مساعدة من بنوتات الفراشه النسائيه

هلا بك اختي ..
ماقلتي وينك فيه بالرياض ؟؟؟
عشان اقولك على محلات حلوة واسعارها معقولة ..

لا انا في المجمعة بس مو مشكلة أروح لرياض وشتري كل شي ولا يهمك ..

ماحد عبرني ليش وين العالم
تكفون ابي مساعده

هلا اختي الطاولات حطي مفارش لونين ممكن حق القاعه يقولكم وش الالوان اللي تبونها نحطها او تتعاوني مع منسقه للافراح تصلح الحفل من والى كل شي تسويه
والطاوله حطي فازات حلوه فيه صحنين
واحد للحلى والثاني فطاير 00
بالنسبه للطقاقه من المجمعه ماعرف ان شاء الله تلقين وحده تدلك عليها 00
والزفه ان كانت للعروس هي تسوي بنفسها افضل لك تترتاحي واذا كانت
لاخوك بس تلقين منظي الفرح يسوونها او محلات التصوير
ان شاء الله افدتك على الاسئله ولاتنسي الهدايا حركات وصياني الشوكلاته

هلا والله بنت المجمعه
حبيبتي اهم شيء بالزواج ترتيب القاعة والضيافه والطقاقه يكون على افضل ما يرام.......
احسلك جيبي مصمم او منسق يضبطلك القاعة بس انتي لازم تشرفي عليهم
او انك تنزلين محلات تجهيز الطاولات وتختاري اخر شيء نزل بالسوق

أختي غلا بنت ابو غلا
او تتعاوني مع منسقه للافراح تصلح الحفل من والى كل شي تسويه
بنسبة لها الأمور لقيت بس كلهم نصابين وغالين وفي المجمعة بس محلين ورافعين السعر حيل مو مشكلة ياليت تدليني اذا في الرياض اروح أشوف الشكل
بالنسبه للطقاقه من المجمعه ماعرف ان شاء الله تلقين وحده تدلك عليها 00
مولازم تكون في المجمعة يعني عايدي لو تكون في الرياض هي تجي لاتخافين بس دليني علي طقاقه حلووه
والزفه ان كانت للعروس هي تسوي بنفسها افضل لك تترتاحي واذا كانت
القصد من هالكلام مو قصدي زفت العروس لان ماعندنا هالشغلات بدو تعرفين بس انا ابي مثلا الزفه تكون في الحقل نشغلها تكون زفه مع أغنية يعني ابي برنامج حلو مثل اي مسرح كلمة ثم بعده تأثيرات صوت وأشياء مثل هالقبيل ان شاءالله فهمتي وش اقصد
يعطيك العافية وياليت الافاده أكثر

&أريج الورد&
حبيبتي اهم شيء بالزواج ترتيب القاعة والضيافه والطقاقه يكون على افضل ما يرام.......
وانا ليش طالبه المساعده ابي تكون القاعه روعه وشلون ما اعرف ابي مساعدتكم
احسلك جيبي مصمم او منسق يضبطلك القاعة بس انتي لازم تشرفي عليهم
بس كلهم نصابين كل واحد يقولي انا بزين وسوي 15 الف 13 الف وين فيه مالت عليهم
انا سويت حركات حلوه بس بقولها لكم بعدين

واو 15 الف نصابين والله
شوفي رحت للزواج والله تنسيق الطاوله
مع المدخل وطاوله بعد العشاء حلو بس
ماعرف كم سعرها والرقم عندي برسلها لك شوي 00
شوفي الزفه سوي شريط وشغليه من مسجل القصر سوي من شبكة افراح
هم في الغربيه بس يرسلون الشريط لك
وماجربتها بس شفت كثير يمدحونه 00
والطقاقه عندي ام فهد مااتعامل الامعها
برسل لك رقمها 00

غلا بنت ابو غلا
واو 15 الف نصابين والله
علشان المره الثانيه ما تلوميني
شوفي رحت للزواج والله تنسيق الطاوله
مع المدخل وطاوله بعد العشاء حلو بس
ماعرف كم سعرها والرقم عندي برسلها لك شوي 00
أنتي عطيني الرقم وانا بدق ورد لك خبر هني
وأقولك كم قالو لي
شوفي الزفه سوي شريط وشغليه من مسجل القصر سوي من شبكة افراح
لقيت موقع يسون شريط 1500 ريال
أفراح غاليه حيل
والطقاقه عندي ام فهد مااتعامل الامعها
طيب الطقاقه روعه وش معهاه وانتي سمعتيها قبل وهي شاطره ولالا
والله يجزاك الف خير يارب
ومن عنده أفكار يساعدني بعد