مذكرات عروس في اول رمضان

السلام عليكم ..
رمضان كريم ..
وربي يقبل منا يارب ..
مثل ماانتوا شايفين ..
رمضان ع1429ام
كان له نكهه غير عندي انا .. كنت اجهز على زواجي اللي بشهر شوال ,,,
وكان غير مع كل يوم فطور ارمي يوم واقول خلاص يوم من العزوبيه راح ...
والتعليقات علي يالله مابقا شي خلاص ودعينا وانا اضحك واقول يوه باقي شهر ...
لحد ماوصلت لليلة العيد .. خلاآآآص بعدها صار قلبي زي العصفور .. تزوجت بشوال ,,
والحمد لله كانت ذكريات لاتنسى ... :ق1:
رمضان ع1430ام
مااشبه اليله بالبارحه ..
وكأنوا قلبي يوم دخل رمضان العام الماضي وانا احسب لزواجي
واللحين احسب لولادتي ...ربي يسهلها علي ...
كل يوم اتذكر ذكرياتي واحن لها اكثر من اول ..
اول شي حنيت لأهلي ,,
غصيت بلقمة التمر اول يوم والعبره خنقتني
ارسلت لامي قلت الفطور مايسوي بدونكم ,, بكيت كل اهلي معاي ...
حنيت لجمعتنا وضحكنا وفلتنا ...
انا عند اهل زوجي افطر كل يوم عندهم ...
كل شوي اشوف الساعه واقول اللحين هم يسوون كذا ويسوون كذا ..
حنيت لصلاة التراويح بالمسجد ...
كنت اروح انا وخواتي واخواني نصلي واذا صرنا رايقين مرينا اخذنا اي شي بعد الصلاة ناكله
مره اخذنا فلافل لحاله وكليناه
اللحين مااقدر احكم رايي على احد ..
حنيت لطعم الاكل عند اهلي ...
حنيت وحنيت وحنيت ,,, ياكثر الاشياء اللي حنيت لها ...
اخر شي فتحت ملف تجمعنا العام الماضي حق عرايس شوال وقعدت اقاره وابكي ...
يمكن تضحكون علي بس من جد حنيت لايام التجهيز
الله عليه الدنيا العام كنت اجهز لزواجي واللحين اجهز لولادتي ...
اشايء كثير بخاطري تمر علي كل يوم ..
للحين مانسجمت مع فراقي لأهلي ...
كل يوم قبل انام لي موعد مع الدموع اشتاق لهم بقوه ...
مع اننا بنفس المدينه بس اجسادنا بعيده ...
افكرفيهم .. ناموا اكلوا .. ؟؟
احد منهم تعبان بس مايبون يقولون لي ... ؟؟
لا يصير صار فيهم شي ونا من المغرب ماادري عنهم ..؟؟
على انه من حملت وانا عند اهلي
ودايم عندهم بس كل ماطلعت احس قلبي يبي يطلع واسلم عليهم واحيانا تنزل دموعي بس يسترها ربي واصير متغطيه ..
لان هم اشد مني وانا ماابي ابين لهم شي ابد عشان مانقلب البيت مناحه يكفي اول شهر من زواجي ...
قاعده اكتب لكم وانا ابكي ..
لدرجة قطعت الكتابه ورحت اجيب مناديل ...
انا الحمد لله مرتآآحه ومبسوطه مع زوجي واهله ...
ولا شلت مسؤليه ابد من طبخ كل الفطور عندهم ...
بس حنيني لاهلي مااقدر اقاومه ...
معليش مجرد فضفضة عروس ,,,للحين تسمي نفسه عروس ..خ
مالقت احد تتكلم معاه اخاف مااقدر اكمل من الصياح ...
مشكوره على قرائتكم موضوعي وفضفضتي الطفوليه ...