محتاجه نصيحه ودعم

السلام عليكم
بصراحه اسلوبكم واخلاقكم ومبدأ الاخوه اللي اشوفه بينكم من خلال ردودكم
شجعتني اطرح .. مدري وش اسميها مشكله او ضيقه او معاناه ..
انا بنت وصلت 32 سنه وللحين ما تقدم لي احد .. لما كنت بالعشرين تقدم لي
كم شخص ورفضتهم .. انا الى الان راضيه ومؤمنه بأن كل شي قسمه ونصيب
وان ربي للحين ما كتب لي الزواج .. بس كثرت اسألت الناس خصوصا ان الحمدلله
من عايله ومستوى تعليمي والحمدلله جميله .. اتضايق من نظرات الناس لي وسؤلهم
ما تزوجتي .. والمصيبه ان تجي وحده والله يابنات مو انتقاص لقدرها لا والله بس اسلوبها
قهرني هي اقل من من ناحية الجمال ومن ناحية التعليم بفارق كبير وزواجها الكل عارف
ان كان مدبر من خالها .. كل ما شافتني يوه يافلانه للحين ما تزوجتي .. ولو صادفت
امي تسألها بشري ياخاله عسى بنت تزوجت من جد كرهت عيشتي ..
صرت اخاف من الزواج وطاريه وحده من صديقاتي قالت لي عن شخصين يبون الزواج وربي
ما فرحت بالعكس توترت وخفت .. ورفضت على طول ..
ادعولي يا اخوات ان ربي يهديني وييسر لي امري ويكفيني شر من ارد بي شر
ام وحابه استشيركم .. حاليا صديقتي عارضه علي اتزوج اخوها
هو من قبيله ثانيه .. عمره 40 سنه وللحين ما تزوج ابد وساكن بنفس المنطقه
وهادي ومحافظ على صلاته وماله علاقات كثيره بالناس .. انا نفسيا مرتاحه له سبحان الله
لكن اخاف اتعشم واتأمل ويرفضون اهلي .. اوافق واخليهم يتقدمون او ارفض ؟
شورو علي
سوري طولت هذره عليكم .. اسمحو لي مكبوته وابي افضفض