مستحيه توافق على العريس

miss_xoxo

21-11-2022 - 11:53 am

هلا يالفراشات
صدييقتي قصتها غريبه واتمنى انكم تساعدونها
هي عمرها 26 سنه وماحد يتقدملها الا بالقطاره وماهي متعوده انه عرسان يتقدمون لها فا الله كتبلها وانه اتقملها عريسس وبسس امها جاابت طاري العريس الا وهي منحرجه وقالت انها ماتبي بس في الحقيقه تبي ورااحت ناامت بس عششان تتهرب من جواب امها
تقولي ودي اقول ايه مواافقه ومستحيه انها تتكلم مع والدها وتقوله انها موافقه لانه يحسبوها انها ماتبي وهي مره خايفه من العنوسه وتتمنى تتزوج اليوم قبل بكره بس مستحيه
تكفون يا بناات قولولها كلام يشجعها انها تواجهه اهلها وتتجرء شوي

التعليقات (9)

~ رحلة عذاب ~

21-11-2022 - 02:52 pm

ههه الله يسعدها الخجلانه
غريبه ليه تستحي ههه
والله مو عارفه وش ارد عليكي
لكن برفع الموضوع ساعه محد رد
ولي عوده بشوف ردود البنات <<< ملقوفه وفاضيه خ

رمش السهر..

21-11-2022 - 03:53 pm

تقولهم اسألوا عنه واعطوني معلومات كامله عشان افكر واقدر اعطيكم رايي عن قناعه
وكذا مايكون فيه احراج .
ترا الفرص ماتجي كل مره خلي تتشجع وتقول لهلها تنحرج هالمره وترتاح بعدين هع
والف مبروك مقدما ..

miss_xoxo

21-11-2022 - 04:54 pm

ههه والله يارحله عذاب انا نفس الشي مستغربه ليش لهدرجه مستحيه حنا ب 2011 والموضوع ماهو عيب بس عجززت اتمنى انتو تقولون لها كلام يقنعها انها تتشجع
تقول تنحررج من اهلها بمواضيع الزواج وهالامور اخت رمش السهر هي عرفت مبدئيا مواصفاته وموافقه بس موب عارفه الون ترد على اهلها وتقول ايه موافقه

غيــــوض..

21-11-2022 - 05:55 pm

عادي ترد رد حلو
تقول لامها يمه اذا تشوفونه مناسب واخلاقه زينه وماينعاب نتوكل على الله اما اذا سمعتوا عنه شئ مو زين نرفضه
يعني عشان تبعد الحرج تستخدم صيغة الجمع (نتوكل على الله--- سمعتوا----نرفضه 9
كذا اشوف احسن طريقه للرد مافيها اي احراج
ومن جد هي قالتها العرسان بالقطاره يجونها اذا كويس واستخارت تتجرا وتتعود وتوافق
الله يسهل امرها

أجراس الرحيل

21-11-2022 - 06:56 pm

الله ييسر لها
تقول لأمها هي اقرب شخص ممكن تقولها وهي بتوصل لأبوها

مشغوله بحالي

21-11-2022 - 07:57 pm

سبحان الله انا زيها بضبط ويوم خطبني ولد عمتي جات أمي تسالين وتقولي هاه وش رايك بالولد موافقه ولا لا قلت بكيفكم ونحشت
امي فهمت عاد وردت لهم خبر ايوه وتفقوا .........
فا يتسكتين وتطلعين وهي بتفهم ولا تقولي بكيفكم وفي الحالتين انحاشي

نسيتك بهدوء

21-11-2022 - 08:58 pm

لو انها ماقالت لا انكان صار الوضع مريح بعض الشي
مالها الا ترجع لامها وتقولها وش نسوي بذا الخجل ههه

بقآيآ شتآت

21-11-2022 - 09:59 pm

نفس مشكلتي بصراحه.........
طيب مو انتي صديقتها جربي تكلمي امها وتقولي لها البنت منحرجه وقالتلي ارد عليكم انها موافقه
او البنت ترسل مسج لابوها او امها او تقول لاختها او قريبتها
مو شرط تقول موافقه تقول عطوني وقت افكر مثلا

الحمد لله ربي

21-11-2022 - 11:00 pm

ربي يوفقها ويكتب لها الخير
زين الحمد لله لسى فيه بنات يستحو ما شاء الله فعلا الدنيا بخير
خليها تدعي وامها راح تجي تسألها مثل ما دعت باذن الله

وضعنا مع حاافز←
ليش تجينا لحظات نحس انه الدنيا مش حلوه→