائل ) ما ابي اي ردود تشائم في التجمع ابد ابد ، اسمحي لي اقولك اذا حابه تتشائمين

افتحي موضوع جديد واكتبي اللي نفسك فيه .. ابي التجمع ينور تفائل . يمكن انتي ما تحسيت ب التفائل داخلك بس اكتبي بتفائل حروفك راح تنعكس على نفسيتك وعلى غيرك من العرايس .

• عندك موضوع ودك تطرحينه عطيني خبر و انا احدد لك يوم عشان مايكون فيه تظارب في المواضيع
• حابه تنزلين فائده قريتيها نزليها بس بأختصار لا تسوين نسخ ولصق للموضوع .. خلي ردودك مختصره وقيمه وتشجع ان العضوات يقرونا
• اسمحو لي ي حبيباتي اقول لكم ( لا تكبرون الخطوط ) خلي تكبير الخطوط للمواضيع المهمه و ردود الملاحظات ..
• اللي راح تتبابع الردود هي اللي راح تعرف اخبار البنات وكل جديد في التجمع . لا تجين وتكتبين ( وش جديدكم و اخباركم ) لو قرأتي الردود ما احتجتي تسألين ..
• حبيباتي اي تجمع بدون نظام لا يمكن يكون سليم ولا راح تطلعون منه ب نتيجه .. عشان كذا لابد من الاتلزام ب الكلام اللي مكتوب ..
• عندك اقتراحات شيء قوليه نرحب فيه .
• ابتعدي عن الاقتباسات الطويله ..
• ايام الدوره لا تهملين نفسك ولا تتكاسلين عن العباده . ادري يحبيباتي تعب ونفسيه نازله ولكن هذا مايعني اننا نستغني عن الاستغفار والدعاء وقرآءة القرآن .. وربك رحمن رحيم ..
• بإذن الله راح اتابع المجموعتين لو انكم 2000 برد عليكم إن شاء الله ..
• ردودك ع المواضيع لا تكون مختصره كلمه والا كلمتين لآآآ .. ابي تتكلمين بضمير عن الموضوع وتعلمنا وش استفدتي ولو عندك إضافه حطيها ..

اي احد في خاطره شيء يحي يقول لي و يحاسبني
لا تأجلين حسابك معي ليوم الحساب انا ما اقوى ذآآك اليوم الله يرحمنا برحمته
اللي في خاطرها شيء او غلطت عليها من غير قصد او اي شيء
تقوله لي في الدنيا قبل الاخره ..
سبحانك اللهم استغفرك واتوب إليك ..
+ اعمارهم
محتاجه حبك - 19
ليتك قربي - 20
alamal alkbeer - 21
روحي لك - 21
فديت من أغليت - 21
لهفة حنين~ - 22
ياليتني مت - 22
ورده حساويه - 22
يقيني بالله كبير - 23
وهج بوظبي - 23بسمة حياتي - 23
نوره1167 - 23
أنثي مجروحه - 23
wareef86 - 24
وردتين وسحابة مطر - 24
الجليد الساخن - 24
جروح متناثرة - 24
حياتي حلم جميل - 24
كلي أمل بالرحمان - 24
وفاء أنثى - 24بسه فوشيه - 24
خوخة الغامدي - 24
شعاركم يَ عرآيس :
حبيباتي انا ما اقدر احفظكم كلكم انا سجلت اللي قالو ( تسجيل + حطو اعمارهم )
العروسه اللي ما تحصل اسمها واللي اعذرو عن التجمع لظروفهم وحابين يستمرون
في المجموعتين تقول لي : ابي أسجل و تكتب لي ( كم عمرها )
وانا بعلمها اي مجموعه تروح .. إن شاء الله
مجموعة الحُلم / من عمر 20 سنه إلى 24 سنه .. او اقل يعني في اعمار الطعش خ
مجموعة الأمل / من عمر 25 سنه إلى مآآلآ نهايه ...