محتاجه مشورتكم في مشكلتي مع زوجي التي اتعيتنا

1. السلام عليكم ورحمة الله وبركاته

السلام عليكم ورحمة الله وبركاته

عزيزاتي الفراشات مالي غيركم بعد الله ...ارجو اعطائي رايكم ومشورتكم في امر حيرني مع زوجي
السالفه وما فيها هناك اختلاف في تنظيم الوقت بيني وبين زوجي وهذا اتعبني كثيرا فزوجي ينام في اوقات اكون مستيقظه فيها ويستيقظ في اوقات تقارب موعد نومي وانا احاول التوفيق ولكن تعبت وبدا هو يتذمر وعشان اوضح الصوره اكثر...
انا موظفة وعملي من الساعة السابعة حتى الساعة الواحده ..وهو موظف وعمله من الساعة العاشره حتى الساعة الرابعة واحيانا تزيد او تنقص حسب ضغط العمل...المهم انا اجي وانام على طول الى قرب موعد وصوله وطبعا يكون الغداء شبه جاهز يتغدى وينام الى اذان المغرب اصحيه واكون مجهزه القهوة علشان نجلس جلسه عائلية لانه بعد كذا يفتح النت ويجلس عليه الى ما شاء الله يعني بدون تحديد اذا عنده مشوار طلع ورجع كمل على النت احيانا للفجر بس مع زعلي الشديد صار يجلس للساعة 2 ويدخل ينام انا احتاج انام بدري عشان عملي لكن مع نظامه هذا اضظر اسهر معاه حتى ينام واحيانا انام بالصاله حتى يدخل ينام تناقشنا كثير في موضوع السهر عالنت يقولي انا دوامي متاخر ليه انام بدري وليه تبغيني على كيفك انام معاك واصحى معاك ..المهم اللي عمل المشكله الاخيرة انه دائما لما يسهرللفجر او يروح الدوام شبه مواصل الاقيه ينام في العصر واصحيه للمغرب يصلي ويرجع ينام ال العشاء واجلس اصحيه ميصحى احيانا اجلس من بعد العشاء لعشره وانا اصحيه اقوله قوم وكمل بعدين يقولي تعبان رحت الدوام مواصل اجلس استناه ما اشرب القهوه حتى يصحى مع انها جاهزه من بعد المغرب وضغطي يرتفع ليه ما يعتبرالنومه هذي فترة راحه ويكمل في باقي الليل معايه تعبت بصراحة وهو ما صار يتحمل كلامي انه انبغى نجلس مع بعض وانه اغلب وقتك نت وانا احب الجلسة العائلية وانا في ديرة بعيده عن اهلي بس هو عادي عنده ما يهمه انه يجلس معايه المهم اخر مره كان عندنا مشوار وهو يعمل النومة هذي مره بالاسبوع وجلست احيه صحي متاخر وتقهوينا بسرعةالساعة 9ونص علشان مرة تاخرنا على مشوارنا والمحل الي نبغاه يقفل عشره المهم اني ولاول مرة اكلمه بعصبية انه تاخرنا والمفروض لما ورانا شي مهم نصحى ومن هالكلام هو طنش ومارد وجلنا زعلانين يوم قلت يالله ابدار واصالحه لكن تفاجئت لما جيت باتكلم معاه انه على غير العاده كانه ما يبغاني اصالحه ويرد بعصبيه ويقولي انتي تبغيني على كيفك انام واصحى على كيفك واذا ماصار تزعلين قلت له احنا نبغى ننظم وقتنا ما حب الفوضى انا اعتبر النوم كسر للتعب وراحه للجسم يعني فترة بسيطه والباقي في الليل مو اجلس انام حتى اشبع نوم على كذا ماراح تشوفني لانه ماراح تصحى الا وانا داخله انام ما يصير قال لي كان شربتي قهوتك ليه تستنيني قلت له طيب حتى انت لما تجي من دوامك لاتصحيني للغدا تغدى لحالك كنت دايما اصحى من نومي علشانك ما افكر في نفسي وبس انا احسب حساب للطر ف الثاني قال لي الغدا وجبة اساسية قلت له وانا اعتبر القهوة اهم لانها جلسه عائليه ولا تبغاني الغيها قال لي احسن قلت الجلسه العائليه ما هي عندك في القائمة ..قال لي طيب انا اوريك الجلسه العائلية اغلب الحيان اعتذر عن الطلعة مع اصحابي وجالس عندك في البيت قلت له انت مانت معايه صحيح جالس لكنك عالنت وعصب عليه ورافع صوته عالاخر انه مايمديه يدخل نت وانه حتى انا ادخل نت...لما شفته معصب سكت وقلت في نفسي خلاص بكيفه ما راح اسال فيه بعد اليوم ينام متى ماينام ويصحى متى مايصحى مولازوم نجلس مع بعض مولازم اشوفه مولازم احس اني متزوجه الله يعينني اتحمل الم هذا الشي وهو الشعور بالوحده واحن الحين لنا اربعة ايام ما نكلم بعض مادري اش فيه طول والمفروض يعتذر لي هوه لاني بادرت وقهرني .. بالرغم من انه لما نكون متصالحين نكون مبسوطين بس الفترة الاخيرة كثرت خصاماتنا
بالله دلوني كيف اتصرف معاه وهل انا مخطئة ولا معي حق ...