أنا محتاجه لكم وايد

حبيبتي هالفتره هي فتره تعارف يعني :
1- لازم تكلمينه عن نفسج و عن حياتج و دراستج و صديقاتج و تصرفاتج ...الخ .
2- الاشياء اللي تحبينها .. الاماكن اللي تحبينها .. شلون تقضين يومج .. عن طموحج و امالج .
3- لازم تخبرينيه ليش اخترتيه و على اي اساس و الاشياء الحلوة اللي عجبتج فيه .. و تسألينه عن حياته
دراسته و كل شيء يتعلق به و عن اخلاقه و التزامه و اصدقائه و اهله .
4- لازم تتفقون شلون حياتكم بتصير بعدين .. يعني وين بتعيشون و كم ولد تبون .. و اذا انتى تدرسين يمكن تبين
تكملين دراستج من الحين حددي و حتى عن حفله الزواج او الخطوبه اتفقوا من الحين وين بتسونها و مقدار
المصاريف و الفستان كم بكلف .
5- لالالالالالالالالازم تخبرينيه بالاشياء اللي تعودي عليها و ما ممكن تتركينها .. والله هالشيء مهم وايد ، اعرف
صديقات وايد ما يتفقون على هالشيء و يصير بينهم مشاكل .. مثلا اذا انتى متعوده تروحين مجمعات مع
صديقاتج قولي له .. اذا تحبين تسهرين و تشاهدين افلام .. اذا تزورين صديقاتج .. عشان مو بعدين يمعنج
لازم تتفقون من الحين .
بس عاد دائما كلميه بلطف و ادب و خليه يحس انج اهم انسانه عنده ..
و الله يهنيكم

نموله كلامها صحيح ولا تحاتين اول مكالمة لانها بتكون عاده قصيره وكلها سلامات وتحيات عشان تتعودون على صوت بعض وبعدين شوي شوي بتتكلمون في كل اللي قالته نموله
تمنياتي لك بحياة زوجية سعيده

ذكرتيني بأول مكالمة لي مع خطيبي، وايد كانت غريبة. كنت ساكتة و هو يتكلم... بس من أحلى الذكريات و دايما نذكرها باتفصيل و نضحك.... و كلام نمولة صح... و لا تحاتين ، أكثر الوقت اهو بيسأل و انتي تجاوبين....

اختي خطيبك مازال رجل اجنبي عنك ما دام ما كتبتو العقد وانا سمعت فتوى بان الكلام هذا محرم لاه يعتبر كلام مع اجنبي
هذا والله اعلم