مشكلتي سكني لوحدي تكفون ساعدوني لو بالتشجيع

1. مشكلتي يمكن تكون سهلة لكنها بعيوني كبيرة مرة

السلام عليكم
كيف الحال

مشكلتي يمكن تكون سهلة لكنها بعيوني كبيرة مرة

انا متزوجة من 7 اشهر زوجي ماعنده اخوان اصدقائه كثيرين يحب الطلعات لمى الصباح يعني يطول بالطلعه انا ساكنه بشقة لوحدي وزوجي مايبغاني اقعد بالشقة لحالي ووهو بعيد عن البيت
تعرفون الجو الحين حلو وامطار وزوجي يحب يطلع لاماكن المطر لذلك يصرفني لبيت اهلي عشان يروح استراحة او بر مخيم او شي وانام ببيت اهلي يعني كل يومين وده يطلع تخيلوا معي اني كل يومين انام ببيت اهلي ويوم ببيتي انا استحيت من اهلي ومن نفسي اشغال البيت ماخلصها دايم برى البيت تعبت وانا كل يوم اودي ملابس لبيت اهلي وانام عندهم وكل مااتناقش معه واقول له يقول شوفي اختي تنام ببيت اهلي دايم وش عادي الوحدة تنام عند اهلها انا اتضايق من كذا وهو ماهمه مع اني احس انه يحبني ماانكرت حبة ابوي لمى انام ببيت اهلي يقول وش صاير بينكم ويشككني بالرجال حتى اني صرت افكر بهالحركة وانقهر مرة
تكفون علموني وش الحل يعني المطر موب موقف والجو الحلو الى نهاية الشتاء وهو يبي مايضيع يوم ولا يبيني اقعد لحالي بالبيت ويتاخر ومرات وده ينام برى
تكفون ابي طريقة اخلية مايسوي هالحركة لاني مليت والله من كثر مااشيل بنفسي واتنازل اليوم قال لي روحي بيت اهلك مع امك قلت ماابي مابي قبل يوم كنت عندهم قال روحي عادي بروح البر قلت المطر موب موقف واصدقائك موب نافعينك حتى قلت له لو رحت اليوم ترى ماراح ارجع للبيت مانكمل نصف ساعه مع بعض الا جواله يدق وينك وينك يعني حتى لو الفجر تخيلوا الفجر يعني وين بيكون اكيد مع زوجته انا حكيت مشكلتي لاني ابي اعرف في رجال مثل زوجي ولا لا ودي بحل سلمي مااحب المشاكل ابد انا
اريد حلا سلميا
اريد حلا سلميا
اريد حلا سلميا