محتاجه مساعدتكم تكفون الله يسعد الي تساعدني

ياقلبي كل خميس حددي مكان تطلعون له
وانتي عطيه خبر يوم لي ويوم لااصحابك
والله يوفقك

طيب مو احتمال تكونين انتي مو محببته بالطلعه معاج؟
لما تطلعون تسولفين وتضحكين وتبينين له انج مبسوطه معاه ولا عادي؟؟
اذا كنتي كذا من حقج تعترضين على طريقته واسئليه بطريقه حلوه
يعني مثلآ قوليله حنا لما نطلع مع بعض تكون مبسوط معاي ؟ طيب ليه ماتطلعني دايم او عالاقل نطول شوي بالطلعه
ليه ترجعني بسرعه ؟ ليه مع ربعك تطلع وتطول وانا لا
عادي خليج صريحه وشوفي ردوده
يمكن هو مو ماخذ باله من هالشي او ماتعود يطلع مع حرمه ويجلس ويسولف
وعلى قولتج انتوا توكم متزوجين يمكن هو ماتعود عليج لسه ، يمكن بيئته الي كان عايش فيها ببيت اهله كونت هالشخصيه عنده
يمكن ماكان يجلس مع اخواته وامه وعماته وخالاته يسولف ويضحك ترى هالشي ماتتصورين شكثر يعطي الرجال خبره بالحريم ولما يتزوج يعرف
يتعامل مع زوجته لانه متعامل مع حريم كثير بحياته
شغله أخيره او احتمال أخير يمكن هو متعلق كثير بربعه من ناحية سوالف مشتركه ميول مشتركه اسرار مشتركه
مااظن وصلها معاج بالوقت الحالي علشان كذا يفضل جلست ربعه على جلسته معاج
وانتبهي ترا مو معناته انه يكرهج او مو مرتاح معاج هي مسئلة وقت ان شالله الامور تتغير بالمستقبل القريب
بس مثل ماقلتلج كل شي عليج انتي اسئليه وكوني صريحه معاه لاتستحين وتخبين شي بخاطرج
والله يسهل الامور

*عيون كحال*
بالعكس لما اطلع اسولف واضحك معاه وكلمته وصارحته بس مافي فايده وبالعكس هو يجلس مع خواته واهله كثيرويسولف ويضحك معاهم الله يهديه يارب

سوسن الروح
مشكوره ياقلبي الله يعطيك العافيه

اغلب مشاكلنا مع ازواجنا الخروج
انا لمن اتكلمت مع زوجي قلي لازم احس بالحرية واخرج
سرت اخليه بس حطينا رولز
انو مرة في الاسبوع او مرتين بالكثير
وسار لمن يخرج احنا نجتمع حريم اصحابه
عشان ننبسط كمان

ام
طيب تبقى النقطه الاخيره الي هي
لسه ماتعود في احداث وسوالف مشتركه بينكم
يعني مع ربعه اكيد متعود وفيه اسرار وسواليف وذكريات
نفس الشي مع اهله واخواته
بس انتي لسه وهذا شي طبيعي جدآ لاتخافين
حاولي انتي بيوم او بطلعه تعطينه سر من اسرارج بس مايكون سر حقيقي او مره خاص
لا تقدرين تقولين سالفه جديده عليه اعطيج مثال
يعني مثلآ قوليله كلمت امي اليوم وصوتها ماعجبني بيقولج ليه قوليله مادري سئلتها بس امي هذا طبعها
ماتفضفض ( معلومه جديده عليه) بس انا احس فيها اكيد اخوي مضايقها( معلومه ثانيه جديده ) الله يهديه فلان كم مره
تقوله امي اذا بتتاخر كلمني طمني عليك وهو من يروح لربعه ينسى نفسه و
يعني مثل هالسوالف العاديه الي تعطيه احساس انه دخل بحياتج وحياة اهلج وعرف شي عنكم بدون مايكون هالشي يمس اخلاقكم او سمعتكم لاسمح الله
مع انه لو تدققين بالسالفه هي عاديه جدآ وتحصل بكل بيت بس بيوصله شعور
مثل لما يجي يقولج مثلآ انه صارت هوشه ببيتهم بين امه واخته وقالج وش صار بالتفصيل ( شفتي شلون الشعور) تحسين انج مو غريبه عنه وعن اهله
هذا هو قصدي بالضبط
كلميه عن ذكرياتج وطفولتج بالمدرسه وخليه هو يتكلم
اذا انتي من النوع الي ممكن تسئلينه اذا بفترة مراهقته كان معجب بفنانه معينه او اي شخصيه مشهوره
وانتي بعد اعترفي له لو كنتي معجبه بشخصيه معينه اذا هو تحسينه ممكن يتقبل مو يسوي لج قضيه على شي راح وانتهى
يعني مثل هالسواليف والذكريات تقربكم من بعض وتخلي بينكم سوالف واسرار حلوه

الله يوفقك ويسخر قلبه لك

عادي ياقلبي
الله يوفقك

حتى انا زوجي احيانا يقهرني الله يفرج عمك