محتاره واتأثر مستواي بسبب الزواج

ماقدّر أقولك لا تفكري و تشغلي بالك بالموضوع دا بالذات
لأنه صار موضوع شاغل تفكير بنات أصغر منك كمان
ومو عيب ولا حرام
عشان كل وحده في الدنيا تتمني الستر والاستقرار وتكّوين أسره
بس كمان مو من العدل يكون هاجس يأثر علي نفسيتك ودراستك
وكل شئ في حياتك
اللي بأعترض عليه .. تحديد وقت معين لخطبتك او زواجك !!
اكبر غلط بتدمري فيه نفسيتك
انتي ماتعرفي الي ربي كاتبه لكي هاتشوفيه متي ؟ وفين ؟ وكيف ..
لو لا قدر الله مانخطبتي نهاية الترم ..وانتي متآمله وتصلي وتدعي من قلبك
وماصار شئ ..أكيد راح تكون حالتك حاله ..لاقدر الله
وزي مابيصير في الكل
تدعي تدعي تدعي وبعدين تيأسي من رحمة ربي وتبدأي تمّلي من صلاتك ودعائك ...
علشان كدا حبيبتي أنصحك تدعي وتصلي وتستغفري
موعلشان حاجه معينه اوقت معين تحصل فيه
وبعد كدا أتحققت او ماتحققت لاقدر الله اترك كل شئ ويدّخل الشيطان اليأس لقلبك
لا .. انتي بتساوي كدا علشان ربنا يرضي عليكي في الدنيا والاخره
ويرزقك بكل اللي تتمنيه في الوقت الي كاتبه لكي ويكون بالخير والسعاده
وأنصحك لا تقارني نفسك بأحد أبدآ .. وتقولي هادي اتخطبت أصغر مني وهادي اتزوجت من بدري !!
راح تدخلي في دوامه ماهتخرجي منها
اول ماتنخطب وحده من صحباتك او قريباتك علي طول فكري ان زي ماجاها راح يجيكي الاحسن بأذن الله
وخليها فبالك حافز انك تعدلي من نفسك أكتر وأكتر ..
كل مايجي فكرة الزواج ببالك طيران تعدلي بنفسك بشئ مو عاجبك
لا تقولي ابغي انحف وانتي قاعده !!!
حطي هدف قدامك وتفائلي بالخير علشان توصلي له بأذن الله ..
علشان تكوني واثقه قدام نفسك وقدام الناس
أدخلي النادي وأهتمي بشعرك وجسمك ودراستك
ولا تنسي أولهم صلاتك ودعائك لله ..
والله يرزقك ويرزق بنات أمة محمد بالزوج الصالح والذريه الصالحه عاجل غير اجل يارب

الله يسعددك
انا بدات اعمل دايت دحين وان شالله انحف ع خير وصحه

كلنا في بدايه ال 20 جانا هل الهووس بعدين تتاكدين ان سلاحك الاول دراستك ...
وتنسين التفكبر بالزواج

علي ايش مستعجله على الهم والكرف الله يكتب لها الخير ويسهل لها الزواج

موفقةة يارب