مسافرة بعد اسبوعان ومحتاجه لأفكاركم الرائعه

** جان **

07-05-2022 - 02:13 am

السلام عليكم فراشات..
إنشاءالله عقب إسبوعين مسافرة أنا وزوجي وأهلي يعني أمي وأبوي وخواتي.. بس مادري شنو أجهز أغراض لي وله.. وشنو أحمل وخصوصا إني أبغي زوجي ينبهر ويستانس وأبغي أسويها سفرة ماينساها طول عمره. . يعني أبغي نسافر مع أهلي بس مابي هذا يأثر في سفرتنا وراحته أهو.. مع العلم إنه علاقته ماشاءالله وايد تمام مع بيتنا..
يعني أبغي أسوي حركات شوي وأبغي يعني ماعرف شلون أعبر بس حبيت مساعدتكم يافراشات
يعني في سفراتكم شتحملون أو شسوون يعني أكيد فاهميني زين
وشلون أجهز شنطته أهو أبغي فيها شي مميز يتفاجئ فيه هناك..
مشكورين سلفا..
إختكم جان

التعليقات (8)

حرم الوزير

07-05-2022 - 04:26 am

ام تمنيت لو انك موضحه أكثر ... يعني بتسكنون مع أهلك ولا بروحكم ؟
السفره خارجيه ولا داخليه ؟
عموماً الزوج ينبسط لو تكوني شاريه له بيجامه جديده ولك انتِ بعد شي مغري .
وروحي بودي شوب وجيبي له زيت للمساج مع عجله خاصه فيه .
وبتلقين هناك شناط صغيره جبيها له وحطي فيها كريم للحلاقه ولبعد الحلاقه ..وشمبو .
وتكونين مجهزه له لبسه ومطبقته بطريقه راقيه (زي المحلات) وإذا أنتِ مهتمه حيل وتبين تبهرينه ..
طبقي كل قميص مع بنطلون يناسبه فوق بعض واربطيهم مثل الهديه بشريط ناعم طبعا بدون تغليف ...
وحطي بالشنطه أكياس الروائح المعطره عشان إذا فتح الشنطه يشم ريحة نظافه ويدوخ .
واهتمي طبعاً يكون معاكِ ملابس تلبسينها له بالبيت غير قمصان النوم مثل الميني جب والشورتات وبديهات نعومه .
ورحله موفقه يا قلبي

** جان **

07-05-2022 - 05:27 am

هلا حرم الوزير.. وشكرا على الرد الحلو..
وبالنسبة للسكن أكيد إنشاءالله بنسكن بروحنا في سويت وبتكون السفر خارجية مو داخليه... ومشكورة على الرد إختي..
إختج جان شكلي بروح أنام تعبت
تصبحون على خير

داااانة 2006

07-05-2022 - 06:28 am

خوذي ورود علشان تسبحين انتي وياة
جهزي البانيو وحطي الورود.......................كثري من الملابس حقتك للزوج مثل الشورتات وقمصان النوم
خذي رغوات كثير للبانيو......
هاذا الي يحظرني او مااتذكر بخبرك

شنطة امي

07-05-2022 - 07:29 am

ياقمر انا عزابية
بس مايمنع اني افيدك
اهم اهم شي كمره معاكي عشان تصوريين كل شي وصورية وهو نايم واذا رجعتوا لديرتكم وريه وكذا ضرتبي عصفورني بحجر
رح تتذكروا ويسير الوضع رومنسي ورح تنبسطوو انها ذكرىى وهو يتفاجاء
اتمنى فكرت يحلووة
واعذريني
سارة

** جان **

07-05-2022 - 08:30 am

دانه 2006 مشكورة إختي ع الرد.. وإنشاءالله إخدمج بالأفراح قولي إنشاءالله يالغاليه..

** جان **

07-05-2022 - 09:31 am

سارونه العزابية عسى الله يدخلج القفص يارب.. وتاخذين واحد يستاهلك، وريحك.. فكرت أنا بهاذي الفكرة وتدرن كانت أول شي أجهزة من الأغراض كلهم.. وعلى العموم مشكورة على الرد والفكره .. تسلمين
إختج جاني

عصير فراولة

07-05-2022 - 10:32 am

مشكورة حبيبتي على الموضوع
انا بنسبة لي ما عندي شي غريب
بس حبيت استفيد من الردود
لاني بسافر ان شالله بعد فترة
وبتوفيق يا الغالية..

أم عبدالهادي

07-05-2022 - 11:33 am

إنشاءالله
للتنبية فقط
إن شاء الله
تكتب بهذه الطريقة
<<<<<<<<<<<

الجسم السليم في القبله السليمه←
كيف تحافظين على عيني زوجك دمج موضوعان→