محتاجة مساعدتكم اخواتي اللي في مكة

نسيت مااقولكم في وحده تجيب فساتين سهرات و زواج من بره وتبيعها بسعر مناسب اسمها ام سلطان في جدة اللي تبغى رقمها ترسلي ع الخاص
بس انا مالقيت مقاسي عندها بس في عندها موديلات حلوه بس بصراحة يبغلها زيادة فصوص او ترتر عشان يصير منظرها فخم بس عموما حلوة
والله يوفق الجميع

بالنسبة للكوفيرة مشغل لاجلك بالعوالي خطير

اهلا اختي
الله يوقفك ويسعدك
-----------
يا حبيبتي انتي من جدة اصلا وبدك تسوي كل شي من مكة؟؟
اصلا كثير من اهل مكة واللي افراحهم في مكة يروحوا لكوفيرات في جدة
فأنصحك تسوي في جدة.
ولكن ان ما زلتي مصرة على مكة
شفت قبل يومين عروسة ناعمة مرة وعجبتني وطلعت مسوية عند سهارى اللي في الخالدية
بس برضك سوي برووفة وشوفي شغلهم.
وشوفي فيه مواضيع كثير عن كوفيرات مكة والبنات قالوا فيها آرائهم.
---
بالنسبة للقاعات , هذا موضوع
http://alfrasha.maktoob.com/alfrasha20/thread787800/
دردشة مكاوية ويفيدك في موضوع القاعات
واحسن لك تشوفي القاعات بنفسك لان اللي يعجب غيرك مو شرط يعجبك..
كنت اتمنى اني افيدك اكثر من كدا
الله يوفقك

حبيبتي الكوافيره أنصحك بعهود سنتر في الخالدية أختي سوت عندها في زواجها روعه شغلهم بس الله يعينك على اخلاقهم

بالنسبة للكوفيرات احلى شي عجبني ملاك روعة شغلهم راقي والمكياج ناعم جدا
بالنسبة للقاعات عندك الاماكن روعة بالشرائع وقاعة فرحتي بالعمرة جونان
ام ايش بعد الطقاقات عندك فرقة بدر البدور حلوين بعد
بس طقاقات جدة احلى بكتير عندك مدى الهاجري صراحة شي خيال على قولتهم (( حتى الكراسي ترقص معاها )) عندك سندريلا بس غالية حبتين
الفساتين عندك بسوق الضيافة والحجاز
اذاكان تبغي مصممة بس اتوقع انها فل عندك فاطمة فطاني روعة
عندك كمان سوق البياري فيه فساتين سهرات وعرايس
هذا اللي يحضرني الحين
بالتوفيق &&&&&&
قلبو** ********

مشكورين وربي يفرح قلوبكم ياعزيزاتي
ربي يبارك لي فيكم ويجزاكم خير
وبالنسبة للمطربة مدى الهاجري ممكن ترسل لي رقمها بدون امر
وتحياتي لكم

عندي فستان تصميم لبناني راائع مكلف 13 الف...
للبيع 3500 قابل للتفاوض والله لبسة وحدة بس جديد...
انا في جدة لو حابة الصور ارسليلي على الخاص..
الفستان مرة ناعم والطرحة نااعمة....
انتظر ردك

أختي شوفي توقيعي..
ان شاء الله اقدر افيدك..

لوتبين قاعة جيدة فى مكه ماربيا ومطربةدقها حلو وسهرتهاخيال ساندريلا وحنا جرباها جنان وسعرهاحلووكوافير بجدة افضل عند الشيخة