مره طايحه ع الاكل ايش الحل يابنات

كيفكم بنات
صراحه انا دخلت هنا ابغا افضفضلكم ويمكن الاقي عندكم حل بعد الله سبحانه وتعالى
بنات انا بالاول كان وزني 61 وطبعا طولي 152وسويت رجيم تخفيف ورياضه في رمضان ونقصت 4 كيلو وصرت 57 ومن بعد رمضان انا طايحه ع الاكل مااخبي عليكم انا في شي مضايقني ومو لاقيتلو حل فقاعده احط حرتي في الاكل 24 ساعه
شكولاتات وقمبريات وكل يوم اقول بكرا حبدا اشد ع حالي انتظم في اول اليوم ويجي االليل واخبص مالي نفس للرياضه ولا لأي شي ابغا انحف وماني عارفه كيف المشكله كل الي ابغا انحفها 7 كيلو ابغا احد يشجعني في البيت مو لاقيه وانا صراحه ميؤؤسه من منظقة الارداف احس انها مستحيل تخف مرره محطمه
اشتركت مع قروبات وفتحتلي قروب وبرضو مو قارده استمر حتى مالي خلق اهتم بشعري وجسمي مرره مقفله معايا تفكيري مره ملخبط ومشتت ساعدوني خاصموني اضربووني المهم صحوني من الي انا فيه
لو وحده فاتحه قروب ونشيط تخبرني عليه يمكن معنوياتي ترتفع واسجل وانحف معاكم بإذن الله