محناجه أرائكم بدون مجامله

1. وهو يشرح لها ان الولد مايستخدمه وليش الحسد والولد اذا كبر فيها الف حل


2. المهم طلع وهم متهاوشين وهذا الكلام كان العصر

السلام عليكم واسعد الله صباحكم بكل خير
اتشرف بأنظمامي اليكم واتمنى ان استفيد وافيد هذا الصرح الشامخ
لدي مشكله واتمنى ان تضعوا ارائكم بكل حياديه وبدون اي مجامله
اتصلت علي صديقه لي امس وتطلب رأيي في موضوع حصل لها مع زوجها وبنقلها لكم بالحرف الواحد وهي كالتالي :
صديقتي متزوجه من خمس سنوات وعندها طفلين المهم تقول انه جاهم هديه ايبود لولدهم الكبير وعمره سنه ونص قبل اسبوعين
تقول ان زوجها قالها امس ان الايبود مايستخدمه الولد وكبير عليه وله الان اسبوعين محذوف بالبيت وان اخوي الصغير وعمره تقريبا عشر سنوات ماعنده ايبود وزملاءه كلهم معاهم عشان كذا انا بعطيه الايبود هديه نجاحه
المهم ان صديقتي تقول قلت لا وهذا لولدي ومابي اعطيه احد وصار هواش بينهم

وهو يشرح لها ان الولد مايستخدمه وليش الحسد والولد اذا كبر فيها الف حل

المهم طلع وهم متهاوشين وهذا الكلام كان العصر

طلع زوجها لبيت اهله ولما رجع قال لها انو اقسم بالله ابوي قالي ياولدي اذا جهاز ولدك مايلعب فيه ولا يستخدمه عطه اخوك لاني الحين ماقدر اشتري له جهاز وقال زوجها لابوها ابشر واصلا انا كنت ناوي اعطيه اخوي قبل لاتقول
المهم صديقتي رفضت وصار هواش وحلف بينهم وكلام كبير وهي تقوله اشتر له واحد وهو يشرح لها ان الحين مامعه وهي مصدقه ان مامعه فلوس الان تكفي لشراء جهاز جديد
بالرغم من ان زوجها مو مقصر معها وبشهادتها هي
وهي تقولي ادري ان زوجي الحين مامعه فلوس يشتري
وهو الحين سبق ووعد ابوه ان يعطي اخوه الجهاز
الان ابي ارائكم من اللي معه الحق وايش تعليقكم بدون مجامله ؟!