مشاعر ارمله معذبه

1. بس بنات انا تعبا انه نفسيا

السلام عليكم ورحمه الله وبركاته
كيفكم بنات وكل عام وانتم بخير..واله يعوده علينا وعليكم بالرجمه والغفران والعتقان من النار
بنات
بنات
انا ما جيت وكتبت الموضوع الا من يوم صرت وحيده وانطوائيه واحس اني بمرض نفسيا
ادري بتقولون صلي الليل واستغفري واختمي القران اكثر من مره الله يعلم من غير ما اتكلم الحمدلله
حتى دائما احلامي زينه واللي يحلمون بي يحلمون باشياء زينه ودائما ادعي للناس واحس ان الدعوات مستجابه يالله لك الحمد

بس بنات انا تعبا انه نفسيا

ترملت توفا زوجي قبل سنه ونص وكانه توفا توه الوحده ذبحتني ذبحتني اناظر سريري اقول وين اللي يضمني الي لا بكيت او ضاق صدري ضمني وحن علي اللحين ادوره وينه اتخيله واذا تخيلت احد غيره تلوع كبدي اقول لا ما ابي غيره ما اقدر ما اقدر يعني مكتوب لي طول عمري اعيش كذا حزن في حزن حرمان
اناظر في جسمي اقول هذا انا كيف صرت كذا مهمله خشنه ومسمره اقول كيف صرت كذا شعري تغير
لما يقولون يلا ابدي معنا اقول ما اقدر لمين الاهتمام والمكياج لمين ما يحاج خلاص وحرمت على نفسي الحنا حرمت على نفسي الرقص حرمت على نفسي احد يدعي بالعوض والرجال الصالح صار كل ما جاني احد يقولون لا ما تبي العرس وانا تعبت من الوحده ابي من ياوسيني من يستر علي وابين للناس اني ما ابي العرس ولو اعرست بتعب نفسيا بتعب بتخيل زوجي وانفر من الرجال يعني بظلم الرجال معي او انه بيتعب معي بالبدايه كثير
اناظر المطبخ اذا طبخت اقول وين اللي يحب اكلي صرت ما اطبخ ولا اسوي الاكلات اللي يحبها ابكي لحالي بالمطبخ واذا غسلت الثياب او علقتها اقول وين ثيابه وابكي
والمشكله المشكله ان كل صديقاتي متزوجات واختي
لما يسولفون عن ازواجهم انا من داخلي حريقه حريقه ما احد يحس فيها الا الله يقولون بنسوي سهره رومنسيه وبتحنا لزوجي ويسالوني اي شقه انتي حجزتيها عالبحر انتي وزوجك الله يرحمه
حرام عليهم حرام والله ما يحسون بالارمله الا الارمله وانا ايامي وكرياتي ليه كذا يسالوني ويقولون لي
ولما يقولون ويشكون من ازواجهم وبالاخير ليته زي زوجك الله يرحمه المفروض زوجي اللي يموت مو زوجك
هذا كلام ينقال
ينات انا صرت اتاحشاهم اتحاشاهم اختي صارت تفهمني ما تتكلم عن زوجها ابد ابد ولا عن رومنسياتهم ولا عن شي اما الباقي لا لدرجه انهم يقولون عطينا قمصان نومك مكيجينا لازواجنا
تعبت والله تعبت
الوحده ذبحتني والذكريات ذبحتني وسوالف البنات ذبحتني
وامي بين فتره وفتره ما تبين تعرسين؟؟؟ والحريم ما اعرست ام رائد ما اعرست؟؟؟
وجالسه تحت رحمه اخواني ما يرضون اركب تاكسي ولا يودوني اقضي لعيالي وهذا يجدعني على هذا وهذا يقولي قولي روحي لهذا يوديك
وان ركبت تاكسي تعالي تهزيئ وانا اخاف الله وصاينه فرجي وساجده لربي ابي الستر والطمانينه وراحه البال
بنات صرت بس وحيد وبالغرفه جالسه لان الصاله كلها مسلسلات وانا ما احبها وان طلعت انسرقت شنطتي او يضيع ولدي وان رحت وزرت اهلي عيالي ما شاءالله عليهم حركيين
وش اسوي في نفسي
تكفون ادعولي ان همي ينزاح دايم اشوف نفسي حامل ولا اولد والحامل هم هم هم هم هم
فراق خالد عذبني وانا احبه موت ووفيه له بجنون