محتارة مره شوروا علي وانصحوني

بقاايا فرح

09-10-2022 - 10:27 pm

السلام عليكم ورحمة الله وبركاته ...صباح الخير ياأحلى فراشات
بنات أنا مره محتاره تقدم لي شاب أعزب بس مواصفاته ماأعجبتني أبد أبد وأنا موب صغيرة عمري 28وفرصي في الزواج من أعزب قليلة نوعا ما أخاف أرفضه وأندم وصعبه أوافق وأنا مااقتنعت فيه هو مدخن وتعرفون مشاكل التدخين وغير كذا ساكن في قرية بعيده شوي وصغيره مره يعني باختصار ماأعجبني فيه إلا أنه أعزب بس
وعلى فكرة هو مابعد تقدم بشكل رسمي إلى الآن
كل وحده تدخل تحط نفسها مكاني وتشور علي
لاتتأخرون علي أنتظركم مافيه وقت لازم أرد بأسرع وقت
الله يكتب لي ولكم اللي فيه الخير

التعليقات (9)

عاشقه بوشي

10-10-2022 - 12:57 am

شوفي حبيبتي اذا انه يدخن مشكله بسيطه لانه اعرف بنات خلوا رجالهم يسيبوا الدخان
لكن لو فيه مواصفات ماتعجبك في اخلاقه ودينه ارفضيه ويجيك احسن منه لكن التدخين امره سهل وانتي لو ربي كتب لكي نصيب معاه امنعيه انه يدخن عندك وشوي شوي لما تزوجي تقدري تمنعيه انه يدخن في البيت وان شاء الله مو ادمان
وبعدين حبيبتي انه منتي كبيره لهدرجه بنات اكبر منك ينخطيبوا الله يسهلك يارب ويختار لك الافضل استغفري الله كثير علشان ربي يسهلك امرك

بقاايا فرح

10-10-2022 - 01:58 am

عاشقه بوشي
أنا تعقدت من الدخان أشوف اللي حولنا مدخنين عصبيين وغير كذا جتهم أمراض أحس إني تعقدت من الدخان مره وبالنسبه لدينه وأخلاقه لسى ماسألنا عنه ماتقدم رسميا وغير كذا ساكن في قرية وماكمل دراسته مرره محتاره
ومشكورة على ردك الله يجزاك خير ولايحرمك الأجر ويقومك بالسلامة يارب

شمس وو قمر

10-10-2022 - 02:59 am

شوفي حبيبتي ازا عالتدخين انا ما أشوفه مشكلة
لانه أغلب الشباب بيدخنو
و انتي بشطارتك تخليه يبعد عنه
و الأهم من هاد دينه و أخلاقه و التزامه و صلاته
و ما قلتيلنا كم عمره؟!
انا رأيي تستخيري أولا و أخيراً
و توافقي موافقة مبدأية
و تسألو عنه منيح
عن دينه و التزامه و اخلاقه و تعامله مع الناس
و بعدين على هذا الأساس تقدري تقرري
و مش غلط لو تشوفيه ازا طلعت اخلاقه منيحة
و بعدين بتقرري
الله يكتبلك اللي فيه الخير

توفي المنتوفي

10-10-2022 - 04:00 am

*
~ | | | وعليكم السلام ورحمة الله وبركآته | | | ~
فكري بعقل ومنطق وقبل كل شي آستخيري ..
إنتِ قلتيها بنفسك فرصك للزوآج قليلة
خذي وقتك بالتفكير ..
وأهم شي بالرجل أخلاقه ودينه ،،
التدخين مو عيب .. وتقدري إنتِ تغيري هالشي بعد الزوآج ..
السكن في قرية برضو ماشوف فيها شي .. كثير ناس تغربو بعد الزوآج وغيرو مناطقهم ..
أما ع الدرآسة .. إذا كان عنده وظيفه دخلها المادي كوويس .. ف برضو ماتصير مشكله
الحيآة أكبر مدرسة ..
فكري كوويس .. و حطي في بالك إيجابياته وسلبياته ومين الأكثر ...
وآستخيري ربك ..
والله يوفقك ويكتب لك الخير .. ...

بقاايا فرح

10-10-2022 - 05:01 am

شمس وو قمر
مشكورة قلبي على الرد
عمره 29 قريب من عمري مره
ومثل ماقلت لكم لسى ماسألنا عنه لأنه ماتقدم رسمي

بقاايا فرح

10-10-2022 - 06:02 am

توفي المنتوفي
~ | | | وعليكم السلام ورحمة الله وبركآته | | | ~
فكري بعقل ومنطق وقبل كل شي آستخيري ..
إنتِ قلتيها بنفسك فرصك للزوآج قليلة
خذي وقتك بالتفكير ..
وأهم شي بالرجل أخلاقه ودينه ،،
التدخين مو عيب .. وتقدري إنتِ تغيري هالشي بعد الزوآج ..
السكن في قرية برضو ماشوف فيها شي .. كثير ناس تغربو بعد الزوآج وغيرو مناطقهم ..
أما ع الدرآسة .. إذا كان عنده وظيفه دخلها المادي كوويس .. ف برضو ماتصير مشكله
الحيآة أكبر مدرسة ..
فكري كوويس .. و حطي في بالك إيجابياته وسلبياته ومين الأكثر ...
وآستخيري ربك ..
والله يوفقك ويكتب لك الخير .. ...
مشكورة قلبي على ردك
أنا مشكلتي أكره الدخان والمدخنين مره وكنت مره خايفه أتزوج مدخن والقريه صعبه بعد وهو موظف وظيفه تمشي الحال
فكرت كثير وللحين محتاره ماني قادره أقرر
أنا بستخير كثير والله يختار لي الخير يارب

غيــــوض..

10-10-2022 - 07:03 am

ام
شوفي انا ماخذه مدخن... واذا بغى يدخن يطلع برى واذا كنا في السياره يوقف وينزل اغنا شارطه مايدخن عندي
وجالسه احاول اقنع فيه وان شاءالله يتشافى منه
شوفي اذا على التدخين لاتحطيه مشكله جمعيات التدخين عندهم علاج بجهاز لمدة 6 ايام يسحب النيكوتين من الجسم وفيه حبوب تستخدم اتوقع شهر
بالتدريج يكر الدخان
هذا شئ
بالنسبه للقريه احس كمان مو مشكله بتجلسين انتي وياه بلحالكم
وخوذيها من هالناحيه اغلب اللي مغتربات داخليا او خارجيا ركزي قلت اغلبهم متفقين ان الغربه تقرب
بين الزوجين وتخلي كل واحد يهتم ويعتمد على الثاني
ومع الوقت بيجيه نقل من القريه
كمان التعليم اذا تفكيره كويس مو مشكله زوجي ماكمل تعليمه عكسي
والحمدالله اموره تمام واول ماتستقر اموره الوظيفيه بيكمل دراسته
يعني انا اشوف الاسباب ماتمنع انك ت فضي
بعزيمتك بيترك الدخان وبعزيمتك بيكمل دراسته وبالتالي تتحسن الامور الماديه
انتي بس كل اللي عليك تتعوذين من ابليس وتقومين الساعه
2 او 3او4 وتستخيرين وتطلبين الله التوفيق
بالنهايه ماراح يفيدك غير الاستخاره وربنا جل في علاه
والله يوفقك ويكتب لك اللي فيه الخير

الجنةحلمي

10-10-2022 - 08:04 am

انتظري لحد مايتقدمون رسمي ياقلبي
واذا تقدموا استخيري واستشيري واهم شيء تسالون عنه
مو كل مدخن سيء باخلاقه بعضهم ابتلوا بهالداء ويتمنون يتركونه >> ويمكن تقدرين تغيرينه
اذا دينه واخلاقه ماعليها غبار توكلي على الله
والله يوفقك يارب لما يحب ويرضى اللهم امين

أملي نسيان ألمي

10-10-2022 - 09:05 am

شوفي عزيزتي اهم شي تستخيرين وترتاحين اذا حسيتي مافيه راحه ارفضي وربي بيفرجها
واذا عيوبه الدخان ترا زوج اختي كان يدخن وتركه الحمدلله
والسكن بالنسبه للقريه اذا حبيتيه بتحبين اي مكان بيعيش فيه
لكن اهم شي اخلاقه وصلاته اسألوا عنها زين وليش تقولين 28 فرص الزواج من اعزب قليله بالله هذا كلام خلي ثقتك بالله كبيره وربي بيعطيك على حسب ظنك به
الله يوفقك

اجاني 5 عرسان والسبب←
ايهم افضل العنوسه او الطلاق→