مخيلتي وإبداعي فالبسبوسه

مرحبا فراشات
ان شاء الله مبسوطين ومرتاحين؟؟
الويك ان الي مضي ولدت خالتي وجابت الحمدالله بنوته اموره حلوه مشاء الله
وبما انه زوجي مسافر بره السلطنه لفتره روحت بيت امي ما خذتلي اجازه شويه
لما رجعت البيت عاد حدي تعبانه وطفشانه بس في نفس الوقت فرحانه لانه الويك اند بدأ
شوفت امي جالسه تنتظرني ادخل اسلم عليها إلا تقولي بكره بنروح نتغدي بيت خالتك قولتلها اوكي ما عندي مانع
قالت بس ابيكي تسويلها شي حلو عشان الضيافه ....!!
انا فطريقي اروح اشوف ولدي افكر شو اسوي شو اسوي
وقولت من زمان ما سويت بسبوسه عاديه بس بطريقتي الخاصه الي لين الحين ما علمت احد ابد
في نفس الوقت انزل الصور فالمنتدى عشان خاطرك عيونكم الحلوه يا فراشات
اعذروني على ردائة التصوير
وكمان اعذروني ما صورت الخطوات لاني كنت مستعجله
بس صورت الفنيشينج على أولتهم العنجليز
طبعا المقادير كالاتي
1 جلاس سميد
3\4 جلاس نرجيل مبشور
رشه من قشور البرتقال
نص جلاس زيت نباتي
كوب روب (زبادي)
4 بيضات صغار واذا كبار 3 بيضات
ملعقة ونص صغيره بيكنج بودر
شوية هييل
فنجان ونص قهوه سكر
الطريقه
نسخن الفرن لدرجة حرارة 180 درجه
نجهز صينية الخبز متوسطه الحجم ندهنه بالزيت ونرش عليه شويه سميد
ثم نبدأ
نبدأ بالبيض نفصل البياض عن الصفار ونضرب البياض بجهاز عمل الكيك لغايه ما يصير لونه ابيض
يكون شكله من الرغوه نضيف نص فنجان قهوة سكر ونضرب تاني لغايه ما يختلط و نخلي البيض المخفوق فصوب
الحين نبدأ مع الطريقه الثانيه
في وعاء ثاني نظيف نضع صفار البيض
السميد
النرجيل مبشور
باقي السكر
البيكنج بودر
زيت
رشة قشور البرتقال
هيل
والروب (الزبادي)
ونخلط لغايه ما يختلط الخليط جيدا
ثم نبدأ نضيف البياض البيض المخفوق بالتدريج
نضيف شوي ونخلط وبعدين نضيف تاني ونخلط وهكذا لغايه ما يخلص بياض البيض
نخلط الخليط جيدا
نصب الخليط في صينية الخبز
ندخله الفرن
الصور الاتيه تبين الخلط كيف يكون قبل الخبز وبعده
هذا بعد ما خلطت جميع المقادير
بعد الخبز
ريحته تجنن
الكلاس الي استخدمته فالمقادير
الكوب الي استخدمته حج الروب ( الزبادي)
ما سويت الشيره فنفس اليوم لاني بغيت اتفلسف شوي واسوي اليوم الثاني عشان يطلع فرش
طبعا كل هذا عشان خاطر عيونكم الحلوه
ولا تنسوني بالردود
تشاو